ليلة العرس






هذه بعض القصص الواقعية .الطريفة .والتي حدثت لابطال القصة قبل ليلة زواجهم


***************************


فتاة قد تعودت هي واخوتها اذا مر احدهم بجانب الثاني مد رجله ليسقطه على الارض فلما تزوجت وفي الاسبوع الاول من الزواج وحين نهض الزوج من وجبة الغداء لغسل يديه مدت الفتاة رجلها كالعادة فسقط الزوج وكسرت ذراعه ....واما الفتاة من شدة خجلها من الموقف ذهبت لاهلها !!! @

عاده سيئة .والنتيجة .كانت اسوا
****************************

واحد تزوج على زوجته ومن الحرة اللي فيها .. جت في ليلة عرسة خذت ثيابه اللي بيلبسها ومسحت عليها قشر برشوم " والبرشوم فاكهه لها اشواك رهيبة وماتنشاف @

ياشيخ البرشومي ولا سحر الله يستر
****************************

فيه وحده تقول في اول ايام زواجي طلب مني زوجي ان افتح له علبة بيبسي .. قمت وفتحت العلبة قدام وجهه و. يا للهول طاااااش البيبسي على وجه وملابسه والجدار وانا مع خوفي جتني حاله هستيرية من الضحك وانا اشوف هالموقف

تبي تكحلها عمتها .....
****************************

فيه وحده تخجل مرة مرة ولما تزوجت كانت تخجل حتى تتكلم مع زوجها وكانوا الحريم يلومونها على هالخجل الزايد ويقولون لها لازم تحكين مع زوجك و تمزحين معه تدفينه بيدك مثلا وصممت هالمراة على كسر هالحاجز من الخجل الزايد ..ومرة من المرات هي وزوجها بالسطح يوم جاء الزوج بينزل مع الدرج الا وهي تسرع وتدفه تدفعه وهي تبسم تدحرج المسكين وترن ترن مع هالدرج الى ان وصل اخر درجة وهو بعد ما استوعب وش اللي صار @

بعد مايبيله ...دفااشه
****************************

وحده يوم عرسها بعد ما خلصت من التجميل والتسريحة جت تطلع على الحريم والرزة على المنصة شافت بعض الحمرة في يدها دخلت تغسل يدها وفتحت الحنفية ومادرت الا والدش يصب على راسها @

ايه احسن خلها تطلع على حقيقتها هههه
****************************

وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه يوم توقظت لقيت اني اضرب زوجي @

ايه مو الاحلام صارت شماعه نعلق عليها حرررتنا
****************************

هذي انخطبت وطبعا جاء العريس ووالده لاهل البنت عشان يتفقون على لوازم الفرح والذي منه .المهم اللي حصل ان البنت واخواتها يبغون يشفون العريس وكان في غرفه مجاوره لغرفة المجلس يفصل بينهم باب سحاب البنت هذه واخواتها متجمعين عند الباب ومطفين النور وكل واحدة تدفع الثانيه تبغى تشوف وفي هذه المعمعه والدافع والمدفوع لشوفة العريس ولكثرة الضغط ودزني ودزك مادرت البنت الا وهي مدفوعه من الباب وطاحت على ويهها جدام العريس @


اللقافه وحب الخبر !!