like facebook


views : 2207 | replycount : 1
النتائج 1 إلى 2 من 2

قصه حب على هيئه لميس ويحيى بس شيخه ومحيميد

شوفو سنوات الضياااااااااااااااااااااع بس مو لميس ويحيى لكل شخص ماضي والناس اللى عليها كلام ترا لها مضارع بس محد حاس فيها . والناس اللى رايحة فيها المفعول بة

  1. #1
    الصورة الرمزية آدمنتك
    آدمنتك غير متواجد حالياً مشرفة سابقة
    تاريخ التسجيل
    Jan 2009
    الدولة
    مآزال البحث جآريٍ عن وطن
    الردود
    2,172
    معدل تقييم المستوى
    8

    Talking قصه حب على هيئه لميس ويحيى بس شيخه ومحيميد

    شوفو سنوات الضيااااااااااااااااااااا ع بس مو لميس ويحيى

    لكل شخص ماضي والناس اللى عليها كلام ترا لها مضارع بس محد حاس فيها . والناس اللى رايحة فيها المفعول بة ماخذ حقة منها والناس اللى قليلة عقل ودين هذا شغل المنصوب علية مو قادر يفارقهم .


    هذي مقدمة قواعدية قلت خل ابدا فيها بالموضوع لانة حنا شعب نحب نطبق جميع قواعد العادات والتقاليد في حياتنا اليومية . والعبرة في نهاية الموضوع والتصحيح اللى راح يصير من قبل بعض القنوات الفضائية .
    هذا الله يسلمكم جالس عقب عصر ومنبطح واقلب بذا القنوات حقت التلفزيون وماغير عيوني طايرة بذا العالم اللى تهز وترقص واغاني وسعة صدر وناس ترسل ارقامها بذا الشريط اللى يفتر في اخر الشاشة واخونا كوكو يجمع في الفلوس والعالم ماغير شغالة بشغلة دقة وسكر . يعني خسارة مع الجهتين .


    الا تطيح اذني على ذيك الدقة الخاثرة وتبدا مشاعري تتحرك من مكانها كنة شي من تحتي يقرصني . الا يوم ابوي جاء يركض يوم سمع الموسيقي ويقول سنوات الضياع جاءت سنوات الضياع جاءت . ويدق اللطمة ويجلس يتفرج كنة واحد يبي يروح البحرين ولايبي احد يدري عنة .


    انا خلاص بديت اذوب يوم شفت ذا العالم الزينة بس الحب ابن اللذينا ماتركني في حالي وبدا يتحرك فيني ويرجعني ريوس للماضي من دون مالتفت لاي شي وراءي حتي ابوي وانا راجع ريوس ماضربت لة بوري من جد كنت خاش جو مع حبي القديم .


    الا يوم تذكرت ( شيخة ) وبدت دموعي تبطبط واناشق لي كم نشقة وابوي يقول اذكر الله ترا ذا اللي تشوفة تمثيل وانا اقول في خاطري وش علمك يابو الشباب وش فيني . لو تدري بس وش بقلبي كان فكيت لطمتك ورحت لامي وجلست تصيح عندها وتقول لميس ماراح تغيرني عنك .


    غمضت بعيوني عشان ماشوف لميس قدامي واحس بخيانتي ل ( شيخة ) اللى عشت معها احلى ايام عمري من دون بطاقات سوا والا كول مي .... ( شيخة ) اللى ماعمرها قالت وين هديتي والا ترا بكرة عيد ميلادي والا شفت وش نوع جهازي . كانت انسانة بسيطة تحبني وانا ماعندي لها شي غير حبي اللى شايلة بين ضلوعي حتي اني كنت العب حديد عشان اقدر اشيل حبها اللى وزنة مثل وزن كيس رز بسمتي ( ملاحظة ابتسموا عشان نقهر ابو بنتين صديقي راشد اللى كان يلعب على الخطين)


    تعرفت على ( شيخة ) وانا في سوق الخميس ابيع حمام ودجاج وكانت جاية مع امها يدورن لهم ديك يذن عشان يقومون علية لصلاة الفجر . وقفت ( شيخة ) قدامي وعيونها بعيوني والدجاج في يديني وقلت بصوت كلة حنان ورمنسية عندك ديك شقردي ومن قوة الحياء اللى فيني ركبت فوق الشبك ( المحكر) وقمت اذن احسن من اذن الديك ابي امها تاخذني بدالة على الاقل اشوف ( شيخة ) كل يوم .


    الا يوم صرخت ( شيخة ) وقالت غن لي اغنية ومن الحياء اللى فيني نزلت من فوق الشبك وقلت اسمر عبر زي القمر ورجولة مافيها شعر لما تدغدغ وجنتوة يضحك شهر .


    قالت شيخة لي ممكن توصل لنا الديك للبيت قلت ليش ما وصلة ماتشوفين مكتوب على لشبك فية خدمة دلفري.
    يوم اضحكت ذيك الضحكة الا امها يوم قبصتها ذيك القبصة اللى عورني قلبي منها خلاص حبيت وصرت اخاف على حبيبتي . الحب عذاب يالربع . رحت امشي وراها والمشوار عسل على قلبي . وصلنا بيتهم ويوم جيت اخش الا يوم حطت امها يدها على الباب وقالت خير عساك منت ولدي وانا مادري بتخش معنا . الا يوم حسيت باحراج وعرفت ان الحب لابد ان يذل الواحد واخذ كرامتي معي واروح اجلس بعيد عن باب بيتهم ابي بس احس بانفاس ( شيخة ) من جد خلاص مابي شي يجيها وبعد ماتعبت من الجلسة رحت للبيت واخش غرفتي واسكر الباب واهلي يقولون لي تبي غداء وانا اقول لا شبعان . وامي تقول وش مال ياوليدي وانا العبرة في عيني قلت يايمة انا ماكل الهم والفراق ( مامداة يحب حس بالهم والفراق) الا يوم سمعت صوت ابوي الخشن يفجر مسامعي ويقول خلية سربوت شوفية منهو ماكل عندة . سرابيتة واجد .


    واقول في نفسي ليتك تجرب طعم الحب كان ماقلت ذا الكلام اللى مهوب زين على ولدك الحبيب . واجلس افرفر بذا الرادو عشان ادور لي اغنية تخششني جو ومالقيت الا اخبار تضيق الصدر . واسحب شرشفي واحطة على وجهي وصورة ( شيخة ) مافارقتني وقبل لايجي الفجر اقوم واروح عند بيتها عشان اشوف الديك هو بيذن والا بيكون نايم الا يوم سمعت الديك يذن ومن دون شعور صرت اردد وراة واقول ( شيخة شيخة ) ويوم خلص الديك من اذانة قمت اقلد اذان الديك وانا الحن بصوتي عشان تحس ( شيخة ) بالفرق وتحس فيني اني عند بيتهم . الا يوم انفتح الباب وابتسم ذيك الابتسامة الا ( شيخة ) رمت ذاك المنديل ورحت ركض عشان اشيلة واحصل مكتوب علية كلام بقلم كحل وفية كلام كلة حب ورمنسية . واخر المنديل علية بوسة كلها ديرمة فديت ديرمتها وسعابيلها . واخذ المنديل واجلس اتنشقة لين رحت للبيت واحطة بحظني وانفاسي كلها حرارة .


    ومن بكرة سويت نفس الحركة عشان اعطيها منديل مكتوب علية مافي قلبي . وبدا حبنا يكبر يكبر ..
    وقلت لازم اتقدم لها واخطبها ابي اتزوجها واعيش معها في بيت واحد خلاص العزوبية ذبحتني والحب راح يقتلني واروح لابوي واكلمة في الموضوع قلت يابوي انا ابي اتزوج وابي اكمل نص ديني . قال ابوي خابرك سربوت ودينك لك علية . بس منهي العروس قلت وانا مدنق براسي ( شيخة) بنت سوير .. قال ابوي توك صغير على لزواج لازم تصبر لك كم سنة . قلت يابوي انا اخبر بنفسي وانا اللى شايف محركاتي تصلح للزواج او ماتصلح . قال يامحيميد انا ابوك واعرف منك . قلت ليش يابوي كذا انت مجربني وانا ماعرف . قال ابوي شف هذا كلامي ورح عن وجهي . لا والله الحين بالعقال امحطك فية لين تعض الرض وتعرف انك منت قدي قلت خير ان شاء الله انا اسولف مع عربجي .


    واروح اكتب كلام كبير في مناديل حتي خلصت العلبة من كثر ماكتب واشرح ظروفي لحبيبتي ( شيخة) واقولها ان العرس قريب ماهو بعيد . بس هو الوقت اللى راح يعذبنا . ودارات السنين واروح كالعادة عند البيت الا يوم جاني المنديل اللى رطب مو زي العادة قلت ياربية وش السالفة واقراء الكلام والدموع مغرقة المنديل . الا ( شيخة ) تقولي محيميد خلاص انا راح اتزوج .. واصرخ ذيك الصرخة بالشارع وانا اقول لا لا حرام وين حبنا وين صوت الديك اللى عرفنا على بعض خلاص بعتيني يا ( شيخة ) عشان واحد مايسوي شبك الدجاج حقي .
    الا الباب يوم انقفل في وجهي وعرفت انها النهاية .



    وارجع البيت وانا اصيح ويقابلني ابوي ويقول وش فيك يامحيميد لايكون الحمام اللى في العشة مات . قلت وخر عن وجهي ترا خلاص ماعاد احبك يابوي . الا يوم محطني بالعقال ويزود الصيحة اللى فيني واجلس اصيح .


    الا واسمع نفس ذيك الموسيقي في اذني وراح صوت الديك الا يوم فتحت عيوني الا مسلسل سنوات الضياع منتهي وابوي يهز راسة ويقول لي لميس يامحيميد تراها قطعة واحسن من امك اللى كنها كفر منسلخ في حياتي شف البنات اللى عليهم كلام ولاتغلط غلطتي وتاخذ شي بالذكر وتراها زينة لازم تشوف ياوليدي . مايستفاد من الموضوع
    1- سنوات الضياع عند كل واحد سعودي راعي لف ودوران .
    2- ( شيخة ) طلعت خاينة وباعتني عشان العريس عندة ددسن وردي .
    3- ابوي كانت عندة نظرة في لميس ثاقبة .
    4- الديك لاحد يفوتة تراة راعي سوالف اخر الليل .
    5- كل ماكتب في الموضوع نغزة للي يفهم .
    6- ترا المناديل ماتخسر يالربع جربوها في غير خشومكم .

    ملطوووووووووووووووووووووو وووووووش من عاشق ولهاااااااااااااااااان

  2. #2
    الصورة الرمزية آدمنتك
    آدمنتك غير متواجد حالياً مشرفة سابقة
    تاريخ التسجيل
    Jan 2009
    الدولة
    مآزال البحث جآريٍ عن وطن
    الردود
    2,172
    معدل تقييم المستوى
    8

    رد: قصه حب على هيئه لميس ويحيى بس شيخه ومحيميد

    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

المواضيع المتشابهه

  1. كلبه تلد جرو على هيئه انسان
    بواسطة عذااااب في المنتدى غرائب وعجائب اسرار غريبة عجيبة مخيفة و حقائق علمية
    المشاركات: 22
    آخر رد: 02/05/2012, 10:15 PM
  2. مميز جدا وجديد زفات 2010
    بواسطة smo7a في المنتدى زفات اعراس
    المشاركات: 4
    آخر رد: 13/10/2010, 09:59 PM
  3. سهرة حمود ومحيميد
    بواسطة Googl في المنتدى افلام و فيديو موقع يوتيوب youtube
    المشاركات: 2
    آخر رد: 14/01/2010, 12:23 AM
  4. هذا هو الحب الحقيقي ياربع لميس ويحيى
    بواسطة ][®][بندر][®][ في المنتدى منتدى الحوار العام
    المشاركات: 7
    آخر رد: 02/04/2009, 03:55 AM

كلمات الموضوع الدليلية

صلاحيات المواضيع والردود

  • لا يمكن إضافة مواضيع جديدة
  • لا يمكن الرد على المواضيع
  • لا يمكن إرفاق ملفات
  • لا يمكن تعديل مشاركاتك
  •  

Content Relevant URLs by vBSEO ©2011, Crawlability, Inc.