السلام عليكم ورحمه الله وبركاته ..

كيفكم جميعا ..

اول شي انا ليا 8 سنين متزوجه بس ربي مارزقني باطفال والحمدلله علي كل حال ..

المهم قالولي مااقدر احمل طبيعي ولازم اطفال انابيب ..

المهم قررت انا وزوجي نسوي العمليه ودي اول مرا اسوي العمليه وسويتها عند الدكتور عثمان سندي بمستشفى سليمان فقيه بجده ..

المفروض نتيجه تحليل الحمل اول يوم بالعيد ويارب تكون فرحتي فرحتين وربي يثبتلي الاجنه قادر ياكريم..

المهم ليا فتره من بعد العمليه بك يوم احس بنفس اعراض نزول الدوره زي النغزات باسفل الرحم قويه نفس الي تجي قبل نزول دم الدوره اكرمكم الله ..


مرا خفت انو ماتم الحمل اتصلت علي دكتوري وقالي عادي بس اهم شي ماتجامعي زوجك بالاسبوعين دي ولا تشيلي شي ثقيل ..

وغير كده في تغير خفيف بلون الصدر بس نفسي احد يطمني وياريت الي جربو يقولولي ايش الاكل والشرب الي يساعد باذن ربنا يساعد علي الثبات ..

بس ابغا اسال الي جربو هل هذي علامات خطر وايش علامات ثبوت الاجنه باذن الله ..


والي ماعندها علم او كل مين يمر علي موضوعي حتي لو مارد عليا يديعيلي بظهر الغيب بان ربي يثبت الاجنه يكونو كاملين الخلقه والخلق ويرزق كل وحده متمنيه ويفرح قلوب كل المشتاقين اللهم امين يارب ..





موضوع من : فراشة حواء - في منتدى : الحمل والولادة