like facebook


views : 1665 | replycount : 2
النتائج 1 الى 3 من 3
  1. #1
    KEWT GIRL
    KEWT GIRL غير متواجد حاليا عضو ممتاز
    تاريخ التسجيل
    Aug 2010
    الردود
    207
    اطفال الاجانب



    في الصباح حيث يبداء يوم اطفال الاجانب عندما يستيقظ على صوت



    الكناري اللي بغرفته بعدها يتوجه للحمام يتروش ويفرش اسنانه ويطلع



    من الحمام تستقبله المربيه بالمنشفه وتصبح عليه يروح يغير ملابسه



    وياخذ شنطته وينزل لغرفة الطعام ويصبح على امه وابوه واحلىىىى



    بوسه ياخذها منهم ويفطر ذاك الفطور طبعا عباره عن كورن فليx



    ابو ديك وبيضه وحده بس!! وكاس عصير وشويت زبده مع العسل



    على خبزه .



    بعدين يقوم يغسل فمه ويودع الماما والبابا ويتوجه للسياره يلقى قدامه



    السواق مبتسم ويفتح له الباب ويوديه لمدرسته الخاصه





    ورعانا المحترمين



    ورعانا يقوم الصبح بعد ما يطلع عين اهله ولازم افراد العائله تمر عليه



    عشان تصحيه وكل واحد وطريقته:



    الاب:قم جعلك الهزل



    الام:قم جعلك الجدري الاخ: والله اذا ما تقوم لافقع وجهك



    اخته: < تسوي نفسها بتدلعه> يالله قوم واعطيك شنطة اخوك تروح فيها



    للمدرسه



    بعد ما يقوم يمر الحمام على السريع ويغسل وجه



    وبعدين ياخذ اقرب كتب عنده ويربطها ويجيك مدحدر يدور الفطور ويتفاجا



    انهم ما حطوه؟؟



    بعد ما يجي الفطور وهو كالعاده : فول شكشوكه تميس + حليب



    يبدا الورع بالاكل وشوي الا وهو حاذف اخوه بعلبة الهندسه؟؟؟



    عشانه سحب صحن الفول من عنده وشوي الا وهو



    مسدد بقس عنيف يمشي مليووون لاخوه الثاني!! لانه سرق فسحته؟؟



    ابوه يتكلم معه يا ورع اركد وافطر وعين خير انت وش بلاك وراك مدرسه



    يرد الورع عليه: انت ما تشوف سعيدان سارق فسحتي؟؟



    < سعيدان اكبر سروق بالبيت >> ابوه على طول يصدق ويصك



    سعيدان كف صدقي



    المهم بعد ما يخلص الفلم اليومي يروح الولد للسياره يلقى اخوه فاتح



    الكبوت ويصب ماء للرديتر المشقوق تقفل اخلاق الورع وينقز للشارع وياشر لاقرب سياره ويروح للمدرسه





    اطفال الناس الاجانب



    - بعد المدرسه يرجع اطفال الاجانب ويلقى المربيه في استقباله تاخذ



    الشنطه وتوديها لغرفته بصحبته يغير ملابسه ويغسل وجهه ورجليه



    ويستريح له ساعه في انتظار افراد العائله عشان يتغدى وبعد الغداء



    الرايق



    يروح لغرفة الجلوس ويشرب شاهي للتهضيم ويحلي بقطعة كيك وبعدين



    يروح لغرفته ينام له ساعه قبل العصر.





    ورعاانا المحترمين



    اما الورع منهم يجي من المدرسه وثوبه قالب لونه بني< تقول جدار مدرسه >>



    ولا دخل البيت رمى الشنطه بالصاله وفصخ ثوبه



    ووينك يالشارع < اخوياه يحترونه>> وهاتك ياللعب



    كوره بذا القايله وعادي الشارع مولع من الحراره وهم عادي مرره



    ولا كانه فيه شيء واهله ما يدرون ؟؟



    في هذه الاثناء يرسل ابوه كتيبه من اخوانه للبحث عنه ولا لقوه وجابوه



    للبيت قام يصيح طقوني وسحبوني قدام الناس < والله ما احد لمسه النصاب>>



    المهم يحطون الغداء < معروف كبسة لحم

    غيره ما فيه!! يتغدى الورع الكريم ويصك بعدها لتر لبن



    بعدها يجلس ساعه فاتح فمه



    يحتري من يوديه يغسل له يديه!!!!!!!!!؟؟؟؟؟؟؟





    اطفال الناس الاجانب



    - اطفال الاجانب لا جاء العصر جابوا دروسهم وشافوا وش عليهم من



    واجبات وحلوها وحضروا دروس بكره بمساعدة الماما والبابا.



    بعدها يروح لغرفة الالعاب ويجلس على البلاي ستيشن 2 وخذ لعب



    لمدة ساعتين تقريبا يعني الى وقت ما بين المغرب والعشاء.



    بعدها تطلبه امه مع بقية اخوانه عشان يجتمعون ويشربون العصير



    ويسولفون سواليف





    ورعاانا المحترمين



    يجي وقت العصر وهو نايم < مفعول اللبن >> يقوم قبل المغرب



    وياخذ دروسه وواجباته < واقلامه ناسيها في درج الطاوله اللي بالمدرسه>>



    ويروح عند اخته ويتحايل عليها بكل ما اوتي من قوه على شان تحل له



    الواجبات واذا قالت لا يا ويلها يا سواد ليلها .



    بعد كذا انواع الدجه مع ورعان الحاره ومن هم على شاكلته ما يخلون



    هندي الا وسرقوا سيكله



    ولا رجع البيت < على الساعه 11 تقريبا >> تلقى راسه مفلق من



    جميع الاتجاهات والشرطه تدوره وجارهم مسوي اعلان عليه مطلوب



    حي او ميت!! وخذلك عاد < مساكين اهله >>







    اطفال الناس االاجانب



    - اطفال الاجانب بعد ما يتعشى ويمسي على اهله يروح لغرفته ويجلس



    على النت ساعه او ساعتين الى موعد نومه < الساعه 10 تقريبا >>



    بعدها يغير ملابسه وتجي المربيه وتحكي له قصه اللين ينام تغطيه وتطفي النور.





    ورعاانا المحترمين



    لا رجع البيت< الساعه 11>> ما يدخل مع الباب لا ينط من



    فوق السور على شان ابوه ما يمسكه .



    وعلى طول لغرفته ويسكر الباب ويطفي النور ويطل من الشباك



    على باب الشارع الرئيسي يشوف وش صار على



    مسلسل المشاكل المكسيكي اللي جابها معه للبيت وكيف بيحلها ابوه



    مع الناس ومع جارهم ومع الشرطه.



    وفي اثناء ذلك يستغل الفرصه ويدز للمطبخ وياخذ منه جبن < جبنة البقره الضاحكه >>

    وخبز ويرجع لووكره



    ويقفل باب الصندقه > ويتعشى من ذا الجبن والخبز



    اللين يدوخ > لا وازيدكم من الشعر بيت ما ينام



    الا وهو متلطم!!!؟؟؟ < على باله مراقب >>





    الفرق بين اطفال العرب واطفال الاجانب.. c223.gif






  2. #2
    τήάђĭd♥
    τήάђĭd♥ غير متواجد حاليا " ادارية سابقة قديرة "
    { نجمة النجوم في 2013 }

    رباھ عطفﮗ اذا ضاقت بنا الانفاس ┃
    { المركز الرابع بمسابقة ايش طابخين يامحبة }
    تاريخ التسجيل
    Dec 2009
    الدولة
    الى السماء رفرفي ياامنياتي | ☺°™
    الردود
    35,582

    اوسمة العضو



  3. #3
    هيبة ملك, غير متواجد حاليا عضو روعه
    تاريخ التسجيل
    Apr 2010
    الدولة
    الخفجي / الشرقية
    الردود
    621

من قرا الموضوع: 0

قائمة الاعضاء تم تعطيلها بواسطة الادارة.

كلمات الموضوع الدليلية

عرض صفحة الكلمات الدليلية


Content Relevant URLs by vBSEO ©2011, Crawlability, Inc.