يسعد صباحكم مساكم



اشعار بسيطه عن الفراق واتمنى تعجبكم






في غيابك اه لو تدري بحالي في غيابك
التهت فيني جروحي والعروق اضحت ضمايا
في غيابك لهفتي ماعاد يرويها سحابك
من رحلت اشقيت روحي وما بقى فيني بقايا




قفت بك الدنيا ولا ادري على وين .&. وفيني بعد ماغبت الايام بارت
كلن توسع خاطره دمعة العين .&. وانا دموعي داخل العين حارت
لا عتني الفرقا على بعد غالين .&. ياشينها الايام لاقفت وجارت




ابطا وخلى سؤال يلهث بصدري
مدري يصون الغلا مدري هو يخونه

ويوم اني اسج بين ادري وما ادري
جا عقب البطا يسال مكاني اشلونه

قلت انت مكانك هنا واشرت ع صدري
وقال وانت مكانك هنا واشر على عيونه




اشتقتلك يا بعد غالي بالحيل
ومن العنا كثرت احزاني
القلب ميل عليكم ميل
روح عليكم و خلاني
اخاف وقتي يجي به ميل
و تصعب مواصيل خلاني




ياللي مفارق يشهد الله فقدناك
تعال باسم الحب جرحي خطيري
انا غريق بالهوى هات يمناك
في زحمة امواجك تعذر مسيري
مشتاق بالحيل يا كود فرقاك
عن ذكريات الحب وين العشيري
ارفق بقلب تالي الليل ناداك
وقتي حداني في هواك استخيري




لا تغرك الدنيا وتخدعك الايام
دنيا تدور وكلها للزوالي
اليا صفتلك عام ما تصفى اعوام
دايم تبدل كل يوم بحالي
بقلوبنا كم حطمت حلو الاحلام
وانهد صرح باول الوقت عالي
للموت درب تسلكه كل الاقدام
ولا حد درى عن غيب سود الليالي




اعزي القلب في بعدك
واقول انبض على هونك
مصير الوقت يجمعنا
واعبر له عن اشواقي




ماهو بكيفك تذكرني وتنساني
اشوف لاضاق صدرك جيت تشكيني
تجي ايام كلك دمع وتعاني
وايام تنساني ولاتسال ابدا فيني
لاتقول وينك تدري وين تلقاني
على غيري اكذب تعذر يابعد عيني
اللي يبيني على دربك يلاقيني




سلام جرح اغلى الاماكن والاطلال
والدرب ذاك اللي لبيتك مشيته
سلام جرح الغدر واوهام الامال
وانقاض حلم ليتني ما بنيته
مدري بقى لي معك شي على البال
ولا على ما قيل ليل وسريته؟!!
تبي الصراحة.. ولا ما هيب تنقال
الكلمة اللي في ثرى الصمت ميته!




غريب من فقدته مافقدته !
يسامرني ويجيني كل ليله
وغيره لو وجدته ماوجدته
يحاكيني وسمعي مايجي له
انا خلي على وده وعدته
ابوفي له وبعيوني اشيله




جيتك وروحي تمتطي كل الاعذار
الشوق يدفعها وحسنك جذبها
ولو العرب تطلب من عيونك الثار
والموت واحد وانت رمشك سببها
ما هوب لا ذنبك ولا ذنب الاقدار
النار ما تختار حزمة حطبها



يا قلب لا توله ولا عاد تشتاق
الحب جلاد القلوب الكريمة
الحب ما يعطيك بعضه وينساق
الا لاجل ياخذك كلك غنيمة




الى متى من دون تفكير اناديك
احسبك عندي وانت يابعد ممشاك
لو صار شوفك صعب ماني بناسيك
ولو حال دونك ياس مو ممكن انساك
لو عشت طول العمر بالروح افداك
غالي وتسوى بالغلا عين مغليك





مانيب مسؤول عن شرهات خلق الله
هالوقت يا صاحبي من يحصي هباله
باكثرهم لو بحاسبهم عن الزله
ويا قلهم لا حسبت الوقت وافعاله




وش فايدة لو تصد وتخفي الصدة
اطعن بنجل العيون وكمل الباقي
تستاهل اكثر غلاك الياوصل حدة
يا وردة لمها البستان والساقي
يحق لك لو بقيت مع الغلا مدة
تخش عش القصيد وتلمس اشواقي
والله لولا غلاك اللي وصل حده
لارمي بهذا القلم واقطع اوراقي





ان بكيتك قالت الدمعة نشبت
وان نسيتك خايف العبرة تخون
من بحر عينك وانا راوي شربت
يا عيون ما تشابهها عيون
يكفي اني لا تذكرتك طربت
والله اعلم وش بقلبي من حزون



افترقنا وانكسر خاطر وخاطر
وانت قلبك ما رحم قلب عليل
في عيوني كم الم خافي وظاهر
والرضا في بسمة شفاتك دليل
بالسلامة روح يا خاين وغادر
وين ما حبيت وانويت الرحيل
دام قلبك صار عالنسيان قادر
القدر محد يرده مستحيل





لو غلط قلبي عليك وقال احبك
لو قسى نبضي عليك وردد اسمك
اغفري لي زلة عيون تمنت انها بلحظه
تشوفك




ابيك تذكرني مع الناس بالخير
لي مر لي طاري وذكرى وسيره
تخفى المشاعر. فوق بوح التعابير
ولا تاثر بين غيره وحيره
تسمع. ولا تاخذ وتعطي مع الغير
عني ولا تذكر خفايا مثيره
خل الغلا يبقى معزه وتقدير
على الفراق اللي بدينا مسيره



تفداك نفس .شالها الشوق جدواك
ويفداك قلب .مالقى مثلك ابد
و تفداك عين. ما تبي غير شوفك
و يفداك عمر ما فدى قبلك احد


منقوله.


وبس 😘😍