هين مردك للفرج ياكبر الضيق


دام الليالي تقتفيها ليالي
هي بس تبغى طول صبر وتوافيق
واشيل هم الناس كله لحالي
وعمر المربط مايسوق المطاليق
والحر ماترضيه غير المعالي
ياصاحبي وان زاد ظلم المخاليق
فلاتحسب ان الله عن الخلق سالي
والطيب يمحى العيب عرف ومواثيق
والا الخطا ماله على الطيب والي
واللي جرحني بين حدب ومعاليق
ماخفي عليك انه الى الحين غالي
ياحلمي اللي مالك اليوم تحقيق
حبك حقيقي بس وصلك خيالي
والحب يفضحني وان اخفيته يويق
وان مامضالي بالوفا مابقالي
جرحتني مختار ياحالي الريق
واسامحك مجبور ياراس مالي
صوره ولا يحتاج الاحساس تعليق
اركض رجا ويطيح ميس ظلالي
وان كان بيبان المشاعر مغاليق
فماهو جديد ان الزمن ماصفالي
ليت الهوى جمعه ولا فيه تفريق
اوليت ماللبعد فالقلب صالي
ياصاحبي وان شلت لك فوق ماطيق
فانا لحالي جيت وارحل لحالي
وهين مرده ينتهي كل هالضيق
واقول للمره الاخيره تعالي.