like facebook


views : 1321 | replycount : 3
النتائج 1 إلى 4 من 4
  1. #1
    تاريخ التسجيل
    Oct 2009
    الردود
    823




    لو رحلتي وش بقى لي
    وين بلقى انا اماني .؟
    وين بدفا كيف بحيا .
    من هو يعطيني حناني .

    شوفي قدامي عمر
    شوفي مشواري الطويل
    كيف بمشي به وامر
    دون من هو لي عضيد .

    يا يمه يا طهر هالكون
    انتي بكون وهم بكون
    يا يمه مين يسواك .
    كلهم والله ما يسوون

    يايمه تعالي باغفى
    ابي حنانك بارتويك
    يايمه ياكثرهم حولي
    لا
    لا
    . ما ابيهم ابيك


    +++




    يمه خايفه
    .
    .
    .
    .
    .
    والله خايفه


    يمه ضميني باحضانك
    يمه محتاج لحنانك
    يمه خايفه
    من ظلام الليل وحدي
    والله خايفه
    اصحي باكر
    ولا القاك حدي

    يمه ضميني حيل
    ابي اشم عطرك
    واتنفس انفاسك
    ابي حضنك
    ابي حبك
    ابي قلبك الدافي
    يمه خايفه
    والله خايفه


    +++






    اااه يايمه بغيتك
    دخيل تراب رجليك يمه احضنيني
    خففي رعشة خفوقي واحضنيني
    لملميني. احتويني خذيني
    امسحي بكفوفك يمه قلب امتلى بهموم عمره
    وخلى هموم هالدنيا واهلها كل همه

    ااه يا يمه احضنيني
    منهو غيرك يشيل همي
    ويحتويني

    روحي تحتاجك يا يمه
    قلبي يرتجي تكوني يمه
    وتمحي بسمتك كل همه

    اااه يا يمه ابيك
    وينك تعالي
    والله ابيك
    واللي خلق هالكون الفسيح ابيك

    بس ابيك






    +++







    يمه مريولي توسخ!!؟؟

    يمه .


    تكفين اسمعيني ..


    يمه بسالك شي .


    جاوبيني .


    هو صحيح اللي مات


    داخل القبر يصير حي ..؟؟؟


    يمه


    ...اسمع انا صوتك .
    كل يوم اسمعه .


    واذاحاكيتك هاوشوني
    ..قالوا انسي .
    روحي يالله العبي .. !


    يمه تعالي ارجعي ..


    والله خلاص بسمع كلامك .


    ما اخرب العابي .


    وان قلتي يالله .


    روحي نامي .


    اروح حتى ماتزعلي .



    يمه تكفين ارجعي .


    اليوم حطت لي المديره


    نجمه من فوق جبهتي .
    يمه سمعتها تقول..


    مسكينه هالبنت صارت يتيمه .


    قالت لها ابله منيره .


    مسكينه توها صغيره .


    وش كانوا يقصدون .؟
    يمكن عشاني صرت عاقله..


    ولا عشاني دايم اسرح



    يمه مريولي توسخ .


    ماكان قصدي اوسخه ..


    بس تذكرت انك تقولي .


    بعد شهرين..


    بشتري لك لبس ثاني .


    يمه تعالي اشتري ..



    يمه عرفتي مها .؟

    صديقتي اللي معي .
    زاعلتني .


    تقول ماصرت انا اضحكها


    راحت تدورغيري


    عشان تلقى احد يونسها

    يمه

    يالله خلاص لاتمزحي


    يالله قومي


    تعالي معي للبيت ارجعي

    يمه يممه

    نسيت شي .

    بقولك ترى بيتنا صار فاضي .

    ماحد يجينا .

    وكل اللي فيه انا واخواني .

    ليه وين اقاربنا .؟؟

    وين خالتي .


    اللي كانت تجينا ..

    يممه قوومي يالله تعالي .


    تكفين يالله تعالي .

    ماودي ارجع لحالي

    والله خايفه .

    ترى امس جيتك .

    مارديتي .
    حسبتك نايمه .

    او اقولك
    ..خلاص خلاص .

    انا بجيك بكرى .

    اذا راحوا من هنا الناس .
    تكفين يمه بكرى اصحي .

    تكفين يمه بكرى ارجعي .
    تكفين يمه بكرى ارجعي .
    تكفين يمه بكرى ارجعي .
    تكفين يمه بكرى ارجعي .


    يايمه يااجمل امل
    واغلى بشر في دنيتي
    ياللي بوجودك تكتمل
    اسمى معاني فرحتي
    :
    الكون يحلا من حلاك
    والنفس يرويها رضاك
    يايمه انا كلي فداك
    من لي في هالدنيا سواك
    :
    يفز قلبي لنظرتك
    ودايم احساسي معاك
    الله عليها لمستك
    سبحان من اوجد غلاك
    :
    سلمت نفسي لحكمتك
    قلبي وهم روحي فداك
    شفتي الزمن ياقسوته
    ارجوك خليني معاك

    +++


    طالت الغيبة يا يمه حبك بقلبي اضمه

    انتي الحب الحقيقي وانتي النور لطريقي

    وانتي ما غيرك احد يمه يا وجه السعد

    يمه وراحت عقب فرقاك روحي
    والفرح يمه عقب فرقاك قفى
    يمه اشوفك في ثنايا جروحي
    والجرح ينزف نبضه الحر نزف
    يمه ولو طالت حزوني ونوحي
    اغرف الم من لحظة تقسى

    يمه ارجعي
    منهو بيراعي قليبي
    ومن بيسال عن حالتي وحال الدنيا معي
    اه يمه ارجوك ارجعي
    من بيمسح دمعتي من بيراعي دنيتي
    منهو اغلى منك يمه منهو بيراف بعدك بحالتي



    م/ن
    اتمنى اجد ردود مرضيه لاني تعبت فيه
    اللهم احفظ لناامهاتنا يااارب





  2. #2
    تاريخ التسجيل
    Oct 2009
    الردود
    823
    يؤؤؤؤؤؤؤؤؤ
    وين الردود
    اهئ اهئ

  3. #3
    احلى جهوني
    احلى جهوني غير متواجد حالياً ملك المنتدى
    تاريخ التسجيل
    Dec 2009
    الدولة
    حبيبتــــهـ حبيبهــــــــــا
    الردود
    2,720
    تسلمين يالغلااا ع الطرح

  4. #4
    تاريخ التسجيل
    Aug 2010
    الردود
    1,459
    كلمات رائعه واختيار راقي
    تحياتي

من قرأ الموضوع: 0

قائمة الاعضاء تم تعطيلها بواسطة الادارة.

كلمات الموضوع الدليلية

عرض صفحة الكلمات الدليلية

بنات السعودية
Content Relevant URLs by vBSEO ©2011, Crawlability, Inc.