like facebook


views : 14243 | replycount : 6
النتائج 1 إلى 7 من 7
  1. #1
    (sul6an al3'ram)
    (sul6an al3'ram) غير متواجد حالياً نجم 2010
    تاريخ التسجيل
    Sep 2010
    الردود
    6,140






    ( في حبك الثاني )
    عسى الله يهنيك..

    ( حنا مع الايام )
    ندله وننساك..

    ( كنت الرجا )
    واليوم خاب الرجا فيك..!!

    ارخصت ماضينا وغيرت مبداك

    ••._.••

    وحدي بدنيا بها روحي اطلعت..
    فاقد الاحساس ماعنده شعوور..
    الهوى مابيه انا روحي اشبعت!

    وش يفيد الجرح لوو كلي كسور؟

    ••._.••


    وصيت ربعي ليا ذبحني غلاكم
    قدام بيتك بالثرى يدفنوني
    ترتاح روحي يوم اجي في ثراكم
    وليا وحشتك قلهم يظهروني
    هذا الوعد واحسن الله عزاكم
    واليا مشيتوا فوق قبري اذكروني

    ••._.••


    من راح على كيفه وكيفه يوديه
    خله على كيفه وكيفه يجيبه
    خله على كيفه زمانه يوعيه
    لابد من يوم يذكر حبيبه

    ••._.••


    وشلون بينساك قلبي وانت خابرني

    طاري الجفا لا طرالي ترجف عظامي

    ••._.••


    كنت محلم بغيرك
    كنت مرضى بديلك
    وكل ماتبعد اجيلك
    واليوم لاماني اسيرك

    كنت مالك محبتي
    كنت اهلي وعزوتي
    كنت تحلي دنيتي
    بس البعد اصبح رغبتي

    خلاص ابعد وانسى
    لاتجبرني عليك اقسى
    حياتي بعدك احلى
    ارجوك ابعد وانسى

    ••._.••

    عند الكرامه ابيعك وانت خابرني .
    ماعمر احد راح من كيفه وناديته .
    ان كان قصدك هجر رح واهجرني..
    ابوي لاصد عني ماترجيته..

    ••._.••


    خل الصديق اللي غدر فيني يسليك
    واعرف ترى من خان لاجلك
    يخ ونك..!!

    ••._.••

    حاسب ضميرك ولاتحاسبني على هجرك..!!

    واحسب حسابك من اليوم مااااابيك..!!!!


    ••._.••


    انا ماني على خبرك حزين واكسر الخاطر
    اذا راجع تبي تلعب بعيد العبها يا شاطر

    ••._.••


    وصفك نسيته بس باقي ملامحك . بنهيك وانهي بالنهاية جنونك
    ما تستحق امد كفي واصافحك . مثلك غلط عمري وابحيا بدونك
    لكن خسارة صرت غاية مصالحك . ياليتني ماجيت لحظة بكونك
    واليوم من صفحة حياتي ابمسحك . هديت صرحك ثم طاحت اركونك

    ••._.••


    مالي مزاج..
    ارجع اقلب دفاتر..
    اوراقها تجريح..
    وسطورها عتاب..
    مالي مزاج..
    انظر لصورة قديمه
    فيها الملامح تضحك..
    بوجه كذاب..


    ••._.••


    يمطر لغيري من حنانك سحابك .
    ويموت قلبي ظامي بين اياديك .
    رجيت عطفك بس طال الرجا بك..
    لين انقطع بالياس كل الرجا فيك..

    ••._.••


    الجسد موجود والروح ارحلت!!
    والزمن غدار لكني صبور..
    عيني اللي من عنا الوقت ادمعت..
    حزنها ياخوي شيد له جسور..

    ••._.••


    اش فايدة نبكي على شي قد راح
    واحنا قتلنا الحب من دون رحمة
    المشكلة جيتك وبي حب يجتاح
    جيتك طفل محتاج من الوقت ضمه
    جيتك وله واشواق والشوق فضااح

    رد الصدى ياصاحبي صاحبك رااااااااح!
    ومن يومها كل الفرح صار صدمة

    ••._.••


    طمنوني شلونه كيف حال عيونه ؟
    الله يسامح هالزمن خلاني احيا بدونه
    مدري كيف اوضاعه
    عصاه الزمن او طاعه
    تسعده ذكراه معي او تزيد اوجاعه
    الحب بعدي شافته والا مثلي عافته
    تضحك حياتي وتبتسم والا حزين وساكت

    ••._.••


    وش حيلتي مادام حظي عصاني اصبحت عاجز حاير في مكاني
    وخدي بدمع العين ياما كويته هذا القدر مكتوب والعمر فاني
    لكن امانه كان موتي لفاني قبري تحطونه على باب بيته
    يمكن اذا شافه بلحظة بكاني والا ترد الروح في نفس ميتة

    ••._.••


    تدري..
    ان الجرح للمجروح دين .
    وانت جارحني وحقك اجرحك..
    وين تبعد وانت في نفسك سجين..
    وين تنسى وانت ناسيني معك..
    كيف تفرح وانت تاركني حزين..
    جرحك مثل ظلك يتبعك..

    ••._.••

    صعبه اذا خنت العهد...
    وش عاد عذرك ينفعك...

    تخسر حبيبك للابد...
    ومايفيدك حتى مدمعك...

    جرب تجافيني وتصد...
    تلقى عيوني تودعك...


    ••._.••


    خطاي اني منحت الحب شخص وقابله بنكران
    طمعت احسب طمع قلبي بحبك يكسب ارباحه
    وعرفت انه ما تورثته من ابوي ادم طمع انسان
    خسر ملك جنان وراحته باسباب تفاحه

    ••._.••


    اضحك وكني رايق البال خالي
    والناس تحسدني وانا اموت بسكات
    اقضي نهاري بالمزح والتسالي
    واسهر بليلي في هموم معانات
    غريبه هالدنيا على كل حالي
    الحزن دايم والفرح بس لحظات


    ••._.••


    ابعرف يا بحر وش اللي بس سويته
    انا لا عمري جرحت انسان ولا عمري بكيته
    ابسكت يا بحر وامشي واخلي ضيقتي فيني
    ابسكت وابتعد عنك وادور من يواسيني
    تصدق يا بحر اني توقعتك تشيل الهم
    ولكني انصدمت انك غرقت بدمعه من عيني


    ••._.••


    !... حزينة ...!

    " لحظة المغرب "

    تموت الشمس مجبورة
    !.... تكابر ....!
    ودها ترجع

    وتعطي الناس من نوره.
    ترى هذا " انا " بدونك
    بنفس الشكل
    " والصورة "

    ••._.••


    يا ناس وين اللي يفيد
    المحبين .
    يشفق على قلبن تحسر
    بدنياه .
    قلبي عشق بالحب ناس
    مقفين .
    ولا له حياتن عقبهم كيف
    نقواه .
    ابغى الحبايب..والحبايب
    بعيدين .
    اللي عليهم يصرخ القلب
    ويلاه .

    ••._.••


    من يوم ما ذوقتني فرقاك . والحزن في حياتي غرستة،،
    شريت لي ثوب علشان لقياك . راحت موضته ومالبسته،،
    شريت لي عطر مازهاني بلياك . له سنين بعلبته مالمسته


    ••._.••

    تذكر صاحبك وارجع
    تقرب له ولو بالصوت
    على اخر نفس واقف
    تجي ولا يجيه الموت
    واشوف الموت احرص منك
    واشوف انك تبيه يموت
    اخاف انك بعد موته
    تحن وتفتح التابوت
    اخاف من القهر تزعل
    وتبكي يوم فات الفوت

    ••._.••











  2. #2
    عنودالاحزان
    عنودالاحزان غير متواجد حالياً ملك المنتدى
    تاريخ التسجيل
    Mar 2010
    الردود
    2,229
    الله يوفقك
    كلمات سلطان انا مريت مو بس مريت الا وقريت اعذروني مصدعه

  3. #3
    حسسني بحنانك
    حسسني بحنانك غير متواجد حالياً عضو جميل
    تاريخ التسجيل
    Mar 2011
    الدولة
    سعووديهـــ
    الردود
    113
    مشكوووور والله يعطيك الف عافيه

  4. #4
    (sul6an al3'ram)
    (sul6an al3'ram) غير متواجد حالياً نجم 2010
    تاريخ التسجيل
    Sep 2010
    الردود
    6,140

    حسسني
    وعنوده
    ربي يعافيكم غواليني
    الله يديم عليكم الفرح والسعاده
    عنود
    ليت الوجع غلطان ساهي ولاجاك
    معذوره اختي ومعروفه ماتقصرين ووافيه
    تحيه لكم
    كلها احترام وومووده

  5. #5
    على النيات ترزقون غير متواجد حالياً موقوف بسبب الالفاظ النابية
    تاريخ التسجيل
    Feb 2009
    الردود
    1,387
    اصعب شي الفراااااااااااااا ااااااااااااااااا ااااااااااااااااا ااف يعطيك العافيه كلمات رائعه من شخص رائع

  6. #6
    (sul6an al3'ram)
    (sul6an al3'ram) غير متواجد حالياً نجم 2010
    تاريخ التسجيل
    Sep 2010
    الردود
    6,140
    على النيات الاروع مرورك وشطحاتك
    ماننحرم منها ومن جمالها كلماتك
    في قمة الروعه والجمال

  7. #7
    تاريخ التسجيل
    Dec 2009
    الدولة
    أنــثـى تبحث عن موطــنـهــا ..
    الردود
    3,999



    يخونني التعبير في وصف جمال ذووقك
    ورقي حروفك .
    تخونني الكلمات في كل حروف ماخطت اناملك
    سلمت تلك الانامل التي نثرت تلك الدرر .
    ف لقد ابدعت حتى الاسراف .
    وشيدت من مشاعرك اسطورة زرناها يوما .
    ومن عادتي ان تظل الاماكن الجميله
    عالقه في سقف مخيلتي .
    رغم تراكم الذكريات .

    لروحك بساتين الورد .
    دمت بخير .



    {بسوومه كانت هنا {


من قرأ الموضوع: 0

قائمة الاعضاء تم تعطيلها بواسطة الادارة.

كلمات الموضوع الدليلية

عرض صفحة الكلمات الدليلية

بنات السعودية
Content Relevant URLs by vBSEO ©2011, Crawlability, Inc.