like facebook


views : 2085 | replycount : 3
النتائج 1 إلى 4 من 4

قصة بويه حقيقية

السلام عليكم ورحمة الله وبركاته اقدم لكم هذه القصوة وانشاء لله تعجبكم أخليكم مع القصة اللي مو واايد طويلة و انشالله تعجبكم و راح أضيف كل مرة جزء

  1. #1
    الصورة الرمزية القلب الجارح
    القلب الجارح غير متواجد حالياً عضو مجتهد
    تاريخ التسجيل
    Jan 2010
    الردود
    43
    معدل تقييم المستوى
    0

    Talking قصة بويه حقيقية

    السلام عليكم ورحمة الله وبركاته

    اقدم لكم هذه القصوة وانشاء لله تعجبكم

    أخليكم مع القصة اللي مو واايد طويلة و انشالله تعجبكم و راح أضيف كل مرة جزء


    الفصل الأول: الماضي و الحاضر

    نورة بنت عمرها 15 سنة.. ما يميزها عن باقي البنات هو وجهها.. فجمالها ليس كملامح ملكات الجمال.. بل أنه أجمل.. كيف؟؟
    لقد سمعتم بالمقولة "الجمال الداخلي يعكس على الجمال الخارجي"
    فقد أثبتت نورة هذا الشي.. هي بنت خجولة و لا تعرف كم هي جميلة.. أحيانا يخبرها بعض الناس و لكنها تظن أنهم يجاملونها..
    هناك مشكلة مضايقتها و ما حبت تقول السبب الحقيقي اللي مضايقها..

    سلوى عمة نورة: شفيك حبيبتي شاللي مضايقك؟؟؟
    نورة: راح أبدأ أول يوم في الثانوية بكرة و أحس قلبي من الخوف راح ينفجر!
    عمة نورة سلوى: و ليش كل هالخوف حبيبتي! مدرستك الجديدة مو مختلفة عن مدارس مصر
    نورة: هذي مو الشي الوحيد اللي يقلقني..أمل و هدى يقولون إن المدارس الحكومة الثانوية متروسة مشاكل و بنات يركضون ورى المشاكل!!
    عمة نورة سلوى فتحت عينها على الآخر!
    "بنات يراكضون ورى المشاكل.. من وين لهم هالكلام!"
    نورة: مادري يا عمتي المهم.. أنا بروح أنام.. بكرة أول يوم مدرسة و أبي أكون نشيطة"
    سلوى: تصبحين على خير حبيبتي
    نورة: و انتي من أهله عمتي.

    نورة بنت درست طول حياتها في مصر.. لأن أبوها شغله هناك.. هي شافت و تعرف كل أنواع المصائب.. فأمها توفت و هي عمرها ثلاث سنين بس.. فكل الحنان اللي حصلته كان من أبوها في مصر.. بس أبوها لاحظ كيف هي تعيسة من غير أم تنصحها أو أخت تجابلها أو أي أحد يعطيها حنان الأم.. فقرر أن يرجع بنته بلدها في الخليج لتعيش مع أخته الكبيرة.. عمتها اللي حنانها حنانها يغطي على ديرة.
    نورة من النوع الهادئ.. ما تكلم أحد من غير ما يبدأ هو بالكلام.. ما تحب تشوف أحد في عينه و هو يكلمها.. البعض يقول أنها طالعة على أمها.. خجولة و هادئة.. و الآخر يراها متأثرة من وفاة أمها.. فعمتها ما حبت الوضع.. فقامت و عرفتها على بنات الجيران.. أمل و هدى.. حبتهم من قلب لأنهم أول بنات تعرفت عليهم في حياتها و بدأت الشمس في بداية شروقها في حياة نورة..

    غسلت وجها و وقفت تطالع روحها في المنظرة..
    "أول يوم.. الله يعيني.. الكلام اللي سمعته من البنات خرعني"
    فكرت نورة و هي تناظر روحها في المنظرة
    "إنشالله يكون المنهج سهل.. هذا أهم شي"
    سلوى: يلا نورة نزلي أكلي الريوق راح تتأخرين عن المدرسة
    نورة: إنشالله عمتي أكاني ياية
    لبست نورة قميص أكمامه طويلة و عليه المريول و ربطت حزام المريول بطريقة مرتبة
    لمت شعرها البني الفاتح الطويل بربطة تناسب لون المريول و رشت رشة خنة صغيرة.. كان كل شي مرتب و
    ناعم فيها.. بس ليلحين كان فيها نوع من الوسواس

    نزلت نورة و هي تركض.. حبت عمتها و ركبت السيارة.. و بدأت تدلي السايق المدرسة.. كل ما قربت من المدرسة كل ما قلبها دق أسرع.. في مصر كانت تدرس في مدرسة خاصة تمزج فيها الأولاد و البنات و لكن شخصيتها و طبعها عمره ما قربها من أي من الأولاد.. و لا حتى البنات.. بس بسبب عمتها و تعرفها على هدى و أمل.. كانت نورة متشوقة للقاء بنات جدد.. بس ما تدري شنو راح يصيير لها في هذي المدرسة اللي بتكون لها أول مرة تحط رجلها في مدرسة حكومية في بلدها.

    نزلت من السيارة و هي تناظر يميين و شمال.. كأنها خايفة من شي.. و بدأت تمشي بين البنات و هي منزلة راسها.. و كل ما ترفعه شوي كل ما تشوفه وجوه بنات.. الكثير من الوجوه و كلهم ممسوحين في نظرها لأنها ما قادرة تركز.. هذي أول مرة تشوف بنات بهالعدد في مكان واحد.

    وقفت نورة في مكانها و هي لامة يدينها و تطالع الأرض و الشي الوحيد اللي حابة تسمعه هو جرس بدأ الإصطفاف اللي بساعدها من الإبتعاد عن الوحدة. المشكلة اللي زادت هم نورة هو ميولها المختلف عن ميول أصدقائها هدى و أمل.. هي تحب الطب و كل ما تتمناه حاليا هو أن تكون طبيبة تعالج الناس و تنقذهم من الموت.. من يوم وفاة أمها قررت هالشي.. مرض أمها و وفاتها خلها تحس بأهمية معالجة صحة الآخرين. فقد دخلت المسار العلمي. أما بالنسبة لهدى و أمل فهم يرون المسار التجاري أنجح هالأيام.
    كانت نورة واقفة تفكر في هدى و أمل..
    و فجأة!!!

    أنقطع حبل التفكير بصراخ بنت.. بل بنتين
    ظنت نورة بأنهم بموتون و حطت يدها على قلبها.. بس في الصج طلع أنهم فقط فرحانين بشوفة بعض.. و ما تم لمة و ما تم بوسة..
    مرة وحدة سمعت نورة وحدة تكلمها من وراها.."اللي يقول ما شايفين بعض من دهر!"
    ضحكت نورة و إلتفتت وراها لتشوف من كانت تتكلم
    شافت بنت طولها نفس طولها بس كانت ممتلئة شوي و شعرها مربوط بنفس الطريقة بس كان أقصر من شعر نورة اللي يوصل لنهاية ظهرها و البنت كان مبين عليها حبوبة.
    "لا تخافين منهم ترى كل سنة هالبنات يسوون هالحركات حتى لو الكل يدري أنهم يشوفون بعض كل يومين في الإجازة"
    وقفت نورة مبتسمة و مستانسة بأن وحدة من البنات جات تكلمها.
    " أنا أسمي العنود.. في صف الثاني الثانوي و انتي مبين على شكلك أن هذي أول سنة لك في المدرسة"
    "هههههه.. أنا نورة و هذي أصلا أول سنة لي في البلد!"
    العنود: من صجك! عجل ما تعرفين ولا شي عن مدرستنا و لا أحد من البنات!
    نورة: أي والله.. أنا وايد خايفة بأن تكون المدرسة على سوء ظني.. عندي ربع نفس سني بس مدرستهم تجاري.. و سمعت منهم كلام يخوف!
    العنود: كلام يخوف! مثل شنو؟
    نورة بصوت واطي: صج في بنات يدخنون سجاير الله يكرمك.. في الحمامات من دون ما يعرف أحد؟؟!!
    و تطلع العنود ذيك الضحكة العالية.. و تقعد نورة تتلفت وهي منصعقة لأنها أول مرة تشوف أحد يضحك كذا
    العنود و هي تضحك: هاهاااااااااااي
    العنود: شوفي بقولك حبيبتي.. مافي مدرسة في البلد كامل ما فيها مشاكل.. و لأني أخاف عليك بقولك أن التدخين أقل شي لازم تخافين منه.. في سوالف أخس من كذا..
    نورة: هااااااا؟؟!! أخس من التدخين! شنو هذا اللي أخس من التدخين!! و ين المشرفات.. وين المديرة عن هالسوالف! أنا ما فاهمة!
    العنود: و مين قال أن هذي السوالف الكل ينصاد فيها.. و المشرفات أصلا يدرون بس مافي في يدهم حيلة.. و مافي فايدة! بس انتي بتعرفينها و راح تشوفينها جدامك كل يوم.. إنتي خلك بعيد عنها و راح ترتاحين و تحملي تجربين من بنات لهم هالسوالف.. لأن ذبحتهم يفروون مخ الوحدة.
    نورة سكتت و هي مفهية!
    نورة: ما فهمت ولا شي من اللي قصدك! أي سوالف ذي!
    العنود: يا الله!!!!!
    الله يعينك حبيبتي.. إنتي بس خلك معاي و راح أفهمك اللي تبينه بعدين لأن أحين وقت الإصطفاف و راح نتأخر.
    إبتسمت نورة للعنود و مشوا ثنتينهم و الجرس كان يدق.. وصلت العنود نورة لصفها و خلتها توقف بالأول.
    العنود: أشوفك في الفسحة إنشالله.
    نورة: مشكورة على كل شي حبيبتي.
    العنود: هذا واجبي والله
    راحت العنود و تمت نورة واقفة في مكانها و إلا تلمح بنت من بعيد خلتها ما تصدق اللي تشوفه.. أنا أتخيل و لا
    حقيقية اللي أشوفه! كيف بنت بهالشكل في المدرسة و ليش؟؟؟

  2. #2
    الصورة الرمزية القلب الجارح
    القلب الجارح غير متواجد حالياً عضو مجتهد
    تاريخ التسجيل
    Jan 2010
    الردود
    43
    معدل تقييم المستوى
    0

    رد: قصة بويه حقيقية

    ترى مارح انزل

    الجزء الي بعده الين اشوف رددكم

  3. #3
    الصورة الرمزية الأوركيدة
    الأوركيدة غير متواجد حالياً عضو نشيط
    تاريخ التسجيل
    May 2010
    الدولة
    سعودية
    الردود
    82
    معدل تقييم المستوى
    5

    Smile رد: قصة بويه حقيقية

    يعطيكي العافية كملي القصة
    عجبتني كتير
    ماشا الله عليكي مبدعة
    لاتخجليني كمليها....
    الصور المرفقة الصور المرفقة    

  4. #4
    الصورة الرمزية شط الغروب
    شط الغروب غير متواجد حالياً عضو جميل
    تاريخ التسجيل
    Mar 2010
    الدولة
    سعودية وكلي حنية
    الردود
    149
    معدل تقييم المستوى
    5

    رد: قصة بويه حقيقية


    كملي حبيبتي
    ياحلاتك

المواضيع المتشابهه

  1. عرس بويه الحمدالله والشكر، عرس بويه ، زواج بويه صور
    بواسطة حلاتي في حركاتي في المنتدى نكت طرائف مضحكة مسلية ترفيهية
    المشاركات: 7
    آخر رد: 08/10/2012, 02:20 PM
  2. للأهميه : طلب من الخطابات بوجه خاص ومن الاخوان والاخوات بوجه عام
    بواسطة قلب يخشى الله في المنتدى طلبات الزواج اريد زوج ابحث عن زوجة
    المشاركات: 21
    آخر رد: 17/03/2011, 01:38 PM
  3. عاشق بنيه
    بواسطة عاشق بنيه في المنتدى ترحيب تعارف اهداءات
    المشاركات: 15
    آخر رد: 31/07/2010, 04:39 PM
  4. زواج .. ( بويه ) ..!!!
    بواسطة المها في المنتدى صور غريبة عجيبة جرائم مرعبه
    المشاركات: 3
    آخر رد: 23/06/2010, 10:56 PM
  5. فلم بوحه
    بواسطة بنت جدة في المنتدى افلام و فيديو موقع يوتيوب youtube
    المشاركات: 1
    آخر رد: 06/03/2010, 04:26 PM

صلاحيات المواضيع والردود

  • لا يمكن إضافة مواضيع جديدة
  • لا يمكن الرد على المواضيع
  • لا يمكن إرفاق ملفات
  • لا يمكن تعديل مشاركاتك
  •  

Content Relevant URLs by vBSEO ©2011, Crawlability, Inc.