مشاهدة : 5469
صفحة 1 من 8 123 ... الأخيرةالأخيرة
النتائج 1 إلى 5 من 38

شنطه صغيره مربعه سهله جدا بالصور

فن اعمال يدوية حياكة تصاميم بالصور, جدا, سهله, شنطه, صغيره, مربعه شنطه صغيره مربعه سهله جدا بالصور بسم الله الرحمن الرحيم السلام عليكم ورحمة الله وبركاته اهلا اخواتي. تحيه طيبه ...
  1. #1
    كرز1390
    كرز1390 غير متواجد حالياً صاحب امتياز
    تاريخ التسجيل
    Mar 2010
    الدولة
    سعوديه
    الردود
    1,185

    بالصور, جدا, سهله, شنطه, صغيره, مربعه


    بسم الله الرحمن الرحيم
    السلام عليكم ورحمة الله وبركاته

    اهلا اخواتي. تحيه طيبه وبعد

    لي فتره ما شاركت بهذا القسم او بالمنتدى بموضوع جديد بعد فترة النقل الاخيره الموفقه ولله الحمد.
    اشتقت لنادي الاشغال الفنيه وحبيت انزل موضوع جديد سهل يفيدكم في الاجازه وراح تستمتعون في العمل فيها ان شاء الله..

    والدرس هو طريقة عمل شنطه صغيره مربعه كالموضحه في الصوره


    شنطه صغيره مربعه سهله جدا بالصور bbagsm.jpg


    بصراحه عندي اكثر من طريقه لعمل هذه. لكن مثل هالطريقة السهله اللي شفتها باحدى المواقع ما شفت. لانه بمجرد النظر في هذه الشنطه او حتى بالتفكير فيها. يتخيل للشخص انه من الضروري عمل وجه الشنطه من الاعلى قطعتين مستطيلتين وخياطتهم بالسحاب الزيبر ثم قطعتين مربعتين صغيرتين للجوانب تحت السحاب في كل جهة. ثم قطعة مستطيله للقاعدة ثم قطعتين من القماش للجانبين الايمن والايسر للشنطة.

    ولكن

    ان يكون عمل هذه الشنطه فقط بقطعتين مستطيلتين من القماش والسحاب الزيبر فقط فهذا بكل صراحه رائع جدا..

    هذي الشنطة ممكن نستفيد منها في عمل شنطة للمكياج شوي كبيره لاستخدامات متعدده مثل شنطة للخيوط او بعض الادوات او للحلويات او صغيره مع قماش مخمل مثلا واهديها كهديه او ما شابه وبالطبع ممكن نغير بالمقاسات طويله او قصيره او عريضه بحسب الرغبة.

    راح اكتفي بالحديث الى هذا الحد ونبتديء الدرس ترجمته بطريقتي لكم وبسم الله وعلى بركة الله ولا حول ولا قوة الا بالله..


    شنطه صغيره مربعه سهله جدا بالصور bbagsm1.jpg


    اولا: نختار القماش اختاري قماشه حلوه ممكن تكون ملونه يابسه شوي او حتى مخمل.

    فكرة: ممكن تكوني مشتغله مسبقا على قطعتك من القماش من تطريز بالخرز او الشرايط وما شابه قبل خياطتها !!

    ثانيا: يجب ان يكون لديك قطعتين مستطيلتين من القماش نفس المقاس
    مثلا لو افترضنا 8 انتش في 6 انتش للحجم الصغير). وكل وحده حسب قياساتها..
    العرض هو المسافه الطويله اللي تكون مواجهه للسحاب الزيبر).

    ثالثا: طبعا لازم يكون عندك سحاب زيبر يفضل يكون اطول من العرض لسهولة العمل عليه. ويكون مناسب للون القماشه او مسمى اخر للقماش هو الخلق).

    شنطه صغيره مربعه سهله جدا بالصور bbagsm2.jpg

    مثل ما هو موضح بالصورة في الاعلى نقوم بعمل ثنية بحجم نصف انتش inch. نكفسها وضغط عليها طبعا هذا في القطعتين من جهة واحده فقط كماهو موضح في الصورة وهذا الاجراء مهم لترتيب وجودة العمل وهو اللي راح يكون على السحاب من كلتا جهتيه.

    شنطه صغيره مربعه سهله جدا بالصور bbagsm3.jpg

    لا مشكله من ان يكون السحاب الزيبر اكبر من عرض القماش واي زيادة في الطول سوف نقصها لاحقا.

    شنطه صغيره مربعه سهله جدا بالصور bbagsm04.jpg

    نخيط قطعتين القماش على الجهة الصحيحة للسحاب الزيبر كل قطعه في جهة واحده من السحاب نخيطهم في الوسط ليس على اخر طرف السحاب وليس في بدايته. بل في الوسط.

    شنطه صغيره مربعه سهله جدا بالصور bbagsm05.jpg

    نقلب قطعتين القماش بحيث يكون وجهة القطعتين الصحيحتين على بعض والسحاب في الطرف كانه الخس والقماش هو الساندويش شنطه صغيره مربعه سهله جدا بالصور smile.png . ممكن تثبيت القطعتين بالدبوس للتاكد من عدم حركتهم اثناء الخياطة بالمكينة نحيط مثل ما وضحته بالسهم البرتقالي وانا افضل دائما بخياطة الشنط هو الخياطة مرتين على الاقل فوق بعض يعني امشي بالمكينه مرتين حتى تكون الخياطة قوية خصوصا للشنط.

    شنطه صغيره مربعه سهله جدا بالصور bbagsm6.jpg

    الحين فيه خطوة جداا مهمه ولا بيضيع كل الشغل لا سمح الله
    لازم الحين نقوم بفتح السحاب الزيبر الى النص. لماذا حتى اقوم لاحقا بقلب العمل من فتحة السحاب اذا ما فتحته بنتوهق بعدين.

    ومثل ما هو موضح بالصورة في الاعلى نخلي الخياطة اللي سويناها قبل قليل فوق السحاب بالضبط بالضبط!!).

    شنطه صغيره مربعه سهله جدا بالصور bbagsm7.jpg

    نخيط الجانبين كما هو موضح بالصورة في الاعلى ولازم هنا نخيط لو على الاقل اربع مرات في كل جهة اي نمشي بالمكينة اربع مرات لانه هالجهتين فيهم السحاب الزيبر ونبغى تكون الخياطة للقماش مع السحاب قوية.

    وبعد الخياطة نقطع الزائد من السحاب مع ترك قطعة صغيره كما هو موضح في الصورة بالاعلى.


    شنطه صغيره مربعه سهله جدا بالصور bbagsm8.jpg

    هذا شكلها بعد ما نكون قلبناها من فتحة السحاب اللي تركناها.


    شنطه صغيره مربعه سهله جدا بالصور bbagsm9.jpg

    الحين ارجع اقلبها مره ثانيه مع ترك السحاب مفتوح عند الوسط ما افتحه كله علشان يكون الشغل والخياطه ثابت ومتماسك ولا اني اقفله كله واتوهق عند قلب العمل.

    نطلع الزوايا للخارج كما هو موضح في الصورة نحاول نسحب ونطلع الزاويا بالحجم المرغوب ونزيد من السحب او ننقص المهم حتى نوصل للشكل المربع المرغوب ومهم في كل زاويه اثبت بدبوس حتى اوصل لشكل متساوي لهم كلهم بالحجم المرغوب.

    ونرسم بالمسطره والبنسل او استخدام قطعة اللون الخاصه بالتعليم على القماشه هنا مثلا كان طول الخط 3 انتش للمقاسات اللي ذكرتها سابقا وهي بنفس الوقت راح تكون ارتفاع الشنطة يعني هنا هي وايد صغيره !

    شنطه صغيره مربعه سهله جدا بالصور bbagsm10.jpg

    نخيط الزوايا الاربعه اللي علمنا عليها وهنا يفضل نخيطهم اولا مره وحده بس يعني خياطة وحده بس ونشوف الشنطه كيف صايره وكيف ارتفاعها ان عجبتنا نعيد بالخياطة على الزوايا مره ثانيه للتثبيت واذا لان نجيب الفتاقه ونفتح الخياطة ونعدل في حجم الزوايا من جديد واللي هي راح تكون كما ذكرت في السابق الطول للشنطة.

    شنطه صغيره مربعه سهله جدا بالصور bbagsm11.jpg

    بعد ما نكمل من هذا الشغل نقطع الزائد من القماش ونترك تقريب نص انتش بعيد عن الخياطه حتى لا تنسل الخياطة.


    وهذا هو شكلها النهائي
    7
    7

    شنطه صغيره مربعه سهله جدا بالصور bbagsm12.jpg


    تم بحمد الله
    ما شاء الله تبارك الله ولا حول ولا قوة الا بالله


    اتمنى تعجبكم وخاطري اشوف تطبيقاتكم بالصور ان امكن
    وممكن مع دمج فكرة البطانه في الدروس السابقه اللي نزلتها تسوون لها بطانه.

    بانتظاركم. والله الموفق



    شنطه صغيره مربعه سهله جدا بالصور rose.gif اختكم / ام عبدالله شنطه صغيره مربعه سهله جدا بالصور rose.gif


    _






    من مواضيع كرز1390 :


  2. #2
    كرز1390
    كرز1390 غير متواجد حالياً صاحب امتياز
    تاريخ التسجيل
    Mar 2010
    الدولة
    سعوديه
    الردود
    1,185
    انتظر ردودكم ونسيت اقول منقول

  3. #3
    snow
    snow غير متواجد حالياً مشرفة سابقه
    تاريخ التسجيل
    Oct 2008
    الدولة
    اني راحله اليك
    الردود
    22,375
    wo0o0o0o0o0o0o0o0o0o0o0o0w

    يعطيك الف عافيه ع الفكره الحلوه


    سلمت يداك

    وبانتظار جديدك

  4. #4
    كرز1390
    كرز1390 غير متواجد حالياً صاحب امتياز
    تاريخ التسجيل
    Mar 2010
    الدولة
    سعوديه
    الردود
    1,185
    مشكورين على المرور

  5. #5
    تاريخ التسجيل
    Mar 2010
    الردود
    75
    روعه من جد روعه

صفحة 1 من 8 123 ... الأخيرةالأخيرة

Content Relevant URLs by vBSEO ©2011, Crawlability, Inc.