like facebook


views : 3774 | replycount : 10
صفحة 1 من 3 123 الأخيرةالأخيرة
النتائج 1 إلى 5 من 11

مواقف زوجيه مضحكه

مواقف زوجيه محرجه تقول الاخت زياراتها للمطاعم مع اهلها كانت قليله المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى

  1. #1
    احلى اميره غير متواجد حالياً عضو مجتهد
    تاريخ التسجيل
    Feb 2010
    الردود
    18
    معدل تقييم المستوى
    0

    مواقف زوجيه مضحكه

    مواقف زوجيه محرجه
    تقول الاخت زياراتها للمطاعم مع اهلها كانت قليله
    المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو.. زوجها تسدح من الضحك وهي تقول احسبها وجبه او طبق معين
    ثانياً
    وحده كان الخجل ذابحها تقول زوجها كان كل يوم يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بالاكل
    وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جوعانه ماسكه الدجاجه بكبرها وتأكل فيها !!! وفي هذه الاثناء وش صار >>> طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالاااااااااااااااااااااا خر وقال لها ها اشوفك منتي مشتهيه
    وهي خلاص دوروها مسكينه ما تلقونها
    ثالثاً
    في وحده شعرها دايم يحتاجله ستشوار مهو بناعم المهم الأستشوار احترق مادري وش صار فيه عاد هي ذكاءها قادها لفكره جهنميه وش سوت
    راحت على طاولت الكوي وانسدحت وهاتك يا كوي بهالشعر
    وبرضه زوجها سوالها صادوه يوم دخل واختنا في الله تكوي منسجمه
    الرجال انهبل على باله تزوج وحده ماهي صاحيه
    رابعاً
    وهذا موقف لوحده بشهر العسل تقول كنت مسافره خارج *******ه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
    وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
    فطارت الزيتونه وتصقع وجه الجرسون وهو ياخذ الطلبات
    قام قال عنا في لبنان ناكل الزيتون بايدنا
    عاد مير ما اسكت وأنثبر
    قلت غريبه حنا عنا ب*******ه نصيدها بالشوكه
    وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ
    خامساً
    وحده تقول انا متزوجه ولد عمي
    و أول ما تزوجنا رحنا بريطانيا منها شهر عسل ومنها هو عنده دوره
    المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
    تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
    قلت ليش طايحه من عينك انا اعرف اختار المهم تقول اخترت طلب محطوط في اطار وحركات
    قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
    تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!
    سادساً
    يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعبي واضحكي معه قالت ما أقدر المهم طولوا عليها بالكلام
    وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي آخرتها
    سابعاً
    بقولكم اليوم عن وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله ابغى دورة المياه احسن من كلمة الحمام
    تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت
    ثامناً
    هذي وحده تقول اول ما تزوجت كنت ادرس وكان يوديني زوجي للجامعه وياخذني ..
    المهم .. انا جالسه انتظره وكنت واقفه في الشارع واشوفه بعد كم سياره .. المهم جلست استناه
    يوم وصل عندي .. وانا امشي بغنج الا واطيح ذيك الطيحه طراااااااااااااااااااااخ
    جلست على ألارض ما يشوف الا راسي من عند شباكي جالسه اناظره ولا اتحرك ..
    وكان الشارع مليان رجاجيل وبنات
    واركب في السياره وهو ميت من الضحك واجلس اصيح قلت ما تعرف تسمي علي !!
    وأخيراً
    هذا الموقف قرأته بمجله .. وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفس المكان قالها عمى ما تشوفين!
    طبعا كل هالمواقف ملطوووشين

  2. #2
    غلاك مجنني غير متواجد حالياً عضو روعه
    تاريخ التسجيل
    Jun 2011
    الدولة
    سعوديه والفخر ليه
    الردود
    481
    معدل تقييم المستوى
    4

    رد: مواقف زوجيه مضحكه

    هههههههههههههههه الله يسعدهم

  3. #3
    تنمية بشرية غير متواجد حالياً عضو مجتهد
    تاريخ التسجيل
    Aug 2010
    الردود
    15
    معدل تقييم المستوى
    0

    رد: مواقف زوجيه مضحكه

    شكرا للموضوع الرائع

  4. #4
    الصورة الرمزية ghazal88
    ghazal88 غير متواجد حالياً عضو روعه
    تاريخ التسجيل
    Apr 2011
    الدولة
    سورية
    الردود
    508
    معدل تقييم المستوى
    4

    رد: مواقف زوجيه مضحكه

    هههههههههههههههههههههه
    كتييييييييييييييير حلويييييييييييييين موتوني من الضحك

    يسلمو

  5. #5
    ام سعدشه غير متواجد حالياً عضو مجتهد
    تاريخ التسجيل
    Jun 2011
    الردود
    11
    معدل تقييم المستوى
    0

    رد: مواقف زوجيه مضحكه

    يسلموااااااااااااااااااا ياعمرى ضحكتينى مرررررررررررررررررررررررر ررررة

صفحة 1 من 3 123 الأخيرةالأخيرة

المواضيع المتشابهه

  1. واو مواقف المتزوجات في ليله الدخله لا يفوتكم مواقف مضحكه هههههههههه
    بواسطة مس منو في المنتدى منتدى الحياة الزوجية
    المشاركات: 10
    آخر رد: 31/08/2013, 12:23 AM
  2. مواقف زوجيه مضحكه : )
    بواسطة الكادي* في المنتدى نكت طرائف مضحكة مسلية ترفيهية
    المشاركات: 2
    آخر رد: 13/12/2012, 02:35 PM
  3. مواقف زوجيه مضحكه جدا ههههه
    بواسطة الحلم الدافئ في المنتدى نكت طرائف مضحكة مسلية ترفيهية
    المشاركات: 7
    آخر رد: 22/06/2011, 04:12 PM
  4. مواقف زوجيه تموت من الضحك
    بواسطة سبوووووله في المنتدى نكت طرائف مضحكة مسلية ترفيهية
    المشاركات: 7
    آخر رد: 10/01/2011, 12:53 PM
  5. مواقف مضحكه
    بواسطة دموع أبكت القمر في المنتدى نكت طرائف مضحكة مسلية ترفيهية
    المشاركات: 4
    آخر رد: 04/10/2010, 07:19 AM

صلاحيات المواضيع والردود

  • لا يمكن إضافة مواضيع جديدة
  • لا يمكن الرد على المواضيع
  • لا يمكن إرفاق ملفات
  • لا يمكن تعديل مشاركاتك
  •  

Content Relevant URLs by vBSEO ©2011, Crawlability, Inc.