المرة غادي نحكي لكم حكاية غريبة/ / مفهومة ماشي صعيبة/والجلسة معاكم
كلها طيبة ../كان فشي وقت من لوقات/ تتعيش واحد العائلة فيها غير لبنات/ تلاثة شقيقات/ والرابعة ربيبة/ كان باهم تيعاملهم معاملة وحدة/ ما كاين فرق من بين البكرة ولا الصغيرة/كل وحدة عندو اميرة/ الا مهم دايره فرق كبير مابين بناتها اللي من كرشها/ وربيبتها اللي فعقلها ما دخلتها/ من كبرات ووعات/ هي اللي تتقضي وتنضي/ ومن تفضي تجلس على الغرزة الطرز ولا تخيط/ ومنين عليها تعيط / توجدها قدامها تترعد من الخوف/ سرها ديما مقدوف/ وباها غير تيشوف/ عيا بلحلوف وغير تيحنت/ وهي بتمارة التطحنت/ وعاد كلفتها يوميا تعجن خبزة الكل واحد فيهم/ وخبزة الام تكون وافية شوية عليهم/ تعجن وتعاين حتى تخمر وتجمع لعواد وتحمي الفران وتطرح وتفرق/ وتحضي القدرة على الكانون تحرك وتمرق/ وتحلب وتمخض اللبن/ جهدها تدفن فذيك الدار/ وفواحد النهار مع الزربة والخلعة والتلفة/ نسات ونبزات من خبزة مرت باها اللي يمراتها/ قالت ليها يامي حيث هي اللي رباتها/
راه نسيت وبلا ما نشعر/ حصل هاذ لامر/ ويلا بغيتي نمشي ندبر على خبزة فقياس خبزتك/ ما في ما نهز قرصتك وضربتك/
قالت ليها والو من خبزتي نخلاق/
وحتى حل معاها ما لاق/ وبدات تعاير وتسب/ وتضرب باللي لقات في ديها/ والبنت مسكينة ما لقات غير رجليها/ سبقو الريح/ ومرت باها تا بعاها وتصحيح:
- بغيت خبزتي، عطيني خبزتي وتشير وتشير/ حتى خيال البنت غبر/ وتلفات مابين سواقي وشجر/ وبلا ما تفكر فلامر قررات ما تولي/ وبداتي لروحها تتسلي/ غير مخبع تتطل/ وفالليل تيغطيها شعرها الطويل لكحل/ حتى الواحد المرة قررت تبدل لمكان/ تلقى فيه شي اطمئنان/ مشات مشات حتى عيات/ وهي تصادف عزيب/ واسع وعريض وبنيه غريب/ طلت ودخلت/ ما وجدت حتى واحد فيه/ وتعجبت كيفاش حتى واحد ما حضيه/ شربت من عيونو لكثار/ وكلات من خير لشجار/ وحسات بنعاس دوخلها الراس/ التكات وتمدات/ وغمضت عينيها/ لكن طلقت ودنيها/ عارف راسها فخلا/ ما شي منزه فرحلة/ ويالله بغات تغيب/ وهي تسمع صوت غريب
- يالله حلو البيبان وفرشو بالزربة لسلطان راه وصل عيان../
بالزربة تنصبو لخيام/ امر تعمل كلشي يعمل لهلايخطي لحكام/ ولبنت غير شافت ما شافت وهي تلعثم وبدات تخمم بحال اللي حصلات/ السوار عالية/ والحراس عينيهم تلقط الجوان/ خممت مزيان وهي تدخل ما بين الغنم/ اللي عددها كان كثير/ حدا جنب البير / بعدا الما حداها/ والله نجاها واحضاها../
يا سادة ياكرام
السلطان من ارتاح طلب مرايت الهند/ وبالو منظر من البعد/ وسط لغنم طرف كحل/ وبلا ما يتعجل قال لوزيرو شوف/ فالواياه يامولاي/ هاديك شي حاجة ما شي خيال/ ودغيا طحتلو فالبال وقالوا:
يا مولاي فالحال توجد قصعة تريد/ بفروج بلدي لديد/يكون مالح ماشي مسوس/يبان حس هاذ لكنوس/ الانسي لافيه الجوع ياكل/ والجني ما يقرب لطعمنا/ فلحظة كلسي يبان قدمنا../ وهذاك ما كان يالخوان/ كلات وبردات/ ومن البير شربات وعرفوه انس ماشي جان/ وقا لهم السلطان/ حضرو قدامي اللي كان/ وغير بالضرافة واللطافة/ وكسيوه بشي لحافة/ اولخف حضرو البنت وهي تترعد ما شي من البرد/ من الخوف تحتى تلقاو سنانها/ وتكمشو يديها/ قالهم خليوها/ ومنين شاف فيها وتمعن/ شاف قدامو جمال تيفتن/ وعاود فتح عينيه مزيان حتى تيقن/ وقال لوزيرو امرهم يجمعو باش نرحلو/ وبدا المستشارو تيشرحلو/ يهتلاو فالبنت مزيان/ ومنين لبست زادت تواتات/ وصبحت للات لبنات/ وفوسط القبة ضوات/ وكاع ما نوات هذا العز لعظيم/ سبحان المنان لكريم/ كرمها بعد خوف/ والملك فيها غير تيشوف/ حتى علنو على عرس السلطان بالزين الفتان/ رقصت الناس والموسيقى دووات/ وحتى الطيور غنات وقالت :هني وهني من الخبزة تهنات/ سعدي ياالريم يازينت لبنات/ وبالزربة تدربات على الجو الجديد/ وكان كل يوم عندها عيد/ واحد النهار سمعت صوت حزين من بعيد تيسعى نسعاو باب الله/ امرت الوصيفة تدخلها وتغسل ليها/ ومن الخيرات تعطيها/ حيث عقلات على الشدات/ وشحال من نهار ما كلات../ وقالت ليهم قربوهالي وخليوني معاها/ بغيت ارتاح حداها/ تعجبو وغربو/ وهي تعقل عليها قالت هاذي مرت با/ ياك مادايرها سبا/ ولكن لمرا ما عقلات/ حيث لبنية راها تبدلات/ وقالت ليها واش عرفتيني/ قالتلها فكريني اللي نعرفهم بزاف/ قالت ليها وفين بويا وخوتي/ ردت عليها اه عليك انت الهاربة اللي هربتي/ عطيني خبزتي عطيني خبزتي/ بغات تحميها غوات/ وعلى الشر نوات/ وهي تامر حرسها الخاص/ يحملوها خارج لبلاد/ ويسكنوها فدار لجواد/ ما يخصها خير/وردوها بحال شي طير فلقفاص/ غير الماكل والنعاس/ ومازال الطير تيغني/ اما للاهنو ما تهني ما تد ني كيف تيقول المثل/ وعلى كل حال / راكم سيادتي وسادتي ديما فالبال/ ما نكملشي لكم لحكاية هذا محال…./
ديكورات جبس بورد اقواس
ديكورات جبس بورد للتلفزيون
ديكورات جبس بورد للبلازما
ديكورات جبس بورد للاسقف
ديكورات جبس بورد للحائط
ديكور جبس غرف نوم للعرسان
ديكور جبس غرف نوم رومانسية
ديكور جبس غرف نوم اولاد
ديكور جبس غرف نوم بنات
ديكور جبس غرف نوم كلاسيك
ديكور جبس غرف نوم كويتيه

فراشة حواء
مجلة فراشة حواء

يا سادة ياكرام/ السلطان الهمام/ قال الملكة تعايلي نبدلو الجو فجنان لخضار/
نمتعو لبصار/ قالتلو امرك مولاي يتنفد الحال/ الرحلة تغير لحوال/ امر عامل الموكب ارحل/ ومن باب لكبير دجنان دخل/ فوق ما تخيل/ تحير فالشكال ولنواع/ وافرحات اللي جاع/ واد بقناطر/ وشلال مياهو التقاطر/ عشاقة لنظر/وحتى الدالية من الدخلة بحال الحرس من الجناب/ وقت العنب طاب / وسبحان الله/ عنقود كحل/ عنق عنقود ابيض/ منظر يفتن/ مالوش نضير/فجنان الخير…؟/ وحتى حلات بينتهم الجلسة/ ومن البعد حاضيهم العسة/ وهما ينبتو جوج قطيبات صغار/ كاع ما تنبهو لهم النظار/ كلها حاير فجهة/ وسمعت قطيب تيقول عطيني خبزتي/ ولا خر تيرد عليه ما عنديش/ وهي تبق تصيك وتضحك/
والملك ما فهم والو/ حيث ما سمع والو/ وجه سوالو ليها/ ايوا ضحكينا معاك/ راحنا زعما حداك/ قالت لو يامولاي: لا ما كاينة حتى حاجة غير ضحكت وكان/ قلها ما كاينش شي ضحكة بلا سبة/ وبغا يدير من الحبة قبة ودارها/ وبغواتو شعل نارها/ ومنين بغات الدويها عماتها/ ومن خرجات كلمتها/ القات التريت فاتها/ قالتلو يامولاي اللي ضحكني هو ذاك المنظر انتاع العينب لكحل اللي معنق العنقود لبيض/ صفعها بالجهد وفهمها غلاط/ وما كفاها حلوف ولا تعياط/ قالها عينيك فعبدي/ انا غادي نطير لو الراس بيدي/ وانتي خرجتي خطية/ وحكامك غادي يكون قاسي/ ولغدرك ما ناسي حتى نموت/ وهيا الخوت لهلا ينزل علينا باطل/ راس العبد بسيفو طار/ وهاذ السر بقا غير فسط الدار/ مرت السلطان فكل ليلة تتحمل الراس المقطوع/ وتتطوف به بلحفا والجوع/ مسكينة اش هاذ العذاب/ بلحق كلشي مقدر مكتاب/ ونا مازال معكم يالحباب..
يا سادة ياكرام
فشي يوم من ليام/ حكيمة النسا نجمة/ بغات تبيع عقد جوهر/ وقصدت دلالة معروفة/ قالت ليها هاذ ليام السوق بارد/ والحركة عيانة/ سلعتك مزيانة لكن الغالب الله/ يمكن تبعيه المرت السلطان/ بعد عندها وهانيا وصافي لها الحال/ غير سيري را تتسخى بالمال/ لحكيمة شاورو عليها لمشاورية/ قلتلهم غادي نسلم هاذ لهدية اللات لبنات/ الملكة بحال اللي ماكاين والو/ رحبت واستقبلات/ وفوجهها ضحكات/ تعاودو لخبارات ولقات لحكيمة ما جايبة خبار/ وبدات الهضرة على ما حكاتو الدلالة الحكيمة لفهيمة/ ورد عليها الملكة انا خاطري هاني/ غير سايني حتى يطيح الظلام/ وتفرج على غرايبي ومحايني غير