بصراحه في هذا الزماااان


نادر ما تحصل صديق وفي ومخلص
هذه قصيده للشاعر المبدع والرائع
الشاعر : حامد زيد
في قصيدة



" الجمهرة "

اي بالله اخطو والخطا اللي جابهم عين الصواب,,,,,,,,,,,
,,,,,,,,,,, مبطي وانا اشوف الطمع يكشف زادهم واستره


مايملي عيون الحسود بهالزمن غير التراب,,,,,,,,,,
,,,,,,,,,,,,ومن لايتوب من الخطا تحرم عليه المعذرة

اللي من اولها خراب اكيد تاليها خراب,,,,,,,,,,
,,,,,,,,,,والبندق اللي ماتثور بهدفها تذعره


ودك ليا من جاتك الغلطة من الناس القراب,,,,,,,,,,
,,,,,,,,,,الصاحب اللي ماكسبت محبته ماتخسره


مشكلتي اني ماعرفت احسب لصدتهم حساب,,,,,,,,,,
,,,,,,,,,,قلطتهم صدري على ذكرى قصيد وحنجرة


صوت يصول منبره وخطاب مامثله خطاب,,,,,,,,,,
,,,,,,,,,,والطيبة اللي زعزعت صوت الخطيب ومنبره

مافي دمع صوبوه احبابي بوجهي وخاب,,,,,,,,,,
,,,,,,,,,,ولا زرق حزني على غالي ولا فج انحره


كل الزهاب اللي معي ذكرى من اصحاب الزهاب,,,,,,,,,,
,,,,,,,,,,واللي بقا لي من عذاب اشرس طريقي واخطره


لاني تجنبت الغرق, عديت من فوق السحاب,,,,,,,,,,
,,,,,,,,,,لان اكثر اصحابي ورق ماشفت للطيب ثمره


والله ماحطيت بين الحقد والخوة حجاب,,,,,,,,,,
,,,,,,,,,,حتى غدو ربعي يحدوني على الضيق اشكره


البارحة ثارت علي ارقاب و اوتني ارقاب,,,,,,,,,,
,,,,,,,,,,البارحة وياثقل دم البارح ويامحقره


اثر المصايب ماتجيك الا من الناس القراب,,,,,,,,,,
,,,,,,,,,,وبهالزمن حتى الخوي اللي تثق فيه احذره


هب ياوجه الحسد وشلون جمعهم وغاب,,,,,,,,,,
,,,,,,,,,,كيف السنين اللي عطتني بعثرتهم بعثره


لابارك الله في رفيق تزعله كلمة عتاب,,,,,,,,,,
,,,,,,,,,,ولاجمع الله الرجال اللي تفرقهم مره


الصاحب اللي مايجي من صحبته غير العذاب,,,,,,,,,,
,,,,,,,,,,نذر علي ان ماهجرني ولا انا اللي بهجره


من يفتح لفرقاي باب افك له عشرين باب,,,,,,,,,,
,,,,,,,,,,واذا خويي مايقدر خوتي ما اقدره


عودت نفسي كل ماشددت لليمه ركاب,,,,,,,,,,
,,,,,,,,,,ماصدد وجهي عن طموح الا لياجبت خبره


ان روحو فانا بريء منهم ليوم الحساب,,,,,,,,,,
وان جرحو قولو لهم ماحركو في شعره


شفهم لهم حول السنة ولا خذو مني جواب,,,,,,,,,,
,,,,,,,,,,احسن دوا للي يستفزك تحقره


ماكنت احاتيهم صغير, عاد احاتيهم شباب,,,,,,,,,,
,,,,,,,,,,الصاحب اللي ماذخره لليوم الاسود ما اذخره


شفني جمعت اوراقهم بكتاب واغلقت الكتاب,,,,,,,,,,
,,,,,,,,,,ياوقت لم اللي تلمه وانثر اللي تنثره


اللي يخاف من الظما يترك لنا طرد السراب,,,,,,,,,,
,,,,,,,,,,واللي ماهو بقد الظلام و وحشته لايسهره


عقب اكتئاب البارحة ماعاد انا حمل اكتئاب,,,,,,,,,,
,,,,,,,,,,الطيب جرجرني وانا ماني بناقص جرجره


انا تجرعت الظما لين احترق وجهي وذاب,,,,,,,,,,
,,,,,,,,,,انا كسرت بخاطري قبل الصداقة تكسره

انا خسرت اللي غيابه غير عن كل الغياب,,,,,,,,,,
,,,,,,,,,,انا غفرت لعالم ماتستحق المغفرة


انا اكثر انسان تعلم من كثر ما اخطا وصاب,,,,,,,,,,
,,,,,,,,,,انا اخر لسان يتكلم في زمان الثرثرة


انا القصيد اللي فزع من دفتره مليون ناب,,,,,,,,,,
,,,,,,,,,,وانا الوحيد اللي جمع مليون ناب بدفتره


جفني وجرحه السهر وحيلي هدته الصعاب,,,,,,,,,,
,,,,,,,,,,دمعي هدر, ضحكي ندر, عمري وضيعت اكثره


شيبت بعقول العرب, هيبت روس ماتهاب,,,,,,,,,,
,,,,,,,,,,جمخرة ناس عمرهم مايعرفون الجمهرة


ماصرت ذيب الا لان اللي تحدوني ذياب,,,,,,,,,,
,,,,,,,,,,ماكنت اغيب الا لان العفو عند المقدرة


ترا حلاتك لاحملت لصاحبك كلمة عتاب,,,,,,,,,,
,,,,,,,,,,ان مانطقت بها بوجهه, ماتذمه بظهره


بهالزمن مايملي عيون الحسود الا التراب,,,,,,,,,,
,,,,,,,,,,ولا الحظيظ الطلقة اللي ما تصيبه تذعره


ودك اليامن جاتك الغلطة من الناس القراب,,,,,,,,
,,,,,,,,,,الصاحب اللي ماكسبت محبته ماتخسره

صح لسااانك يا بو زيد
جبتها في الصميم هذا الشاعر ولا بلاش
ارجوا انكم استمتعتم في قراءة هذه القصيده
نصيحه خلي سرك في بطنك
ولا تطلع عليه اي احد مهما كان
لان ما تدري وش مخبيه لك الزمان
مع هذا القريب ولا الصديق
اخوكم
يزن الجبلي