like facebook


views : 50151 | replycount : 14
صفحة 1 من 2 12 الأخيرةالأخيرة
النتائج 1 إلى 10 من 15
  1. #1
    hmmmmmmms
    hmmmmmmms غير متواجد حالياً مراقبة سابقة
    تاريخ التسجيل
    Mar 2010
    الردود
    2,622
    الموضوع ب شكل عام سوف يكون عن البويضه ومراحل سيرها ووين تنخنش اذا صار حمل واذا زعلت وماصار حمل وين تضف وجهها



    ب اختصار هذولي نوعين من الانقسامات اللي تصير ب الخلايا الاولى تصير ب الخلايا التناسلية زي الحيوان المنوي sperm والبويضة oocyte or egg
    والثانية تصير ب الخلايا الجسدية الباقية من طئطئ ل السلامو عليكم

    عندما تولد الانثى تكون عندها ملايين الملايين من البويضات الغير الناضجة في كل مبيض ovary
    البويضات هذي تكون تقريبا قاطعه نص الشوط علشان تصير ناضجة mature <- ياعيني على التوضيح احم احم
    المهم البويضات ذي تصير في حالة ركود او راحة الى ان توصل البنت ل سن البلوغ يعني لا شغل ولا مشغلة ماغير تبطح ب ه الاوفري

    طبعا ب تتسائلون ما شاء الله وش ه الميزانية اللي ملايين البويضات ل انه يا حبيباتي الفرق بين الرجل والمراة
    ان الرجل عنده مصانع تشتغل ب رسم الخدمه ماغير تصنع ب ه الحيوانات المنوية اما المراة الغلبانه تولد ومعها ه العدد وخلاص
    يعني بدون مصانع يا انها تحافظ عليهم ولا مصيرها تروح تشحذ من بنووك البويضات والخرابيط ذي
    طبعا اغلب بويضاتها يموت(ن) قبل لا يكمل(ن) نضوجه(ن) يعني في ريعان شبابه(ن)

    ل وصلت البنت ل سن البلوغ والنضوج الجنسي يصير ب كل مبيض عندها فيه 200000 بويضة شفتو كيف العدد نقص من ملايين ل 200000
    بما ان البنت بلغت كل شهر تبدا مجموعة من البويضات تحاول تتطور وتنضج زي البوكيمونات
    من بين ه المجموعه وحدة بس اللي تقدر تنضج وتتطور الرخوم اللي معها يموت(ن)





    زي ما تشوفون الجزء الزهري المدور هو المبيض (ovary هذا اللي تكون فيه البويضات
    بعد ما تنضح ه البويضه وتغدي عاقلة تطلع من المبيض وتدخل قناة فالوب قناة فالوب ذيك اللي تقل يدين وطرفها فيه زي الشعر او الزغب
    المهم ل دخلت البويضة قناة فالوب تبدا رحلة السفر الى الرحم uterus تقريبا الدورة الشهرية عبارة عن 28 يوم
    في حال انتهت ال 28 يوم والبويضة ما تلقحت من قبل الحيوان المنوي الدورة تبدا تعيد نفسها من جديد


    س / كيف تعيد نفسها !؟

    ج / سؤال ذكي
    تذكرون يوم ان البويضة كانت ب المبيض وكانت قاعده تكبر وتتطور كان يحيط فيها نوع من الخلايا يسمى ال follicle cells هذي كانت تعطيها الغذاء والبروتينات الخ
    ل جاء وقت الاباضة وطلعت البويضة من المبيض تترك وراها ال follicle cells ب المبيض
    رايقة هي تقعد تشيل عفشها معها
    المهم ال follicle cells ذي تبدا تتطور وتتحول ل شي اسمه ال corpus luteum هذا نوع من نسيج غددي يبدا يفرز اهم هرمونين ب الحمل ب نظري الاستروجين والبروجسترون

    عرفتوا ل صار ب يجونكم ناس ل البيت اللي يبخر البيت واللي تصلح القهوة والشاهي واللي ينطلق ل مطبخ يقوله زبط لي واحد حاشي
    ترى نفس الشي يصير ب حسم المراة اول ما تبدا الاباضة ينهبل الجسم
    يقول بس الحين ب يصير اخصاب وحمل وضنايا ح تبئى ماما تبدا الهرمونات تضخ من هنا ومن هناك

    وجدران الرحم تقوي نفسها وتتزبط انتظارا ل البويضة الملحقة عشان تجي وتلتصق بها طبعا اللي يقوي جدارن الرحم هو الهرمونين اللي ذكرتهم اعلاه
    ل مر اسبوعين على تكون ال corpus luteum
    [ 28 يوم من بداية الدورة ]
    يبدا ال corpus luteum ب الانحلال وطبيعي مستويات الاستروجين والبروجسترون تقل نتيجة ه النقص في مستوى الهرمونين
    عند نقصه معناته ان البويضة ما تلقحت لذا الرحم يبدى يطرح بطانته السطحية ويتخلص منها مع البويضة
    وبما ان البطانة السطحية تكون متخللتها بعض الشعيرات الشريانية اللي كانت مفروض انها تغذي البويضة الملقحة تخرج ف تظهر كمية شوي كبيرة من الدماء


    لذا الدورة الشهرية الجديدة تبدا ب خروج الدماء والسطح المبطن ل الرحم بعد ما ينظف الرحم نفسه
    يبدا يستعد ل البويضة الجديدة اللي ب تخرج من المبيض وتتلقح ف تبدا الغدد اللي ب الرحم تكون بطانة جديدة وامدادها ب الشعيرات الدموية
    وترجع نفس الدورة من جديد وهكذا حتى سن الياس اللي خلاص توقف فيه الدورة وما تحدث مرة ثانية




    يتبببببببببع




  2. #2
    hmmmmmmms
    hmmmmmmms غير متواجد حالياً مراقبة سابقة
    تاريخ التسجيل
    Mar 2010
    الردود
    2,622
    بعد ما عطيتكم شرح بسيط ل اللي يصير في جهاز المراة خلونا نبدا ب كيفية الحمل

    يقذف الرجل قرابة ال 500 مليون حيوان منوي عدد مهول مقارنة ب بويضات المراة
    عرفتم سباق الجري اللي مدري كم متسابق يتنافسون من يوصل خط النهاية اول نفس الشي يصير
    طبعا ه ال 500 مليون فيهم التعبان والمريض والشايب والقوي والسريع الخ
    واحد بس منهم اللي رح يلقح البويضة شايفين قد ايش صعوبة المنافسة


    س / طب كيف يعرفون وين مكان البويضة ؟!

    ج / سؤال يدل على ذهانة السائل
    في ه الوقت البويضة تبدا ترسل رسائل وروائح كيميائة ل الحيوانات المنوية عشان يجونها تقول لهم تراني فيذا
    شوفو كيف التعاون
    طبعا مو معناته اول واحد يوصل لها انه رح يلقحها ليه هي الدعوة فوضى
    ل جوها الحيونات المنويه عاد تقعد هي تتنقى لها واحدن اطخم
    يمكن اول واحد وصل شين وما ينبلع يا سلام تدخله عليها ثم تبلش به


    س / طب ليش الحيوانات المنويه ما تقول يالله بس وتدخل غصب(ن) عنها ؟!

    ج / عاد انتي لا تنشبين لي كل شوي ناقزه لي ب سؤال
    وش اللي غصب(ن) عنها مافيه قانون ولا بوليس
    البويضة تكون محوطه نفسها ب شي يسمى corona rediata عبارة عن مجموعة خلايا و ال zona pellucida زي جدار سميك ما يقدرون يخترقونه الحيوانات المنوية





    المهم ل شافت البويضة فارس احلامها تقوم تقول ل zona pellucida دخليه علي
    واول ما يدخل الحيوان المنوي تتحول ال zona pellucida ل جدار مافي امل يخترق من قبل اي حيوان منوي لو انه وش
    ويدخل الحيوان المنوي ويلقح البويضة طبعا عادة يتم هذا في قناة فالوب بينما البويضة مرتحلة ل الرحم
    وتبدا البويضة الملقحة وهي ب الطريق تنقسم وتنقسم لين توصل الرحم

    توصل تلقى الرحم مضبط لها الجو تتخلص من ال zona pellucida
    وتلتصق ب جدار الرحم وتبدا رحلة ثانية ويعيشون في سبات ونبات

  3. #3
    تاريخ التسجيل
    May 2010
    الدولة
    سعوديه
    الردود
    3,701
    موضوعك وطريقة طرحه اكثر من روعه

    يارب ترزقك بذريه الصالحه عاجل غير اجل يا كريم

  4. #4
    TWETTY
    TWETTY غير متواجد حالياً ‏‏♥ أللهمّ إجمعني مع أبي في ألفردوس ألاعلى ‏‏♥
    تاريخ التسجيل
    Jun 2009
    الدولة
    الايمان يماني والحكمة يمانية
    الردود
    8,518
    موضوع متاكل ياهموسه يارب يرزقنا انا وانتي ببويضتين يطلعولنا تؤامين يفرح قلوبنا ويقر عيوننا


    الله يكثر بويضاتك ويربربلك ياهم ويصيروا سنعين ويسمعوا كلام التفجير وما يعاندوا

  5. #5
    الكاتبة راوية
    الكاتبة راوية غير متواجد حالياً عضو ممتاز
    تاريخ التسجيل
    Mar 2010
    الردود
    157
    ابدااااااع ياهمس...الموضوع خطيير وعرفت سالفة راس الثور اللي جواتي يابنت الحلال اهي شي يتالفون الحيوان وعروسته البويضه .التوفيق من الله ..>>>طماعه تبي منهم شي..ولك علي نسوي لهم احلى عزيمه..خخخخخخخ

    لاحول ولاقوة الا بالله...سبحان الله العظيم .سبحان الله وبحمده

  6. #6
    LoNdOn
    LoNdOn غير متواجد حالياً عضو ممتاز
    تاريخ التسجيل
    Jul 2010
    الدولة
    بـ لندن
    الردود
    238
    موضوع روعه وممتع صراحه
    الله يعيطيك العافيه هالمجهود الرائع

    استمتعت بالقراءه

  7. #7
    hmmmmmmms
    hmmmmmmms غير متواجد حالياً مراقبة سابقة
    تاريخ التسجيل
    Mar 2010
    الردود
    2,622
    اشكركم على مروركم الطيب

  8. #8
    ×××rose×××
    ×××rose××× غير متواجد حالياً ملك المنتدى
    تاريخ التسجيل
    Feb 2010
    الردود
    2,417
    موضوع قمممممممة .~.

    وربي انتي ياهمس انك تستاهلي كل خييير ويارب اشوف خبر حملك قريب

    موفقةةة حبيبتي / لك خااالص دعواتي .~.

  9. #9
    د . نور غير متواجد حالياً عضو مجتهد
    تاريخ التسجيل
    Jul 2010
    الردود
    13
    موضووووووع رائع جداااااااااا جزاك الله خيرااااااا
    ويارب يرزق الجميع بالزريه الصالحه عاجلا غير اجلاااا
    ويرزقني انا كمان بتوام مره واحده
    ياااااااااارب

  10. #10
    حلااااااااااا
    حلااااااااااا غير متواجد حالياً مشرفة سابقة
    تاريخ التسجيل
    Apr 2010
    الدولة
    صمتي لايعني جهلي مايدور حولي ولاكن مايدور حولي لايستحق الكلام
    الردود
    2,602
    مشكووووووور على الموضوع مشروح بتفصيل رااااااااائع يسلمو
    انا معاكم ياتويتي بتوائم ان شاء الله)عشان ادعيلكم انا بمكه
    هههههههههههه
    التعديل الأخير تم بواسطة حلااااااااااا ; 28/07/2010 الساعة 04:36 PM

صفحة 1 من 2 12 الأخيرةالأخيرة
بنات السعودية
Content Relevant URLs by vBSEO ©2011, Crawlability, Inc.