like facebook


views : 684 | replycount : 2
النتائج 1 إلى 3 من 3

مواقف زوجيه مضحكه : )

مواقف لبعض المتزوجات تضحك مره ><

  1. #1
    الصورة الرمزية الكادي*
    الكادي* غير متواجد حالياً عضو نشيط
    تاريخ التسجيل
    Dec 2012
    الدولة
    سعوووووديه
    الردود
    61
    معدل تقييم المستوى
    25

    مواقف زوجيه مضحكه : )

    مواقف لبعض المتزوجات تضحك مره ><
    بمنتدى نسائي .. حذفت شكثر من خبالهم وجبت لكم ثلاث مواقف بس مواقف زوجيه مضحكه : ) 123%20(13).png


    1/ وحده تقول
    مره رايحين البر انا وحمولتي واخوان زوجي وحريمهم
    المهم ان زوجي حااط علب بيبسي فوق بعض وقااعد يصوب عليها بالبندق<<<ياقدمها خخ
    قصدي بام صجمه...
    وصارو بالدور هالشباب الصغار وخواته يصوبون ولا واحد جاابها
    جيت انا طاايره قلت انا ابجرب
    قال وخري بس لاتفشلينا اخاف تذبحين احد ونتوهق ندفع اديه يبي يحطمني ويقهرني
    ومير انشب بحلقه ويضحكون يقولون عطها خل نشووف
    يوم خذيته تعالي شوفي التعليقات الي تقول ابركب عيالي السياره لاتصوبين عليهم والي يقول ابنحااش
    واحس بقهر في قلبي واقول في نفسي ياودود ياودود انك تنصرني عليهم
    واشيل السلاح واحطه على كتفي حسيت كاني لوااء من فرحتي
    يوم اطلقت الرصاصه واجيبهاا وانا بنت ابووي
    وتعاالي شوفي التعليق الي يقول فلانه جابتها والي يقوول اكيد متعلمه من قبل والا شلون تجيبينها
    ورجلي انهبل شفتو ام فلاان<<ألحين صرت ام فلان اول يتهزا فيناا
    عااد انا رااسي صارر كنه منطااد من الفرحه<<<الي يركبون فيه في افلام كرتون خخ
    قلت يله ابسوي مره ثانيه
    وكلهم متشوقين ومتجمعين يله يله وانا عااد يارض انهدي ماعليكي قدي
    واجهز الساكتون واحط طرفه على كتفي واغمض عين وافتح عين يقالي مركزه
    عاد قمت اتميلح عندهم كاني خبره صدقت عمري
    توني حاطه يدي على الزناد وطاالقه الرصاصه الا شي قال ببووممب وقزاز انتثر اثاريني من زود التحمس جت الرصاصه في لمبه سياره رجلي خخ
    والله عقب ماكان مفتخر فيني وفرحان فيني حسيت انه وده يكفخني ومجاامل عند اهله خخ
    وتعالي شوفي الضحك علي والكل عرف ان المره الاولى صدفه

    2/ الثانيه هه

    مرة من المراري
    كنت قاعده في الملحق انا وخالتي ام زوجي وخوات زوجي وكنت توني معرسه مابعد كملت سنه اضن
    وفيني رجه مهيب طبيبعيه
    المهم كلمت ابو الشباب مدري هو كلمني قلت له وينك تاخرت؟؟
    قال في الحاره مير نغزني بليس قلت ورى ماتروحين تخبين ورى الجدار تروعين رجلك
    مير اسمع باب الكراج ينفتح واطيير اركض اتخبى ورى الجدارlosha - لوشا لخدمات وتطبيقات الويب
    واسمع باب الكراج يتسكر
    وانا عاد اقوم استعد احمي يديني للخبطه
    واسمع باب السياره ينفتح
    واخذ نفس
    واسمع خطواته جاايه
    المهم مادريت الا الرجال يمشي
    عاد طريقه الجدار الي عند الكراج اذا دخل يصير معطيني ظهره وانا وراه
    ياليت يوم بليس نغزني ما قال اصرخي في وجه او اسحبي شماغه
    بس بليس قال اهبديه
    وظلاام جهت الكراج
    واجي طاايره وباقوى قوه اقدر اسويها اخبطه مع ظهره من ورى بين كتووفه
    <<<<الله من الدفاشه حتى في المزح خخخ
    مسيكين هو من قوه الخبطه
    ومادريت الا الكراج ينفتح مره ثانيه
    صار الي جااي اول اخوو رجلي
    وهو الي تلقى الضربه ارض جو
    والله اني بغيت انحاش مع باب الكراج يوم انفتح من الفشيله
    واطلب الطلااق
    التفت علي قاااال عمىىىىى
    عاد انا بغيت ازعل يوم قال عمىىىىى
    <<لها وجه تزعل
    مير تشوفوني ااسفه ااسفه ومغطيه وجهي بيدي احسبك فلاان
    <<<<يقالك ستيره متغطيه خخ
    قال تكفين خفي على اخووي خخخ
    عاد مير انا الي انصى رجلي وانا ازبد من الحمق<<<بعير مو انسانهlosha - لوشا لخدمات وتطبيقات الويب
    واقوله السالفه
    قال اشوى فيه ولا فيني خخخ
    قلت رح تعذر له واشتر له فكس على حسابنا خخ
    عاد رجلي قال ترى فلانه تحسبك انا لاني مكلمه قايل انا قريب حول البيت
    قال الله يصبرك يااخوي انتبه لاتزعلها تذبحك خخخ
    اذا هذا مزح اجل شلون اذا زعلت

    3/

    مره من المرارير اتصفح هالمنتدى الي تقول ليله حمرا والي ليله خضراء
    والي ليله بحريه وقواقع الله لايستر لايغرقون من التحمس والي ليله غابيه ولبست لبس طرزان هي ورجلها ماشاء الله عليه طاعها خخ

    المهم مير تتحرك مشاعر الغيره فيني قلت هالضعيف ماعمري سويت له ليلله
    المهم اتحمس واقعد لي شهر استعد كل ماقلت ابسويها هالاسبوع قلت مالي نفس
    اخر شي قلت يله خل نجرب ونشوف

    وتعالي شوفي الاستعدادات مافي شمعه في ستي بلاازا ماشريتها ومفرش جديد وفرش حمام جديد مع الفوط
    وقميص نوم ولبس وفستان نعوم يقالي ابلبس لبسين

    عاد انا فيني عيب لو بروح مكه وارجع في نفس اليوم اخذ عيالي معي مستحيل اخليهم الله لايبلانا الي يشوفني يقول ماحد عنده عيال غيرها

    المهم يوم جا العصر وراح للمكتب استحيت اقول للخدامات تفخو البلونات وقعدت اتفخ لين انتفخت لوزي مير قامو يتطاقون عليها عيالي مابقى الا كم وحده هه

    واروح اشتري الكيك والعصير وارجع البيت واحطه في ثلاجه جناحي مابي رجلي يشوفه واخاف عيالي ياكلونه خخخ

    وارجع اطلع واروح اسوي شعري واغلف الهدايا الي جبتها له
    المهم وارجع البيت وصك علي باب الجناح اتمكيج واتعدل حسيت كاني في حفله نجاح خخ
    واتصلت عليه قلت له اذا قربت من البيت دق علي
    عشان في نفسي اولع الشموع والحق اولعها من كثرها خخ

    المهم مادريت الا الي يقول تراني تحت ونسيت ادق عليك مير تجيني خرشه حتى الولاعه مالقيتها ويوم لقيتها اولع وهو يطق الباب افتحي
    وانا اقول لحظه


    واسمع ولدي يقول بابا مادري ليه ماما مقفله عليها من زمان خخخ
    المهم اني تاخرت مير يعصب ابو الشباب قال افتحي عارف مسويه حفله شفت الكيكه !!

    اثاري الرجال جا وانا مني فيه وفتح الثلاجه وشاف الكيكه وقرا وش مكتوب عليها

    مير عاد تتحطم احلامي ترترترترترترن
    مير افتح الباب وانا معصبه يوم دخل قام هو ولع النور خخخخ يسفاب بس الشموع

    قمت من الحره اطفي فيها وراحت ريحه الدخون والعود من ريحه الشموع

    قال اشرقتينا بهالريحه
    مير يقوم يشغل التلفزيون

    عاد انا انطلق عليه انت الي فيك وملا فيك وماتستاهل.... مسيكن انقلب وجهه وقام يطفي اللمبات من الخرعه ويولع الشموع هو يولع وانا اطفي

    مير اجيب الكيكه واقعد عليها انا وعيالي ناكلها واشرب انا وعيالي العصير وهو يتفرج ماعطيته خخخ

    ومن الحمق اغير والبس بجامه واقعد على النت وانا في نفسي اقول امحق رومانسيه عاد هو حس بتانيب الضمير بس وش عقبه
    بدال ماتصير ليله رومانسيه صارت ليله مضاربيه


    هههه هه

    وبس كذا كافي ><






  2. #2
    الصورة الرمزية صمتے كلام
    صمتے كلام غير متواجد حالياً مراقبة سابقة - نجمة 2012
    و كأنّ للذكريآت قلب .. لآ ينبُض إلآ ليلاً !
    تاريخ التسجيل
    Nov 2011
    الدولة
    الحجاز
    العمر
    23
    الردود
    7,044
    معدل تقييم المستوى
    482

    رد: مواقف زوجيه مضحكه : )

    اوول وحد تمووت ضضحك رووعه
    لكن الاخييره
    آآآخ منها كآن صقعته ب الريمووت ع رآسه
    مرره يقههر ابو فنيله

    مشكووره غلاتي

  3. #3
    الصورة الرمزية ღ أُوْرْكِّيدْ ღ
    ღ أُوْرْكِّيدْ ღ غير متواجد حالياً مشرفة سابقه
    ʚϊɞ سَفٍيٍرًةٌ آلنًوَآيَآ آلحَسَنَة ʚϊɞ
    تاريخ التسجيل
    Oct 2012
    الدولة
    أنّ الحياة لا تَدومُ إلا لمنْ يُجيدُ تمسيحَ الجُوخ !
    العمر
    26
    الردود
    1,757
    معدل تقييم المستوى
    467

    أوسمة العضو


    رد: مواقف زوجيه مضحكه : )

    ههههآآي

    يعطيك العآآآفية


Content Relevant URLs by vBSEO ©2011, Crawlability, Inc.