قصة ما ينجبر قلب على قلب

قصه اماراتيه عجبتني وحبيت انقلها

اذا استصعبتوو اي كلمه او ما فهمتووها تراني في الخدمه

وانا ناسيه اسم الكاتبه اكييد اني بدور عليه وبحطه
>>> حقووق الابداع محفوظه

اذا شفت تفاعلكم راح اكمل ^^



من قال لك اني فالبعد مرتاح جذاب خذ مني العلوم الاكيده مهموم و طول الوقت و الحال ياصاح كل يوم في ناقص ولا شي يفيده

لطيفه: عنبوه يا فطيم ما بغيتي تيين.... ماظني نلحق على الامتحان
فاطمه: ركبي ركبي انتي الحينه خلاف بنتفاهم..
دشت لطيفه السياره و سكرت الباب وراها
لطيفه: السلاااام عليكم ...
فاطمه + ضبابه + أنيسه + إبراهيم : و عليكم السلام
فاطمه: هلااا...ضبابه الغرشوبه هنيه .... خشمج
ضبابه: هه....غرشوبه مرره وحده..شحالج بنت الخال
لطيفه: يسرج حاليه.....نشقح على قولت بنات السكن
ضبابه: يعلني بلاهن ...اشوفها رمسكتن امرره خلفتنها ألا نشقح و أمبيه و مادري شوه...امف عليكن
لطيفه: هه...حرام عليج و الله انه سوالفهن حلووه...اقول بنت العمه وين بها ؟
ضبابه: و الله عندي مووعد أسنان . يبالنا انزّر ( انشد ) الضريسات قبل لا انسافر
لطيفه: غربلات عدوج فجوجج طاحن من كثر ما يزروولج هالتقويم بس عاد عقيه حَلْين في ثمج
فاطمه: بس عااد صخّن شوي..كلمتين ما رمت اقرآهن من حشرتكن..شوه اول مره اتشوفن بعض؟؟!!!!
لطيفه: و سكنهم في مساكنهم....شعندج؟؟؟
ضبابه: لا تخبرين امرره الدخان يضهر من خشمها...مواصله من البارحه ما رقدت و ألحينه متأخرة
لطيفه: انزين انتن شعنه متأخرات؟؟؟
فاطمه و بإستهزاء: الكونتيسه بخيته ( أمها) لازه السياره و سايره اتسلم على حرمه مربي
لطيفه: فديتها عموه....انزين انتي شعنه ما قلتي جان خطفت عليكن بالسياره
فاطمه: تراها هاي ذبابه عليها موعد ولازم اتسير ويانا....و بعدين امرره ما تحلالهن السيرة الا الضحى حشا ما يرومن ايقرّن فالبيت يوم كامل
ضبابه: ذبابه تقرصج قولي امين ....الله يغربل الساعه اللي سموني فيها ضبابه..حشا و الله اني تعقدت....و بعدين الحبيبه رااقده طول اليوم و ناشه انصاص الليالي اتذاكر شدرانا انه عندكن امتحان؟؟؟ نسيتن انه اليوم الخميس
لطيفه: هه...اسميكن اتجنن و انتن تتغزلن في بعض شرايكن اتقابضن بالكشيش بعد...بعدين إيه ضبووب بس عليج مسمايه على البووسBoss العود جان زين سموني على يدووه ضبابه يعلني ما اخلا منها يارب
ضبابه: خلاص عيل بنتبادل بالاسماء امبونه اسم لطيفه ما يناسبج
لطيفه: شرايج امره انخطف الحينه على المحكمه و انغير الاسامي...
فاطمه: شوه هالجامعه المتخلفه حد يمتحن يوم الخميس...بتخبرج لطوف خلصيته الكتاب كله؟
لطيفه: امرره لا تخبرين الكتاب عدي به من يوم الميد تيرم
فاطمه: غربلات عدوج شوه بتسوين اليوم فالفاينل...عنبوه متعنيات و ماخذات صيفي عشان نرسب؟؟؟
لطيفه: هبي هبي ....يا بوي فال الله ولا فالج ارسبي انتي جان تبين... بعدين منوه غيرج معزر ناخذ صيفي بصايرج هاي
ضبابه: و الله انكن مالكن خص فالجامعه ....ولا انتن اشكال جامعيات ؟؟؟؟؟ و مهلكات عماركن عنبوكن الا توكن مخلصات الأساسي يا بوي بالدوب ادرسن... هب كله خبط لزق
لطيفه: و الله هاي شويرات اختج ولا انا مالي خص فالجامعه ولا غيره امبوني بيلس فالبيت ابركلي
فطيم: عنبووج يايبه 89 و علمي و ما تبين اتدشين جامعه ...عيل شوه اتقولين عني انا 71 و ادبي بعد زين يوم قبلوني فالجامعه
لطيفه: بتخبرج وين الامتحان ؟؟
فاطمه: فالعين مول
لطيفه: منووه يقول ؟؟؟ يابوي انتي امرره راقده على عمرج جني سمعت انه فال 66...صبري بسوي حق سلاموه
ضبابه: شوه هاذا بعد العين مول؟؟؟
فاطمه: هاذا مبنى يديد فالجامعه يشبه العين مول من برا
ضبابه: واايه ...تراكن وايد متخققات بهالجامعه اللي يسمع داشات الامريكيه ولا كامبردج
فاطمه: عاد و الله الجامعه مسونها بوخليفه ....و ايسدنا اننا نتخرج من الجامعه اللي هوه مسونها
لطيفه: بنشوف انزين ضبوب اي جامعه بدشين
ضبابه: و منوه ايقولكن اني بدش جامعه...انا ضبابه بنت سيف اكرف فالجامعه من سابع المستحيلات
فطيم: عيل شوه ناويه اتسوين بنت سيف .... بتشتغلين مرجبي فالعزبه؟
ضبابه: ماشي ....امم....بعرس
فطيم: شوه شوه شوه ما سمعت .....دخخيلكم ..
ضبابه: هيه بعرس عندج مانع
فطيم: لا دواس
ضبابه: دمج ثقيل ..تعرفين ولا لا ؟
فطيم : لا ...توني اعرف معلومه يديده
لطيفه: و اقوول ضبوب...اشوفج وايد واثقه منوه تعيس الحظ ...اوه سوري الشيخ اللي بياخذج...؟
ضبابه و بإرتباك: شوه ....امم...نصيبي بعد منوه
لطيفه: سبحان الله و هالنصيب ما يشوف غيرج انتي ....ما يشوفنا نحن جدامج
ضبابه: و الله انتن رقيه و سبيجه منوه يباكن ؟؟!!!
فطيم: بس عاد جنا ما نعرف عااد لمنوه تلمحين....لطوف تراه هاذا كله دهان سير ..فهميها عاد
لطوف( حابه ترفع ضغط ضبابه): لا و الله ...ثرها جيه السالفه عنبوه يا بنت العمه ما يرزا ...يوم في خاطرج خلووف جان من زمان قلتي
فطيم: ههههه.... اشكر فنج لطفين
ضبابه: اووهوو...غلسات حشا ما شفت حد بغلاستكن و انا خلووف هاذا ما باخذه..لو ايبيض الديج ما باخذه..بس عاد مب كل شوي اتقوللي خلووف و خليفه
فراشة حواء
مجلة فراشة حواء

فطيم: عدال عدال
لطيفه: عاد اللي يسمع هوه اللي بيموت فيج...بعدين هوه خاطب وبيرد ان شالله من بريطانيا و بيعرس و بتعذرين عنه
فطيم: يابوي القلب مب عند خليفه ...القلب عند نااس ...لطوف الله يخليج خطبوها و فكونا منها هالخقاقه
لطيفه: و الله سلطان بعده صغير ...و نحن يوم بنخطب له ...افكر اخطبله وحده من سويحان
ضبابه: لا و الله ....يعله بلاهن بومي د بنات سويحان
فطيم: بس بس الله يخليج لطوف البنت شوي و بتعق عمرها من الدريشه...مايرزا الا سلطان هوه مناك
ضبابه: اكريمنا بسكووتج .... ثره على التراب انتي ماتسوينه
لطيفه و هي تكلم سلامه على التيلفون: صصصه ...خلني اسمع البنت شوه اتقول....هيه متأكده؟؟؟ قلت انا هالخريش اللي عندي ما تعرف وين تضوي..انزين سلامه بخليج ..سمحيلنا غثيناج....شعليج فالبيت امبونه الا الجامعه فره حصاه عن بيتكم هب نحن ...مالت على حظنا نص ساعه عشان نوصل ..هه..انزين الغاليه فداعت الله..باي
فاطمه: وين؟؟
لطيفه: فال66
فاطمه: عزات اليوم ما دشيناه الامتحان ... متا بنوصل بعدنا هناك..ايه إبرااهيمووه انقفض ما تشوفنا متأخرات
إبراهيم : شووه هاداا انتي زيااده جنجال ..كل يوم كل يوم ...توم فاجل
فاطمه: فاجل محد غيرك يالهرم ....حط شريط اسود
ضبابه: و لج بارض تسمعين اغاني بعد
فاطمه: لمي ثمج لو سمحتي ..مافي هاذا شريط ما تفهم انته هاذاك اسود
ضبابه: هههه ههاي...يوم اقولكم يعّيب الريال محد صدقني ...و الله انه ما فيج حيله يا لطوووف امرره الريال طاح طيحه في هواج...
لطيفه: ضبوب ردينا على طير يللي ...تراها تفهم رمستنا.( تقصد براهيم)
ضبابه: عيل شله كل ما نركب ايحط شريطج ؟؟
فاطمه: برااعيم ...يعل ما من برااعيم فالدنيا...حط هاذا الشريط تراهن زيراني اليوم نازلات
ابراهيم .....تحرطم كم كلمه بالهندي ....بس لا حيات لمن تنادي
ضبابه: براهيم حط شريط مال فاطمه ما يشوف انته كيف هيه زياده جنجال
براهيم: ما يريد....هاذا كاسيت في فااجد سووت ( صوت) ما يروم انا مخ مالنا زياده مشكله
خطفن عشر دقايق و فطيم غاديه غووري امره اتفوور اتفوور شافتها لطيفه ..
لطيفه: براهيم ....الله يخليك خله هاليوم يعدي على خير...حط شريط اسود مال فاطمه
ابراهيم: ان شالله ماما لتيفه....انتي تمامم ما في هادا بنات كل يوم زنجال
لطيفه: بس عاد من الرمسه ...انقفض ورانا امتحان نحن و انته تمشي 80 متا بننوصل
ابراهيم : ان شا الله