like facebook


views : 23891 | replycount : 11
صفحة 1 من 3 123 الأخيرةالأخيرة
النتائج 1 إلى 5 من 12
  1. #1
    تاريخ التسجيل
    Mar 2009
    الدولة
    الرياض
    الردود
    14,231
    معدل تقييم المستوى
    0

    قصائد خالد عبدالرحمن(مخاوي الليل)

    ااااااااالسلام عليكم


    اهداء لجمهور مخاوي الليل (خالدعبدالرحمن)



    ===============

    صارحيني ..
    منهو أنا بدنيتك
    جاوبيني ..
    إن كنت فعلاً منيتك
    ما كنت أرضى تزعلين = و إنتي بتهديني الزعل
    ما أطيق عني تبعدين = في قربي حسيت بملل
    محرومه عيني شوفتك = لا تحرميني كلمتك
    حتى الصراحة بيننا = صارت صعيبه بدربنا
    وإن كان ودّك تبعدين = صعبة أنا أنسى حبنا
    ما يعني هذا ترجعين = في دنيتي بألقى الهنا


    2 - صدقيني
    كلمات : مخاوي الليل .
    الحان : خالد عبدالرحمن


    صدقيني قلبي يحكي لك حقيقه= صدقيني ما أرى غيرك ملاك
    من أجل وصلك باتخذ أيّة طريقه=ما أبالي لو طريقي لك هلاك
    بعدك ولا غيابك على نفسي ما أطيقه= كيف أجاهد روح تشقى من غلاك
    شرع الخطا يا زين عم الخليقه= وإن هفا شوقي معك أبغى رضاك
    يا زمان اللوم احرق لي وثيقه=طيها دستور بظلمه وطاك
    منهو فينا أو في البشر ما نشف ريقه=كم قيل عنهم الشقي هذا وذاك
    الشك من طبعك وباحساسك رقيقه= مقبولة عندي ولوهذا عطاك
    روحي تنادي لك بصرخة غريقه= يا مغرقتها ليش عيني ما تراك



    3 - بلا ميعاد
    كلمات : مخاوي الليل .
    الحان : خالد عبدالرحمن


    فجأة طلبتني لها .. بلا ميعاد=طول انتظاري علّ حالي بسببها
    لبّيت وجيت قبالها .. شفتها تزداد=روعة بصورة حسن ربي رسمها
    عيني أنا بعينها .. والقلوب ابعاد=أخشى هدب عيني يلامس هدبها
    ما أقوى الحكي حينها .. والقلب ما أعتاد=على لقى اللي حبّها من عرفها
    نظرة سواد عيونها .. هذا المنى والمراد=لهفة شفايف طوّلت في عناقها



    4 - خذ ماتبي
    كلمات : مخاوي الليل .
    الحان : خالد عبدالرحمن .


    خذ ما تبي بس اترك القلب يرتاح=لا بالمودة عطيته لا بالصراحة خذيته
    في غايتك تهوى على ملك الأرواح=صدق الخيانة جزيته يا كم بغيري نويته
    كافي علي أصبحت بالسد فضّاح=غصبٍ عليّ حكيته بكاني حظي وبكيته
    قل لي متى ترسم على قلبي جراح=منك الصبر ما قويته أفقدتني ما أحتويته
    أملكت كلّ قلبي الوفي ومعك مفتاح=عقب الندم وش رأيته عن حب غيرك عميته
    من علّمك ترمي بقيعان الأرماح=لا بالقتل قد نويته عمري بكفن حي طويته
    جذعٍ ذوى عطشان لو ترفعه طاح= تتعب معه لو ركيته ما هو بحي لو سقيته
    لا تنتظر رجعه ولا تطري اصفاح=ما أقول حبك وطيته ما أقول حبك نسيته
    أبعد عسى في دربك اليوم ترتاح= أنت الذي أهتويته ولا .. بالغصيبه مشيته



    5 - لأجل حبك
    كلمات : رياض ابراهيم .
    الحان : خالد عبدالرحمن .


    رجعنا بعد ما كنت= بعيد و إنتي بعيده
    وأنا يا منيتي آمنت= فراقك قلبي ما يطيقه
    قويتي الصبر في فرقاي= وأنا في غيبتك ما أقوى
    نسيتي يوم كنتِ معاي= والنسيان بك أتحدى
    هل هو شعورك هالغريب= أو أنا ماني لك حبيب
    ثلاث سنين بنا مرّت= ولا كنّا نحسّ بخوف
    عيوني منّي تبرّت= قليل النوم فقدها الشوف
    لأجل حبّك قويت أسهر= إلى حتى طلوع الشمس
    وهذا لعيني مقدّر= يمر اليوم مثل الأمس
    مدري متى شمسك تغيب= مدري جرحي يطيب




    (( انتظرته ))
    ويحتوي على ستة أعمال .


    1 - لك خافقي
    كلمات : مخاوي الليل .
    الحان : مساعد العيسى .


    ليتك لعيني قريبه= كان أبسهر ونومي لجفني حرام
    عمري عطابه صخيبه=ما يضيع العمر ودامك له غرام
    أنتظر متى على الفرحة تجين= ودنيتي في ناظري بقربك تزين
    طرفي اشتكى لي شوق= بالله شسوي به
    ما بقى من هالعمر كثر اللي راح=وشوفتك يا شوق تبري الجراح
    لك خافقي شراي=بموانسك تطري به
    عشت لك وغير إحساسي ما أقول=وبأنتظر لو غيابك لي يطول
    ردي على الولهان= لا يهون بك تعذيبه


    2 - يا شوق
    كلمات : فهد بن خالد .
    الحان : خالد عبدالرحمن

    ماني على فرقاك يا شوق ناوي=مير الزّمن له وقفةٍ بين الأحباب
    يشهد على ما أقول قلبٍ شقاوي=دمعٍ نثرته بان من بين الأهداب
    كانك على ذبح الوفى فيني قاوي= تذبح خفوق اللي يحبك ولا تاب
    واللي بقى من وقتنا ما يساوي=لحظة نعانيها من البعد أغراب
    لا يا نجوم الليل ماني بهاوي=فرقى مناة الروح ولو طالت أسباب
    يا ناصحين القلب ما له مداوي=غير الحبيب اللي له القلب طلاّب


    3 - حقيقة
    كلمات : مخاوي الليل .
    الحان : خالد عبدالرحمن

    حقيقة فعلك ما يطاق=ومن يستحق فينا العتب
    وإن كان تنوين الفراق = سهله عليك بلا سبب
    قليل أحسّ بطيبتك = كثير منك اللوم
    لا تتعبيني وش بقى = مرض الشقا لي دوم
    ما بيننا دار الزعّل = ما أظلمك في كل الخطا
    والجد أبقى من الهزل = والتضحية أصل العطا
    وشلون أبمشي بطاعتك= وانتي عليّ تقسين
    إخذي القرار براحتك = ما أسألك زين أو شين
    من كثر خوفي والألم = ما عاد أحس بأي خوف
    سرت الخطا بليل الظَّلَم = عرفت حالك سمع وشوف
    إن كان لي حقٍ أبيه = وإن كان ما لي أنسحب
    واللي تبينه اتبعيه= قلبك يبي منهو يحب



    4 - أهلا هلا بك
    كلمات : سعود بن عبدالله .
    الحان : خالد عبدالرحمن .


    أهلاً هلا بك يا بعد كل من لي=يا أغلى من الغالين يا روح روحي
    يفزّ لك قلبي وأرحّب وأهلّي=تطيب في قربك جميع الجروحِي
    لك طلعةٍ مثل القمر يوم هلّي=خلاّ سواد الليل نورٍ يلوحِي
    يمّك دعاني زايد الشوق كلّي=جيتك وأنا قلبي بحبك يبوحِي
    تعال نحكي عن مشاعرك قل لي=واحكي لك همومي وجرحي ونوحي
    هاج الغرام وتلّه الود تلِّي=قلبٍ قبل عرفك حياته مزوحِي


    5 - انتظرته
    كلمات : رياض ابراهيم .
    الحان : خالد عبدالرحمن

    إنتظرته وقلبي إحساسه يقول=صوت خلي اليوم ما أظن أسمعه
    الخبر عندي وغيبته بتطول=وقتي من اليوم حسابه باجمعه
    ضاق بي صدري وأدوّر له حلول=في ضميري نار شوقي مولعه
    عشت في دنيا أدور بها وأجول=عشت فيها بضيق وعايشت السعه
    ما لقيت اللي على دربي صمول=كود بعض الناس وقته يمنعه
    روضتي جفّت وأنا خلي سيول=مبعدٍ عني وقلبي يتبعه
    طبعها اللي يوصف بالطبع الخجول=بين كل الناس عندي أرفعه
    الغريب اللي أسولف له وأقول=عن هوى نفسي كلامي أقنعه
    ما يلام اللي مثل حالي ينول=لو قضى ليله يساهر مدمعه
    لي على الغالي وشوفاته ميول=زود شوقي له غرامي أصنعه
    لو حصل لي شوفته همي يزول=وقتها أنسى البشر وأجلس معه
    أذكر إني بغيبته دايم أقول=هو حياة القلب هو له مطمعه
    فرحتي يا خالد بيوم الوصول=با فرح لقلبي بهمٍّ ودّعه


    6 - من دلعك
    كلمات : مخاوي الليل .
    الحن : خالد عبدالرحمن .

    من دلّعك .. خلاّك تختال=عزّ الله إنه بدلاله متّعك
    من صوّرك .. سبحانه اختار=بالزين أحلاها صورة شرّعك
    منك اغتذى الشوف =وأنا اغتذت روحي
    دونك بحر خوف= وسلاحي جروحي
    وقتي معك .. نظرة وترحال=صدفة تبيّن لي مشارف مطلعك
    ما أروعك .. يا ملفت أنظار=خليت كل الخلق خلفك تتبعك
    منك اغتذى الشوف= وأنا اغتذت روحي
    دونك بحر خوف= وسلاحي جروحي
    ليته معك .. وقت اللقا طال=شفّيتها نفسي قبل ما أودّعك
    من يمنعك .. تمشي وتختال=ولا ترى بالخلق منهو يمنعك
    منك اغتذى الشوف= وأنا اغتذت روحي
    دونك بحر خوف= وسلاحي جروحي



    لو بكيت
    كلمات : غيوض .
    الحان : سمير مبروك .

    لو بكيت دموع عيني ما تفيد=وإن شكيت الشكوى ما فيها مسد
    كل يوم يذوب في قلبي وريد=أتصبّر مير ما عندي جلد
    نار شوقي لك يذوب لها الحديد= وإنتثر دمعي على خدي بدد
    دايمٍ يا شوق شوقي لك جديد = وإن سألت العين لك فيها مرد
    دمعتي تنبيك عن حبٍ أكيد=غيرها يا روح روحي وش بعد
    كان قلبي قبل عرفي لك عنيد= ما يحن ولا رمى غيرك لأحد
    لين طوّعته بحبك يا وحيد=والمحب يطيع محبوبه وحد
    يا حبيبي غير شوفك لا ما أريد=دوك طرفي طاير فيه السّهد
    يا حبيبي فيك يا حلو القصيد= لو كتبت الشعر في غيرك شرد
    أتغنّى فيك بأشواقي نشيد= بأصدق اللي قيل من بنت لولد


    2 - حروف الحب
    كلمات : غيوض .
    الحان : سمير مبروك .


    أكتب حروف الحب حبسٍ برجليك= قيدٍ يقيد خطوتك لا تروحِي
    إقعد معي وإن رحت خذني مخاويك= آن لا تروح إن كان قفيت روحي
    ريّظ خطا رجلك شوي لغاليك= خله عليك بسرّ حبه يبوحِي
    يا واحدٍ مالك شبيه لك يحاليك= نفس بحبك من ظماها شحوحِي
    أغليك واللي كوّن الكون أنا أغليك= حب الغلا ماهو بمثل حب المزوحِي
    يا غاليٍ دمعات عيني تناجيك= بعباير من فوق خدي تفوحِي
    حتى وأنا في غفوة النوم أناديك=وطيفك على شاشة خيالي يلوحِي
    إرجع علي وضمني بين أياديك= ضمة غلا تحيي بها ميت روحي



    3 - ياحبنيلك
    كلمات : غيوض .
    الحان : سمير مبروك

    يا حبّنيلك دون كل المخاليق= ياللي تساوي كل شيء بحياتي
    لا شفت زولك ينجلي عني الضيق= وإن غبت عن عيني تزيد عبراتي
    دايم عيوني من فراقك غواريق=وطلعتك ترسم بسمتي في شفاتي
    الحب مفتاح القفول المغاليق=وحبك دواي وفرحتي يا غناتي
    أغليك وإللي بل أشافيك بالريق=يا منوتي دايم محقق مناتي
    غلاك ساقه رامعي في المعاليق= ولولاه عيني ما تعدت وطاتي




    4 - وين إنت
    كلمات : غيوض .
    الحان : خالد عبدالرحمن .


    وين انت قبل اللي مضى سنيني= يا مسعدٍ باقي حياتي بالأفراح
    ما قول قبلك في حياتي ضنيني= ولا نيب مع غيرك من الناس مرتاح
    حتى فرحك ارهب شقاي الدفينِي=ومنك السعادة بدّدت هاك الأشباح
    يا غاليٍ قرت بلاماك عيني=حبي وحبك هن سبب ربط الأرواح
    كأس الهنا تو أقضبنّه ايديني=وأروى ظمأ وقتي هذاك اللذي راح
    والله ما لك في حياتي وزينِي=برق الفرح قبلك على العين ما لاح




    من يسد بمكانه
    كلمات : عبدالله الفيصل .
    الحان : خالد عبدالرحمن .
    قرب الرحيل وخاطري منك ما طاب= يا واحدٍ عندك حياتي رهانه
    تدري بعله واحدٍ منك منصاب= اللي بقلبه لك يقوله لسانه
    بك طيب لو ما حط بك زين الأطياب= يا غصن بان ناعمٍ به ليانه
    يا ليتهم سمّوك يا زين معطاب= حيث ان حبك بالضماير مكانه
    كلٍ عذلني فيك عدوان وأصحاب= وأقول خلوني وكلٍ وشانه
    وان قيل وإلا بدّل أحباب بأحباب= قلت آه لكن من يسد بمكانه


    2 - سمرت
    كلمات : خالد الفيصل .
    الحان : مساعد العيسى

    سمرت بصحبة حروف القوافي= أحمّلها تناهيت خوافي
    أشكّل بالحروف ألوان صورة= أحرّكها من المعنى بصافي
    أشيل الحرف من معنى لمعنى= وأداري ما ظهر وأظهر بخافي
    وإلا مني عطيت الحرف ونّّة=بها حرفي على النجمات طافي
    يقوّم كل نجمٍ من منامه= أنا ما نيب أسامر نجم غافي
    يجيني كل نجمٍ منه معنى=ولا قد قلت للنجمات كافي
    تصورلي دموعٍ وابتسامه=من عيونٍ تقصوت ما تشافي
    ألا يا نجم يا عالي تبصّر= شف بعين المحبة عين وافي
    وخبرني عن علومه وحاله= عسى قلبه مع الأشواق دافي
    وخبّر صاحبي عن حال خلّه= ترى يمشي على الأشواك حافي
    ولو ممشاي في جمرٍ يفيده= مشيت بجمرها كنّه عوافي
    ولكن وش يفيده لو ذبحني= ومن يوصف جماله عقب قافي



    3 - دقات قلبي
    كلمات : غيوض .
    الحان : خالد عبدالرحمن

    دقات قلبي من عناي اعبثت بي= تزود بين الثانية و الدقيقة
    راحت بي أفكاري بعيدٍ وجت بي= وأهداب عيني في دموعي غريقة
    أكتب وتقرأ ريشة العود كتبي= شعري سلس ينساب على السليقة
    مشاعري يا شوق يمّك جرت بي=من مرهف إحساسي بيوتٍ رقيقة
    أحنّ وأشواق الغرام اعصفت بي= وقلبي فراقك ساعةٍ ما يطيقه
    محبتك يا روح روحي سطت بي= والدمع في عيني من أجلك غريقه


    4 - سلمولي
    كلمات : سعود بن محمد .
    الحان : خالد عبدالرحمن .


    سلمولي على الغالي سلامٍ كثير= وأخبروه إني أسهر لين يبدأ الصباح
    دمعة العين عقبه بالمحاجر تحير= ما تجيه عيوني كود عند المراح
    ليت لي يا هوا بالي جناحٍ وأطير= البلى إني عليك أكفخ بليّا جناح
    حارب النوم عيني ما يطب النظير= من سبايب غرامك جوهر العقل راح
    شالك الزين عيني يوم مالك خشير= والله اللي بلاني بك بليّا صلاح
    كنّ وجهك قمر خمسة عشر مستدير= ليت منه بلغ بك غايته واستراح
    صدّ عني ترى عينك سهمها خطير= ما خبرت أحد قبلك عيونه رماح
    مثلما كنت بأقدامك تدوس الحرير= أنت يا زين بأقدامك تدوس الملاح



    5 - صمت البوح
    كلمات : السامر .
    الحان : فلكلور .


    منك وعليك الهم من وين ما اروح = يمشي معي يا شاغلي مثل ظلي
    انا حياتي بالهوى كلها نوح = تشرب ظنوني هم واقول علي
    أغلى الجروح اللي بها منك مجروح=الله يا حبي لجرح التغلي
    لي في عذاب الحب رحمة ومصلوح=عذابك ارحم من نعيم مولي
    حبك عذاب الروح ويونس الروح=مستوليٍ حبك على كل كلي
    اصمت ويظهر منك في صمتي البوح=ملامحي منها جليسٍ فطن لي



    6 - في غربتي
    كلمات : مخاوي الليل .
    الحان : خالد عبدالرحمن .


    في غربتي تغرّب النور عن عيني = وش حاجتي في نور عينٍ غاب غاليها
    أمر السفر يا نظر عيني قضى فيني = نفسي على ما تعاف أمر الله حاديها
    يمّك حبيبي عظيم الشوق يدعيني= يسري بعروقي كما تسري الدما فيها
    علي خطرها حياتي يا معنّيني= بعدك عطبها وشوفك حيل يشفيها
    أخاوي الليل وهاجس ليلي يخاويني= يمّك سرابي داعي الذكرى بحاليها
    أقضي بدنيا لعيني شوف مشيني= إلى متى عيني على شوفك تمنيّها



    (( آهات ))
    ويحتوي على أغنية واحدة فقط .



    آهات من طول العنا طاولتني=ونفسي من الفرقا وحالي صخيفه
    جارت علي من الفراق وقصتني=غزت ولكن مانوت بالنكيفه
    بهمومها اللي شفت منها كوتني=هذا الذي خلى حياتي مخيفه
    باكر يروعني وأنا فيه فتني=وأقول ليت الغيب يبخل بحيفه
    خيل السعادة بالهوى خالفتني=خالفت معها عيد قلبي وريفه
    هبت هبوبٍ بالنيا عطشتني=وكم غاليٍ قبلي ظما من وليفه
    ليت الليالي عن غرامي نهتني=ولا بدا زرع الأمل منك هيفه
    والا انها في غايتي خيرتني=واختار أنا مرباع قلبي وصيفه
    خل جيوشه بالمحبة غزتني=وأنا اسير للعيون العفيفه
    أغلى هجوسٍ طول الأيام جتني=هاك الهجوس اللي تجيني بطيفه
    الماضيات بغيبها مانصفتني=والمقبلة ترجي عدلها خليفه
    اتبع ظنونٍ بالهوى ما شفتني=احسب حمولي بالمحبة خفيفه
    واليوم ظالمت المحبة طوتني=طي الورق يوم انطوى به خريفه
    واشباح ياسي بالهموم أعترتني=وأنا علي أسباب صدك كليفه
    أشيل حتفي راضيٍ فوق متني=وأبوح نفسي من حياتي معيفه
    واقول للي بالجفا عذبتني=عسا الشقا من بيننا بالنصيفه
    شربت من فيض الشقا واشبعتني=دنياً مع الأحزان ضدي حليفه



    ودي تشوف الهم
    كلمات : السامر .
    الحان : صالح الشهري

    ودي تشوف الهم وشلون سوّى= بحال من حبك على غير مصلوح
    جرحتني جرحٍ جديدٍ تلوى= على خفوقٍ منك بالحيل مجروح
    سويت فيني شئ ما ينتسوى= وأقول يا سيد المماليح مسموح
    ليتك بزلاتك عليّه تروى= يوم أن حبي لك من الروح للروح
    أن كان حبل وصالنا ما تقوّى= فالله يعين عيون سامر على النوح
    لا يا بعد من جابوا آدم وحوى=خطاك مهما صار منسي ومدموح




    2 - العطا
    كلمات : مخاوي الليل .
    الحان : خالد عبدالرحمن

    العطا ..
    ما تبادلنا العطا
    والخطا ..
    لا حشا ما أخطي عليك
    بي سطا ..
    جرحك بإحساسي سطا
    يا عطا ..
    أول عطا منك الخطا
    أحبك لو تجافيني ..
    وعلى كل الخطى مسامح
    أحبك يا نظر عيني ..
    ورضاك ألزم ..
    ولكني فقير الحظ ..
    أنا لك أكثري تجريح
    ترى حبك ..
    بيشفعلك .. أحبك
    ذوب خفوقي الشوق
    و إنتي معي يا شوق
    يحلى لحياتي الذوق
    طعم السعادة بك
    لك خفوقي ..
    إشتقى ..
    ثم إهتنابك ..
    في عروقي ..
    دمي الجاري إغتذابك ..
    ولاح شوفي ..
    في سما كل البشر
    غير زولك ..
    ماملى أحد النظر
    جددي فيني ..
    حياتي باللقى




    3 - هاتيها
    كلمات : خالد المجاهد .
    الحان : خالد عبدالرحمن


    هاتيها .. روحي خذيتيها
    يا مايقه بالزين
    لمتيها .. يومٍ ملكتيها
    كل الملا دارين
    داريها .. من سيرة العشاق
    إنتي وأنا اثنين
    يا فيها .. شهد العسل والزين
    مياسة وتدرين
    يا أحلى قصيدي
    من غيرك بعد
    يا حبي الحقيقي
    يا عز الطلب
    في مجرى وريدي
    وبالقلب انكتب
    اسمك أنت سيدي
    وأنت اللي أحب
    ينتشي من يسمع أبيات الغرام
    ما يجر الآااه من قلبه خلي
    عمري اللي به غدا حبك وسام
    حظي اللي قام يومك صرت لي




    4 - ليل التجافي
    كلمات : بدر بن عبدالمحسن .
    الحان : خالد عبدالرحمن .


    آه من ليل التجافي ما أطوله= ليلة العاشق ثوانيها ليال
    من يقول الشمس باكر مقبله= كل شمسٍ مالها وجهك ظلال
    أسألك باللي أخذ منك الوله= حطّه بصدري وأعطاك الجمال
    حاكني لأجل الليالي الأوّله= آاه أنا بموت من ذلّ السؤال
    هو صحيح إنّك حبيبي لي دله= و إستوى عنده فراقي والوصال
    كل جرحٍ غير جرحك بأقبله=كل ظلمٍ غير ظلمك لي عدال



    5 - تذكار
    كلمات : مخاوي الليل .
    الحان : خالد عبدالرحمن .

    تذكار عيشي على التذكار= وإن كان يحصل لك تناسيها
    بفراق تالي انتهت الأخبار= عِشرة حياتي اليوم ماضيها
    لا تحسبي سرّك من الأسرار=اللي على الجنسين تفشيها
    منك الخطايا انتهت بأعذار= وعيونك النكران معميها
    قلبك من أحداث الفشل محتار= تستخسري خطوة مشيتيها
    ما يهتني منهو غريب الدار= مثلك غريبة وسط أهاليها
    وأنا اللي فيني من الجروح كثار=لا أنتي ولا غيرك يداويها
    الله حسيبك كيف قلبك صار= باع المحبة وأشترى فيها
    صرنا على هذي السوايا كبار= قبلك عذارى ما مشوا فيها
    هل هي عطش هل هي تسالي صغار=هذي السوايا من يسوّيها



    6 - يا عذابي
    كلمات : مخاوي الليل .
    الحان : خالد عبدالرحمن

    يا عذابي ..
    كيف أنا بقوى عذابك
    لا صار في بعدك عذاب
    وفي قربك عذاب
    يا شبابي ..
    زينة أيامي شبابك
    لك في حياتي حساب
    ونسيانك حساب
    ما تصدق لو أقول أنك حياتي
    في كل شئ
    سمعي وشوفي أنت
    دمي وإحساسي
    باسم الهوى لازلت
    فكري وهوجاسي
    وتدري علي .. بعدك عذاب
    وفي قربك عذاب
    يا حب ..
    مالي فيك غير الشقى
    يا حب ..
    أخذ من حياتي ما بقى
    عشته بإحساسي ولا به شك
    يبدّل شعوري
    حبك جرى بدمي وذاب





    آمر تدلل
    كلمات : غيوض .
    الحان : خالد عبدالرحمن

    حبي لك أكبر من جميع التواصيف=حبي لك أكبر من كلامٍ يقالِي
    غلاي لك صافي ولا فيه تزييف= أصفى من المي القراح الزلالِي
    الحب ما بين القلوب المواليف= سعادةٍ ما بين غالي وغالي
    إن غبت جابك في حلى نومي الطيف= وإن شفت زولك كل شيءٍ صفا لي
    من غيرك الأيام يا صاحبي صيف= إنت الربيع اللي بنبته زهالي
    دايم وأنا أمشي لك حبيبي على الكيف= آمر تدلل لك عليّ الدلالي



    2 - يامهاجرة
    كلمات : مخاوي الليل .
    الحان : خالد عبدالرحمن

    يا مهاجرة باحساس ..
    أغلى من الروح ..
    ودعتها ذكراك ..
    على أمل لقياك ..
    وعشقتها ديرة يوم وطتها خطاك ..
    وجدي على نظرة ..
    يا مهاجرة بإحساس ..
    أشري بها عمري ..
    وأنسى حديث الناس ..
    ويوم إنك أقفيتي ..
    من في الهوى لايم أقدر أطيع أمره ..
    مني رساله حرف شوقي لها معنى ..
    ودنياي أنا صوره ..
    وجهك ملامحها ..
    ولا زلت أبحكي لك يا مبعده عني ..
    ومناي أنا أحكي لك يا مبعده عني ..
    بشوقي أسولف لك ..
    أدري حياتي همّ تعبت أباصلك ..
    وهمي تراه إنتي ..
    يا مهاجرة بإحساس ..
    يا مهاجرة غبتي ..
    وأخذتيني رقيق إحساس ..
    والروح في وصلك ..
    لا ما تعرف الياس ..
    عشتك معي أيام ..
    يا كل تفكيري ..
    ليله قمرها إنتي ..




    3 - من نشدني
    كلمات : السامر .
    الحان : خالد عبدالرحمن

    ودّي أشبع منك شوف وما حصل لي= كل ما ناظرتني ضاعت علومي
    في عيونك للغلا حبٍ يهلي= ناظر لحبك على خدي وسومي
    طحت في حب العيون السود كلي= ومن عثر في رمش عينك ما يقومي
    خدرةٍ تشرب ظما حسنك رضاً لي= كنها في صحوةٍ من عقب نومي
    إنشرح صدري بشوفك واسفهلّي= خافقٍ ماله على وصلك سلومي
    من نشدني قلت أنا مجروح خلّي= في حياةٍ للخلايق ما تدومِي



    4 - بنساك
    كلمات : شيمة .
    الحان : خالد عبدالرحمن

    بأنساك .. لأني لك
    ألبس ملبس النسيان
    ما أبغاك .. لأني الآن
    أرفض عيشة الحرمان
    ما أبغاك يكفيني تعب
    ما أبغاك لو إنك ذهب
    كانك قدرت تجمع سنيني اللي مضت
    كانك قدرت تسقيها روحي اللي ضمت
    حتى لو إنك قدرت
    لا تطري الرجعة على لسانك أبد
    وما أظن لي قلبٍ بيرقص لك طرب
    ولا عاد لي نفسٍ تناديلك محب
    حبك رماد
    حبك ذرى ذاك المهب
    حبك رميته واتبعه
    حبك طويته وانتهى
    بأودعك على أمل أنساك
    ويا ليتني صدفة أبد ما ألقاك
    بأنساك وأنسى ما مضى
    وبشوف بعيوني الفرح
    بأنسى الندم وجرح الهوى
    علّه يطيب قلب انجرح
    ثغري لقى الضحكة ونيس
    من قلبي علمني الصبر
    حاضر حياتي لك يقيس
    كيف أثر بالغدر





    5 - بادلي قلبي
    كلمات : مجازف .
    الحان : خالد عبدالرحمن

    صدقيني لو أبيّن لك غلاك= ما تصدق اذنك اللي تسمعه
    طال عمري أو قصر محدٍ سواك= يفرح بشوقٍ فؤادي يجمعه
    بادلي قلبي شعوره في هواك=حسّسيه إنك معه يا مطمعه
    ما أعتقد إن فيه بالدنيا ملاك= تشبه لزولك تصور بأجمعه
    حار تفكير المولع في رضاك= مستريح البال لا صرتي معه
    من سبب صدّك معرض للهلاك= ناجي دموعٍ عيوني تدمعه



    6 - خبروه
    كلمات : مخاوي الليل .
    الحان : خالد عبدالرحمن .


    خبروه إني على وصله حييت= و إن تفارقنا ترى موتي دنا
    لي حبيب يوم روّح ما سليت= يعلم الله تو ما ذقت العنا
    عبرتي هليتها حزن وبكيت= يا ردى عمر الحسوفه ما جنا
    ذقت من دنيا حبيبي وما إرتويت=جنة الدنيا حبيبي والمنا
    عشت بأحلام الهوى ليل وبنيت= كل أمالي تداركها الفنا
    في حياتي ما ذكرت إني شكيت= في هوانا ضحكت الدنيا لنا
    لا حياة ً عقب محبوبي رأيت= والممات أرحم ولا فرقا السنا
    هو سنا شمسي وغيره ماهقيت= يفرح بوصلي ولو موته دنا




    7 - علمتني حبك
    كلمات : مخاوي الليل .
    الحان : خالد عبدالرحمن .


    وشلون ما أغليك ..
    وإنت الذي علمتني حبك ..
    يا هاجسي ..
    عشقي عيونك ..
    إسأل ..
    وتلقى الجواب ..
    في ناظر عيوني ..
    تصوير لأجمل عذاب ..
    حبك يا مفتوني ..
    تلقى حياتي كلها لذة غرام ..
    مهما سهر طرفي ..
    أو جارت ظروفي ..
    أو عشت أنا الحرمان ..
    تلقى حياتي كلها لذة غرام ..
    يا عذب الصفات ..
    يا كل الحياة ..
    صبرك علي ..
    هذا قليل ..
    مهما ترى من تضحيات ..
    هذا قليل ..
    خل السهر لعيون من حبك ..
    خل العيون اللي لها عشقي تبات


    (( صفحة جديدة ))
    ويتألف من ثمانية أعمال

    1 - الصد
    كلمات : أثيل .
    الحان : خالد عبدالرحمن

    والله لأجازي راعي الصد بالصد= وأصد عنه وكنه ماهو بموجود
    أول معه أمشي إلى أبعد الحد=وأعطيه وفا وإخلاص ماهو بمحدود
    لكن لقيته ما يبادلني الود=يجزي العطا مني بنكران وجحود
    بابٍ انفتح بهموم واليوم ينرد= ما في بقايا الأمس يا وقت لي زود
    وقفت في وجه الهوى وقفة الند=أبقى وعز النفس ماهو بمفقود
    طويت حلمٍ فات في راحة اليد= ترك دربٍ كان مفروش بورود
    درسٍ وعاه القلب من صفعة الخد=الغدر ماهو بس بأيامنا السود



    2 - من الفرحة
    كلمات : مجازف .
    الحان : خالد عبدالرحمن

    من الفرحة نسيت إني عليك البارحة زعلان= نسيت أقول لو تسمح تكرّم لا تكلمني
    أهلّي بك مثل ما انت تهلّي بي وأنا الشفقان= أحسب إني أنا الغلطان وفرصتك ما تعلمني
    ذكرت انك عليّ أخطيت ولكن نعمة النسيان= تنسّيني خطى الغالي وترجع له تسلمني
    حبيبي ما تمكّن داخل فؤادي ولا انسان= ألومك يومك انت أخطيت وإذا أخطيت أنا لمني
    حبيبي لو يطول الوقت أو يقصر أبد خلان= تراك انت الوحيد اللي يشتتني ويلملمني
    حبيبي دايمٍ قلبي معك مشتاق لك ولهان= غيابك عن عيوني يطول بهالمدة يألّمني



    3 - حالمة
    كلمات : فهد السياري .
    الحان : مساعد العيسى .


    حالمة وابعاد تفكيرك خيال=في هجير الشمس ما تلقين في
    يوم عشتي من حناني في دلال=تحسبين انك ملكتي كل حي
    لو تندمتي وناديتي تعال= ماتغير صرخة احساسك علي
    كيف وانتي للكبر صرتي مثال=وانطويتي بدنيتي احلام طي
    غرك احساسك وتحقيق المحال=لا بغيتي شي خذتي كل شي
    الغرور يحطك جسور الوصال=يعمي عيونك ترى عن كل ضي
    الغلا له حد يا بنت الحلال=خففي من كبرك الزايد شوي



    4 - ياغايب عني
    كلمات : ماجد بن عجب .
    الحان : خالد عبدالرحمن

    ياغايب عني ترى للبطا لوم=لاشافتك عيني ولا جبت طاري
    بسأل كثير الصبر يمكن تجي يوم=تلفي تنشد وانت بالحال داري
    لك هاجس الذكرى سرق عني النوم=ماودعه فكري ولا عنه ساري
    يسكن خيالي عشق ما يرتحل دوم=موقد براد الروح من شوق ناري
    وقفة خطاوي ملها درب محروم=متى أشوفك والفرح لا مواري
    قضت سنين العمر بالود مهموم=واحمل خفوقي سر وأحكي وأداري
    باصلك كلي من كسر بالجفا زوم=واعلن عليك الشوق بالحب أماري
    واسعد معاك ولا بقا للعتب لوم=وان شافتك عيني فلا جبت طاري



    5 - بينك وبيني
    كلمات : عبدالله عبيد البقمي .
    الحان : خالد عبدارحمن

    بلا ميعاد يا ظاميه افراق=إنتي السبب في اللي حصل صدقيني
    هذا موادع بين شوقٍ ومشتاق= تقوى الهجر لا صرت لا ما تبيني
    من دلعك تسلين بآهات عشّاق= وين انت في وقتٍ مضى ترتجيني
    في ضحكتي آلام وأحزان وأشواق= مأساة حبي قولتي صارحيني
    الله أقوى للندم صرت مِنساق=وش فايدة دقات قلبي تجيني
    فكري وروحي لأجل حبك به احراق= ماتت حروف الحب قومي ادفنيني
    خذ ما تبي وأخذ الصور وأخذ الأوراق= واترك بقايا جروح بينك وبيني
    بنساك أنا ولو بكيت من الأعماق= بس الزمن يصرخ يقول اذكريني





    6 - صفحة جديدة
    كلمات : بندر الرشود .
    الحان : خالد عبدالرحمن

    إفتحي صفحة جديدة يا ملاك= وانسي اللي فات نبدأ من جديد
    دام قلبي يحترق ما قد نساك= والمشاعر في هوى حبك تزيد
    ما كفاك إني على درب الهلاك= أنزف الدمعة كما نزف الوريد
    من عذابي بس أفكر في رضاك= وإنتي إحساسك عن إحساسي بعيد
    وافيٍ صادق معك أطلب عطاك= وش بغيتي حب ثاني ما يفيد




    7 - حبيب الأمس
    كلمات : محمد العجمي .
    الحان : خالد عبدالرحمن .


    كتبت الحرف لأجل أنسى هموم البارحة واليوم= لقيت الهمّ في حرفي تربّع يوم خطّيته
    يقولون الملا ظالم وأنا بلسانهم مظلوم= وأنا المشتاق والموعد على بالي تناسيته
    رسمت أحلى معاناتي وراحاتي سما وغيوم= وليلٍ طالت دروبه ولكني تحدّيته
    وقلبٍ ما شكى الفرقا وعينٍ تشتكي للنوم= إذا كان العمر جيّه عز الله ما جيته
    مشاويره وهرج الليل وباقي من خفايا علوم= كثير أسباب خلتني غريب الحب في بيته
    حبيب الأمس اذكرني أنا بفكرك بقايا حلوم= نسيت تذكرر ليالينا وطير الشوق هدّيته
    أحبك يا شقا باكر أحبك يا فرح هاليوم= كتبت الحرف لأجل أنساه ومدري كيف خطّيته



    8 - شدوا
    كلمات : مخاوي الليل .
    الحان : خالد عبدالرحمن

    شدوا ويمتهم جنوبٍ عن الديره=وأقفوا وأنا قلبي من الهمّ مرضاني
    أقفت مراكبهم ألا يالله الخيره= وعيني تفيض الدمع بفراق خلاني
    واليوم طاح الحظ على الله تدبيره=قم لا عدمتك حظ يكفيني ماجاني
    قلبي فقد ربعه فقدهم مساييره=ما عاد عيني تشوف خلانها ثاني
    ياليت لي قلبٍ سطي على الشيره= ودي أطيع الشور والقلب يعصاني
    هذا حبيبي ضي قلبي وتنويره= سعدي إلى شفته وإلى أقبلت حياني
    يالله ترده لي وأنا أقبل معاذيره= يالله ترده لي على كيد عدواني
    عجزت أبلقى من يعوضني بغيره = يفداه كل الخلق قاصيه والداني




    (( عقد وسوار ))
    ويحتوي على ثمانية أعمال .



    1 - عقد وسوار
    كلمات : بدر بن عبدالمحسن .
    الحان : محمد شفيق


    لا شاريٍ عقد ولا مهدي سوار= لا تلحقي نفسك هموم وحسايف
    تريّثي يا قرة العين مقدار= ما تشرب عروق القصيد الوصايف
    لامن قدحت الشعر شبّيت لك نار= نارٍ على رووس الهضاب النوايف
    يطرب لها الساري ويسري بها الطار= تزهر بها عقب المحول الشفايف
    قصيدةٍ تولد ورا باب وجدار= سر الضلوع المرهفات النحايف
    بهديك أنا عمرٍ ولا كل الأعمار= يفنى القلم قبله وتفنى الصحايف
    غيبي وشيبي واتركي كل ما صار= يبقى جمالك في قصيدي طرايف
    خل الكواكب من سنا نورك تغار= ولا تلحقي نفسك هموم وحسايف




    2 - حبيبتي
    كلمات : طلال الرشيد .
    الحان : خالد عبدالرحمن

    الله يرحم طلال عبدالعزيز


    حبيبتي لامن غديتي لي سراجٍ أتبعه= كني غديت من الظما أركض ويطردني السراب
    لا تبخلين إذا شربتك ما شربتك من سعه= دامي من جروح الهموم الموجعه كلي صواب
    اليوم مرّتني السواني والفصول الأربعه= اليوم مرّتني المواني والمباني والسحاب
    يا بنت في خدك وهج سيل الشموس الساطعه=أحرق بداخل داخلي انسان ماهو للتراب
    اليوم ما كني لقيتك مر صوتك ما أسمعه= اليوم ما كني فقدتك في سؤالين وجواب
    واللي خلق ظلم الليالي في العيون الهاجعه= إني من الحرمان أتسائل وحرماني جواب
    يوم الوداع تخيلي ما لي حبيب أوادعه= محروم أنا وتخيلي محروم حتى من العذاب
    يا بنت لي قصة تطول بكلمتين موجعه= هي باختصار إني أنا أركض ويطردني السراب




    3 - لوعتي
    كلمات : مخاوي الليل .
    الحان : خالد عبدالرحمن

    لوعتي فيك لوعه ما لها من مثيل= جدّد الوقت جرحي بين يومٍ وليله
    آه يا حظي جد لي لو بشيءٍ قليل= ما خبرتك كريمٍ مير ما فيك حيله
    حملي اللي أشيله فوق متني ثقيل= كل ما جيت أحطه عارضتني جميله
    ليتها عن هوانا تنتحي للبديل= كود حالك حبيبي يمّي يطلق سبيله
    من غلاك أفتخر بك وأعمل المستحيل= لو أعاني حياتي خلّ يعشق خليله
    ما عرفت المذلة لا ولا أنت ذليل= عزة النفس فينا يا حبيبي حصيله
    سالت دموع عينك وأنا دمعي يسيل= حزني اللي ملكني والليالي طويله
    وقتي اللي طلبته مَنّ وأثره بخيل= شحّ وقتي ودبر ما عطاني قليله




    4 - زليت
    كلمات : محمد الخضيري .
    الحان : سمير مبروك .

    زليت و إبن آدم معرض للخطا .. زليت
    زليت وبحالة غضب جرحي سطا .. زليت
    أستسمحك و أقرأ بعيونك لي عتب
    وش في يدي أعطيك عن هذا الغضب
    ليه العجب ؟
    أنا بشر أخطي .. وسبحان اللي كامل بالعطا
    زليت
    قبل الوداع ..
    وآخر وداع ..
    إسمع كلامي وافهمه
    قبل الوداع ..
    وآخر وداع ..
    راجع سطور الناس بعمر الزمن
    من فينا ما داس الخطا ..
    من فينا ؟؟
    من فينا كامل بالعطا ..
    من فينا ؟؟
    أنا بشر أخطي ..
    وسبحان اللي كامل بالعطا
    زليت
    إصبر علي ..
    وإدمح خطاي
    إصبر علي ..
    وإن ما قوى صبرك رضاي
    أنا بهواي مجروح من يصبر علي
    هجرك ألم ..
    أقولها وأقسم قسم
    متى الظفر ..
    يطلع يا عمري من اللحم
    أنا بشر أخطي ..
    وسبحان اللي كامل بالعطا
    زليت



    5 - لوعة المغرم
    كلمات : أحمد الناصر الشايع .
    الحان : خالد عبدالرحمن .


    أعالج لوعة المغرم وتكبر لهفة المشتاق=بحسن رضاي أسوق خطاي أقدّم رجلي وأفهقها
    أهوجس من طلوع الشمس والى مغيبات الأشفاق= ولا أدري في ظلام الليل رجلي وش يوافقها
    أباصبر وأتصبّر ما نظن الصبر ما ينطاق= لقيت الصبر مرّ ولو ينوش الكبد يحرقها
    ألا يا كاملين المعرفة سلك الغرام دقاق= إلا صاب القلوب الله يعافينا يخرّقها
    أنا لي صاحبٍ خدّه ورى الشيله كما البرّاق= بعرض المزنة اللي مثل شمس الظهر بارقها
    خلقها الله وزيّن خلقها وأخلاقها الخلاّق= قليلٍ جنسها في جيلها سبحان خالقها
    لها عينٍ إليا لدّت بها تذبح بها العشّاق= بها وصفٍ من عنق المها هو طول عاتقها
    إلا ما شفتها ضاقت بي الدنيا وصدري ضاق= وأنا لو الهوى لي كان عيني ما تفارقها
    أحب مشاهد الغالي عسى ما هو بحب افراق= ولو راحت معه في مغرب الدنيا ومشرقها
    إلا جا الليل ما شفته تزيد بصدري الدقاق= معه روحي بسلك العنكبوت الله معلقها
    إلا عرّض علي ياقف مثل وقفة كسير الساق= وساعات الوداع أسرع من الكدلك دقايقها
    أن وياه جدّدنا القسم والعهد والميثاق= ولكن قدرة الله سابقه محدٍ يسابقها
    تعاطينا العهد في واحدٍ من عاهده ما باق= مادام إن الثقة بالنفس يلزمنا نوثّقها
    أنا أعرفنا سمه تنقاد بالدنيا ولا تنساق= ولو تعطيك عهد الله وأمانة لا تصدقها
    تشوف أزوالهم مثل العرب مارالله الرزّاق= متى ما هب نسناس الهوى يظهر حقايقها



    6 - يطول الهجر
    كلمات : مجازف .
    الحان : خالد عبدالرحمن .


    على يدينك إذا تسمح تكرّم بدّل أوضاعي= إذا لي خاطرٍ عندك تصرّف لا تخليني
    لغيرك مستحيل أشكي وأبين له عن أوجاعي= أنا ما أبغى بهالدنيا سواك أحدٍ يواسيني
    أنا المحتار يوم إنه دعا قلبي لك الداعي= دواعي الشوق يالغالي تبعدني وتدنيني
    معاناتي علي تفرض أقول القلب ملتاعِي= أجامل والمجامل بالنهايه لك يوديني
    تمنيتك تساعدني أفل في بحرك شراعي= توقعت إن يدينك بالحقيقة تسبق ايديني
    على يدينك ترى للصبر وسط الجوف مرباعي= أشوف الهجر ولاّ الوصل يالغالي يداويني
    يطول الهجر أو يقصر تزايد فيك أطماعي= مودّتنا على قلبي عزيزة لا تعنّيني



    7 - عشق بدوي
    كلمات : سعد الخريجي .
    الحان : صالح الشهري

    نويت مرباع الغظي سيد الأحباب= قصدي يزول الجرح زاد إلتهابه
    جيت وبقايا نارهم حول الأطناب= بيت الشعر مطوي وباقي زهابه
    أقفت ركايبهم ومني الهدب ذاب= من دمعي يسأل وانذهل بالإجابة
    على غزير الدمع ضميت الأهداب=صديت لين الدمع يكفي سحابه
    بعض الوجع يمكن يداويه الأعشاب= وبعض الوجع يا ويل منهو سطا به
    عشق بدوي لا حب ما هو بكذاب=يوفي ولو جرحه تجدّد صوابه
    واليوم وصلت بيننا مثل الأجناب= ذاك الغلا يا ضيعته يا سفابه
    باكر إذا جينا لهم مثل الأغراب= من عقب ما كنا الأهل والقرابه
    الأمر لله كل شيء له أسباب= وإلا الهوى وش لي على هج بابه
    وشلون قلبي ما يجي اليوم منصاب= على الرجم منقوش بعض الكتابه
    حتى أثر مشيه مع سهول وهضاب= مرٍّ يبين ومرٍّ ما يندرابه
    قلبي من الفرقا صويب ومرتاب= كنه غدا نصفين من هول ما به
    حزني عليه إنه تسبب ولا طاب= نظرة طبيبه عجّلت في ذهابه
    ريح الخزامى والنفل زين الأطياب= يشدّني ريح السّمر في ثيابه
    لأقبل نسيم الليل له خيل وركاب= وله في طلوع الشمس عز ومهابه




    8 - أحبك الماء
    كلمات : السامر .
    الحان : صالح الشهري
    أحبك الماء لروحي يوم يظميها=أعظم سؤال يواجهني من أيامي
    وش صالحك من جروحي يوم تدميها= يا منتهى الحب كله منتهى أحلامي
    غيرك كثير الملا عندي ولا أبيها= ما أشوف غير أنت بين الناس قدامي
    محبتي كيف ما تدرك معانيها= يا نشوة الحب حبك مصدر إلهامي
    ما يسعد العين غير عيون غاليها= أحلف لك إني لشوفك دايمٍ ظامي
    هايم مطاف العيون الشوق يحييها= شوفك علشان حبك والغلا سامي





    (( فرحة لقانا ))
    ويحتوي على ثمانية أعمال .

    1 - فرحة لقانا
    كلمات : السامر .
    الحان : خالد عبدالرحمن .

    لا تستحي قل أحبك تعبت أسماعي= أرجوك لا تستحي يا صاحبي قلها
    أطلق احجاجك وخله يرسل الداعي= فرحة لقانا ترى ما أبيك تقتلها
    ضاح بجبينك لعيني نور واشعاعي= وعيوني لشوفتك مع خافقي ولها
    خذ جرحك العام بي من هاجس أوجاعي= وإلا يا بو ضحكةٍ بيديك كمّلها
    وإن قالوا الناس عمري بالهوى ضاعي= بانت لك أسراري قبل اليوم تجهلها
    يا صاحبي هاجسي بك دايمٍ واعي= فيك أنت نفسي تجادلني وأجادلها
    مرٍّ تكون الرعية والهوى راعي= ومرٍّ أكون الرعية وأنت كافلها
    أفرح بطيفك يجيبك وأرفع شراعي= والنفس بوعودك اللي كذب عللها



    2 - يالله النسيان
    كلمات : مخاوي الليل .
    الحان : خالد عبدالرحمن .


    وش تبين
    بخفايا روح مجروح الزمن
    وش تبين
    ما بقى للحب ما يسوى الثمن
    من ضحايا العشق
    عشنا والجديد جروح
    لا ونس في خاطر اللي
    ذاب عمره جروح
    اتركيه اللي
    خفا بنفسي ومات
    لي جسد يا بنت
    فارقت الحياة
    لا تسأليني
    شيء راح وكان
    عاصره إنسان
    والنتيجة مرّة
    عشتها بكتمان
    يالله النسيان



    3 - لك عين تسأل
    كلمات : الحر .
    الحان : خالد عبدالرحمن .


    لك عين تسأل ..
    بعد ما جرّحت فيني بالكلام
    لك عين تسأل ..
    بعد ما بيني وبينك بالخصام
    تنتظر مني الرضا
    وتتجاهل ما مضى
    ما كنّ في قلبي
    واستوى جمر الغضا
    آسف ..
    لا تحاول مني إني أنتظر
    آسف ..
    وكلمة آسف ما تكفّي لك عذر
    تنتظر مني أرد
    بعدما صار اللي صار
    وأنا مالي إلا أرد
    كلمةٍ لك باختصار
    كنت أحبك ..
    في غرورك في عنادك
    كنت أحبك ..


    4 - الطرف الحنون
    كلمات : مخاوي الليل .
    الحان : خالد عبدالرحمن .


    جازت النظرة من الطرف الحنون= جاز لي باقي حلاك وحشمتك
    يوم كلٍّ بالنظر عينه تخون= شفت فيك اللي عصمها نظرتك
    يا غريبٍ عن عيوني من تكون= أنت كل الزين كمّل صورتك
    منك أنا برسم على حرفي فنون= والفنون أشكال وفنك قبلتك
    العقل ما باح لي فعل الجنون= وأدري أنه ما تعوّض صحبتك
    جاز لي وصفك وأنا اللي ما أمون=بس تقبّل ما كتبته فدوتك



    5 - ظن
    كلمات : مخاوي الليل .
    الحان : خالد عبدالرحمن .


    ظن ..
    كفى سوء ظن
    واستشعره مني رضاك
    لن أدينك ولن
    أرتمي أطلب صفاك
    أسألك عدلاً
    برأيٍ محتسن
    تعتقد أن لك في مهجتي الشيء القليل
    وإنني أهدف إلى حب التملك كالبخيل
    أسأت بي فهماً ..
    أسأت بي عفواً ..
    كفاك سوء ظن
    لا يدان المرء بشيءٍ ليس به
    ولا خلق بالناس معصوم الزلل
    لم التخاطب بلغة الاعتقاد
    كفاك يا جارح
    ألا لا تؤتمن
    يا للعجب ..
    أفي الصراحة صدق المشاعر تغتصب
    يا للعجب ..
    كيف يبدو الحسن ظالم
    ما الخطب ..
    أجاهدك صبراً
    بسرٍ لا علن




    6 - سيد الحب
    كلمات : مخاوي الليل .
    الحان : خالد عبدالرحمن

    أحسن بك النية وتفتح علي أبواب= باب النكد يا عجل ما تفتح أبوابه
    إن جيت أبيّن لك على رغبتي بأسباب=أخطيت في تقدير ظني مع أسبابه
    خليتني أخشاك ما كننا أحباب= متعوس قلبٍ ما توفّق مع أحبابه
    واليا بغيت أطلب حسبت ألف وألف حساب= يرضيك من حبّك معك يسقط حسابه
    إن قلت لك مرتاح والله أنا كذاب= وإن كان روحي سرّها البعد كذابه
    الشوق يدني ربع من طوّلوا غياب= والشوق يذبح لي تباطوا غيابه


    7 - توني دريت
    كلمات : مخاوي الليل .
    الحان : خالد عبدالرحمن


    توني دريت ..
    إن حبك غلطتي
    توني دريت ..
    بالصمت حارت كلمتي
    وما حكيت ..
    ما قويت انطق حروف
    صابني عجز الكلام
    ولا حكيت ..
    ما قويت انطق حروف
    صابني عجز الكلام
    ولا شكيت ..
    توني دريت إن حبك غلطتي
    يطيب لك تجريح قلبي الوافي
    لا تحمليني هم
    منك كذا كافي
    ظميتك وانتي الماطر
    بكيتك ماضي وحاضر
    لقيتك في حياتي خوف
    سطا بقلبي وعلّ الروح
    وبان بطرفي الساهر
    خدعني فيك قصر الشوف
    لك بجوفي المحبة من سنين
    ومنك خوفي
    خوفي إنك تجرحين
    هاذي النهاية بعد جرحي
    وش تبين ..


    8 - عيون الحب
    كلمات : طلال الرشيد .
    الحان : خالد عبدالرحمن .

    الله يرحم طلال الرشيد

    عيون الحب لا يمكن تناظر=عيوب الخل لو هو عيب كله
    تماري فيه وبوصفه تكابر= ترى من فوق خلق الله محله
    رفيق الليل بالشباك ناطر= وأثاري الليل شباك لخلّه
    حفظ أحلى الكلام وصار شاعر= بصبرٍ ينتظر والصبر ملّه
    حبيبٍ عشت في دنياه عابر= حسب قوله ويا شاريٍ قل له
    أنا ضحيت له وارجي وصابر= وإذا عيّا أقول الله يحلّه
    أنا اللي أنتظر يا بعد باكر= يبي السلوان والذكرى تظله
    عيون الحب في قلبي تناظر= تشوف اللي عيوني ما تدلّه








    (( على النوى ))
    ويحتوي على ثمانية أعمال .

    1 - على النوى
    كلمات : بدر بن عبدالمحسن .
    الحان : خالد عبدالرحمن .


    على النوى علمي بهم هجعة الليل= نجل العيون من البكاء كحلها سال
    واليوم غير الياس وقل المراسيل= يا من يطمني عسى ليلهم طال
    الله على اللي ما صفت لي غرابيل= لاشك شرع الحب همٍّ وغربال
    قفّا ولي في حجر عينه تعاليل= تقول ياذا البعد نجزيك بوصال
    وتعلّقت روح الليالي المقابيل= يا عنك ما يامن من الوقت رجّال
    لا ما علي لو دمع عيني هماليل=الموت دمع القلب لا صار همّال



    2 - لعيونك
    كلمات : مخاوي الليل .
    الحان : خالد عبدالرحمن

    حدّي نظر ..
    ما بغيت أكثر .. حدّي نظر
    الله أمر ..
    لعيونك أسهر .. الله أمر
    واجهت عيني ملاك
    الحسن في حيره
    وانعقد حرفي وخان
    الوصف تعبيره
    قسمتي بك ياقمر
    حدّي نظر ..
    ردّ لي عمري
    منّك بنظرة
    دام أنا حي ..
    غايتي شوفك
    بس لو مرة
    ما بقى شي ..
    لي بالعمر ليلٍ أخاويه
    وآنسى بك الذكرى

    3 - الله لنا
    كلمات : الحيران .
    الحان : خالد عبدالرحمن .


    الله لنا ياللي نسى وصل الأحباب= تنسى وحنا للغلا ما نسينا
    بدّلت ذاك الحب في هجر وغياب= من علّمك تنسى وتقسى علينا
    كنا سوى يوم الهوى بيننا طاب= والحب كان بصدق موجود فينا
    لا نسمع العاذل ولا نعرف عتاب= وأحلى الليالي كلها لالتقينا
    واليوم صرنا نلتقي مثل الأغراب= من عقب ما كانت تعانق ايدينا
    للكل منا طبع والطبع غلاب= نسيت ماضينا وحنا وفينا



    4 - غلطة زماني
    كلمات : شمس .
    الحان : خالد عبدالرحمن

    هذا مكاني وانت هذا مكانك= والحيره اللي تجمع اثنين علّه
    غلطة زماني وانت غلطة زمانك= مثلي تحمّل ما تحملت شلّه
    صبرك حبيبي جاير الوقت هانك= من لا تزهّل لك تجنّب وخلّه
    من لا يهمه عزّك وعزّ شانك= قل له على وعد السلاطين قل له
    وإن كان ظنك فيه كذاب وخانك= ما ضرّنا في أول العمر زلّه
    البعض أقرب لك من أول بنانك= كم من يمينٍ خانها الكف كلّه

    5 - عظيم الشوق
    كلمات : السامر .
    الحان : خالد عبدالرحمن .

    تعطيني الود ولا تاخذه مني= يبلّغك قلبي المقفي تحياته
    اليوم يا صاحبي ردّ الخبر عني= ما يرخص الغالي إلا كثر غلطاته
    جارت عليّ الليالي وأخلفت ظني= والحب ما عوّض الرجّال ما فاته
    أدعي شفوفٍ تجيب أرضاك ماجني= شاحت على الغالي اللي شفت زلاته
    حمامة الحب فوق النايفه غني= في وادٍ تطرب الأسماع جرّاته
    قصايدي يوم مات الحب ينعني= في مقبل الوقت يالغالي سلاماته
    ياللي برمح الغلا تسطي وتطعني= وأنا معك خافقي محبوس غاياته


    6 - شيروا
    كلمات : محمد الناصر .
    الحان : سلامة العبدالله

    شيرو على المحبوب زين الشبابي= خلوه للي عذّبه يلتفت له
    وإن كان عيّا لا يرد الجوابي= قولوا علشان المحبة صفت له
    كان إنت ناوي يا حبيبي ذهابي= اللي يحبك كيف تنوي بقتله
    تراي مبطي صابرٍ للعذابي= لكن عذاب الحب ما ينسكت له
    الصاحب اللي قلت أحبه سطابي= لاحدٍ يلوم عيوني اللي بكت له
    يا ويل قلبي من طويل الغيابي= بيني وبين المدة اللي مضت له

    7 - الحظ
    كلمات : مخاوي الليل .
    الحان : خالد عبدالرحمن

    الوقت ما له يا ريش العين منّه= الحظ جابك والله اللي رفعني
    أشوف هالدنيا لي اليوم جنّه= كل الغلا شفته بعينك وضعني
    حسّاد حبك هاب ثم خاب ظنّه= حتى الشديد من القوي ما منعني
    هنّ الخفوق بصادق الشوق هنّه= اللي معك ما مرةٍ قد قطعني
    وإن قلت قلبي زاد بالعشق فنّه= أهيم صدق هيام قلبي دفعني
    وإليا خفق قلبي مع الخفق ونّه= إن ساقني وإلا ترى ما ردعني

    8 - عهدٍ علي
    كلمات : عبدالله الرشود .
    الحان : مشعل باخت .

    ماني بميت لا نسيتي غرامي= ببكي عليه أيام لحد ما أنساه
    عهدٍ علي إني لأتمم كلامي= وأرد قلبي عن طواريه وألنهاه
    لو الثمن عمري ولذة منامي= ما أرجع لحبٍ غير الوقت مبداه
    حبٍّ بدا ثم انتهى في ظلامي= ما عانقه نور النهار وتبشاه
    لو إني تحت غيمة حنانه وظامي= كسير ذابحني العطش ما أترجاه
    لأزحف ولو ما شال جسمي عظامي= عن موقفه وأدفن عن الريق مجراه
    ما عاد له بين النواظر مقامي= خفّ اشتياقي داعي الوقت صحّاه
    هاذي الحقيقة لا نسيتي غرامي= ماني بميت ببكي أيام وأنساه






    (( قلبك كبير ))
    ويحتوي على عشرة أعمال .

    1 - لا تستر الليل
    كلمات : بندر الرشود .
    الحان : خالد عبدالرحمن .


    لا تستر الليل والقمرة على السهران= خل السهارى تموت شوي وتحيا بك
    ليلٍ طويل يداعب طرفك النعسان= معذور ذاك الحرير اللي تلوّى بك
    جمرك رماده عسل يا سيد الخلان= من عشت في روضتك وأنا أتغنى بك
    عطيتني الورد يا المحبوب والريحان= وصرت لي سيّدٍ أقرأ من كتابك
    علمتني الحب وكيف ألعب في هالميدان= علمتني كيف أشوف الصبح لا جابك
    الأرض يا صاحبي والسقف والجدران= استانست لك وكل البيت هلاّ بك
    خلّك هنيّا ترى حنا غدينا أخوان= اللي تبي ياصلك وأنت على بابك
    مضيّفك لين شافك همّل الضيفان= والله ما لي حياةٍ زينه إلا بك




    2 - بدرٍ طلع
    كلمات : مناور الدوسري .
    الحان : خالد عبدالرحمن .


    بدرٍ طلع من مغيبه نوّر الديره=نوّر ديارٍ تضيعني غداريها
    أسير فيها وأضيع مشية السيره=سود الليالي تضيع رجل ماشيها
    شلت القلم باكتب من القلب تعبيره=باكتب عن النفس واللي خافي فيها
    لو إن قلبي نبيه ويسمع الشيره=ما أقول ليله خلّ حاضرها وماضيها
    لكن قلبي عصى وأصبحت في حيره=في حيرة القلب والنفس ومناويها
    يطرد ورى اللي تنحّت به محاذيره=له مدةٍ صابر برجعتها يرجيها
    منّه عذلته وعيّا ما يبي غيره=يستبشر برجعته ساعة ويبغيها
    يرجي كريمٍ تعيش الخلق من خيره=ربٍّ خلق نفس مخلوقه ومعطيها




    3 - ياروح روحي
    كلمات : ناصر الناصر الشايع .
    الحان : خالد عبدالرحمن

    ألا يا روح روحي ترى الفرقه صعيبه= عقب فرقاك من لي .. ألا ياروح روحي
    ما غير أسهر وأنوحي عليّ بعدك مصيبه= متى نورك يهلي .. ماغير اسهر ونوحي
    يزيدنّ الجروحي عقب طول المغيبه= يا أبو رمش مظلّي .. يزيدن الجروحي
    من الوقت الشحوحي ودنياي الغريبه= وصالك ما حصل لي .. من الوقت الشحوحي
    معه قلبي نصوحي وغيره وشاري به=بها أرحب وأهلّي .. معه قلبي نصوحي
    بسرّه ما يبوحي به أوصافٍ عجيبه=ولا عقبه تسلّي .. بسره ما يبوحي
    لو إن الغالي يوحي دوا القلب وطيبه=على لي في محلي .. او ان الغالي يوحي




    4 - تعالي
    كلمات : رشيد الدهام .
    الحان : خالد عبدالرحمن


    تعالي نسكت أحسن من كلامٍ تاليته جروح=هلا بالصمت دام الصمت ما يجرح مشاعرنا
    أنا وانتي وطول الصمت والدمعة وكثر البوح=وليلٍ ما بقى به حيل ينهانا ويامرنا
    بكى ما كنه اللي كان يغرينا فرح ومزوح=سكت ما كنه اللي كان ملهمنا وشاعرنا
    توحّي تسمعين الليل ما أدري وش بلاه ينوح=على ضحكاتنا والا على كسرة خواطرنا
    إذا يبكي من الفرحة علينا علّميه يروح=وإذا يبكي حزن تكفين قولي له يسامرنا
    ويجبر خاطرٍ قامت هواجيسه تجي وتروح=يشوف الحال ويكفّ السؤال اللي محيّرنا
    صحيح إنا صبرنا واعتبرنا صبرنا مصلوح=ولكن ما بقى شيٍ عقب هذا يصبّرنا
    دخيل العاتق اللي له ورى ليل الجديلة ضوح=وفي جاه الشفاه اللي بنسمتها تعطّرنا
    وفي وجه العيون اللي بقى للدمع فيها روح=لأجل خاطر ليالينا وماضينا وحاضرنا




    5 - وش تنتظر
    كلمات : محمد الناصر الشايع .
    الحان : خالد عبدالرحمن .


    وش تنتظر يا محرق القلب بالنار=ما تستلم روحي وتقضي عليها
    أنا رمتني في محبتك الأقدار=والروح سو اللي تبي اليوم فيها
    ما عاد فيها فايدة صار ما صار=اللي تبيه العين قلبي يبيها
    لو أعتذر ما به مجالٍ للأعذار=ليت السلامة تنشري واشتريها
    وأنا أتعذب طول هالوقت وأحتار=مع من خذتني لعبةٍ في يديها
    تلعب على ما تشتهي بي وتختار=وأنا الهوا ما ودي إنه يجيها
    يجرح مشاعرها وأنا أخاف وأغار=حتى من الريح الخفيّة عليه



    6 - قلبك كبير
    كلمات : مخاوي الليل .
    الحان : خالد عبدالرحمن .


    كان الخطا .. كله خطاي
    أنا أعترف لك .. وأطلب رضاك
    قلبك كبير .. كبير
    وأنا خطاي كبير
    حتى قرارك ضدي
    أثّر علي كثير
    نطلب رضاكم
    ذا من غلاكم
    قلبك كبير .. كبير
    وأنا خطاي كبير
    حتى قرارك ضدي
    أثّر علي كثير
    لولا هواكم
    ما كنا معاكم





    7 - الود
    كلمات : حسين القحطاني .
    الحان : خالد عبدالرحمن .


    الود ما يعطى جميع المخاليق=الود يعطى في المخاليق واحد
    الود يعطى حافظين المواثيق=واللي يخون الود ذا الوقت واجد
    يا كثر ناسٍ ودّها بالتوافيق=ويا كثر ناسٍ عشقها عند جاحد
    اللي مودتهم مودّة تلافيق=تسهر ومن له تسهر العين راقد
    الورد ما يهدى لكل المخاليق=الورد يهدى في المخاليق واحد




    8 - ياعطاشا
    كلمات : محمد العثيم .
    الحان : حمد الطيار .


    يا عطاشا عطاشا والموارد بعيده=والثريا حداها ياسهيل يم المغيب
    وإليا غابت من يرجي قلبي أنه تعيده= قلبي اللي تولع ردى حظ ونصيب
    ويل قلبي تراها في هواها تبيده=اتركتني وقلبي في الهوى مستصيب
    طال مشوار حبك والليالي عنيده=جف غصن المحبة عقب ماهو رطيب
    يا عطاشا عطشكم في صخورٍ جليده= مالها ماطرٍ هامي ولا به سريب
    جف فيها عليّا الحب وقطّع وريده=يا عطاشا حذاري من بعيدٍ قريب
    من رمى سهم حبك في عيونٍ صديده=يقضي باقي حياته بالمحبة غريب
    من طلع عاليٍ يلقى رياضٍ مديده=ومن وطى في مطا منها فأمره مريب




    9 - آخر أخبارك
    كلمات : عبدالرحمن الناصر (( مجازف )) .
    الحان : خالد عبدالرحمن .


    من حقي أسأل عن أول وآخر أخبارك=ومن حقك انك تنشدني عن أخباري
    ما يتعب اللي يودك طول مشوارك=يفداك قلبٍ ملكه الطيب لك ساري
    لولا الغلا وش يصبرني على نارك=هجرت قلبي وقلبي للوصل ظاري
    ما غيرك أحدٍ بهالدنيا سكن دارك=دارك عزيزة على نفسي مثل داري
    محال قلبٍ يحب ويسكن اقطارك=يرحل وأنا شايفٍ للعين مقداري
    مقبول ما وصلني قبل اسمع أعذارك=يا غاية اللي بعشقك دايم يماري
    ما ودي إنك حبيبي تشتت أفكارك=الحال وحده وأنا بالروح لك شاري
    ماهو تطفّل ولكن كبر مقدارك=خلاّني أسألك يا أول وآخر أخباري




    10 - على بابكم
    كلمات : مخاوي الليل .
    الحان : خالد عبدالرحمن .


    إلى وردنّ الهموم الثّقيلات=أصدّر على حماك وأنصاك جالي
    وإلى جردنّ الأقراد الصقيلات=أنا بأول القوم ولاني بتالي
    أنا لك إلى صار للوقت ميلات =بأرخص لك الروح وما كان غالي
    وأعدّي على رؤوس كل الطويلات=وبشهد لك الله يا كل مالي
    على بابكم لو قدحنا الفتيلات= دسنا على المر ويصير حالي
    من الهم إلى الموت عندي قليلات= ومن بينهم كل مطعون ذالي
    على ما إنكتب لي ولك ماش حيلات= مع الصبر كل الشدايد زوالي








    (( أعاني ))
    ويحتوي على ستة أعمال .

    1 - أعاني
    كلمات : غيوض .
    الحان : حسين العلي .

    حاولت أجيبك للضحى وانت عييت= حاولت أغطي الليل لأجلك عصاني
    أفرد ضلوعي وأنده الحي والميت= وإلى ندهتك رجع صوتي دعاني
    ما غير أنا اللي شلت جرحي ونّيت= وما غير قلبي لا طلبته عطاني
    لو إن بوحي كثر صمتي تمنّيت= لو إن عيني شافت الدرب جاني
    شمسي هجير ومهجتي كلها بيت= أهجّها وأطوي عليها احتماني
    لأجلك إلا جض الهوى بي تغنيت= لوني من جروح المقادير أعاني



    2 - يسود الصمت
    كلمات : الشمس .
    الحان : خالد عبدالرحمن .

    يسود الصمت
    وتبقى ثورة الأنفاس
    ألا يا صدر لا تزفر .. وهونها
    يسلم راس ..
    من أنور الدنيا ونورها
    أخاف الروح لا تظهر
    مع أول أنفاسي
    لا يا بعد ناسي
    خلني أعيش شوي
    لا تاقف أنفاسي
    قلبي معك باقي
    ينبض لك أشواقي
    زدني وأزيدك قرب
    وأكشف لك أوراقي




    3 - أول أطيافي
    كلمات : اثيل .
    الحان : خالد عبدالرحمن .


    من أول خفقة بصدري وأنا فيك أرسم الأحلام= من أول طاري الأشواق وانت أول أطيافي
    نذرت العمر لعيونك عسى تقبل بك الأيام=عسى باكر يجيبك لي وتوقد ليلي الطافي
    يا أول حب يملكني من الهامه إلى الأقدام=زد بهجرك زد بصدك حشى ما أقول لك كافي
    أنا كلي صبر وعناد مثل ما بالعمر أعوام= كثر ما قلت لطيوفك متى يلفيني الجافي
    ولو بحر الهوى غدّار أنا يا صاحبي عوّام=ما دام عيونك المرسى سنين العمر مجدافي




    4 - أصدق معاذيري
    كلمات : همس .
    الحان : خالد عبدالرحمن .

    أن كان حبي لك هو أعظم خطاياي= ما أقول يا نفسي عن الحب توبي
    أجمل خطاياي وآخر حدود دنياي= وأصدق معاذيري وأطهر ذنوبي
    نزعات روحي لك تباري نواياي= والقلب يمّك والمشاعر سعوا بي
    حبٍ لك الله ماكنٍ في حناياي= أبيه لو ضعفي بأكبر عيوبي
    كل الهوى والحب باقي بقاياي= خذت أوّله وأتلاه وأقول دوبي
    ومن له مثل حبي يسوّي سواياي= ياصل مواصيلي ويسلك دروبي



    5 - لبيه
    كلمات : بنت العطا .
    الحان : خالد عبدالرحمن .

    الروح في شوفك عليك اليوم ولهانه=والقلب يفرح فيك إلى من شافتك عيني
    القلب لعيون الغلا وعيون خلاّنه=بأنسى الزعل كله ولو بعدك معنّيني
    انت الوله والشوق وانت الحب سلطانه=يا بسمة أيامي هلا يا ضحكة سنيني
    من قال يا عمري عليك النفس زعلانه=إجرح وعذبني مادام الجرح يرضيني
    لبيه يا قلبٍ ملكته وانت وجدانه=لبيه يا منهو عن همومي ينسيني
    يا عمري الباقي ويا حلمه وعنوانه=بيديك تجرحني ومن لمستك تشفيني



    6 - للغايب عذر
    كلمات : غيوض .
    الحان : خالد عبدالرحمن

    كنت أنتظر
    ليما الفجر
    والوقت يسرقني ويمر
    يا موعدي
    وقّف صبر
    أبانتظر
    باصبر على نار وجمر
    وبعذره يمكن للغايب عذر
    أنا والحيرة وشوقي في زحام
    ويا كثر ما جاء على بالي كلام
    أفكاري توديني وتجيب
    أهوجس بعيد وقريب
    يا هل ترى بينّا خصام
    وإلا ما عاد لي حب ومقام
    ما أظلمه لا لا حرام
    وش اللي صار

    ========

    البوم (( يا هاجري ))
    ويحتوي على سبع أعمال .

    1 - يا هاجري
    كلمات : الشيخ / محمد بن راشد ال مكتوم .
    الحان : أنو عبدالله .


    ليش العتاب وانت الذي دومك معي في خاطري = يا صاحب الليل الذي أذا تحدر تمنعه
    في مهجتي من كلمتك أوهام حلم شاعري = مقدر على وصله ولا أقدر باني أمنعه
    غني معي قولي ألي عندك صناعة ساحري = وانته على ما تشتهي قول قولٍ توده تسمعه
    قلبي ترى ما يحكمه منظر غزال نافري = لوكان وصله صا حبي من دون ذنب يقطعه
    يا هاجري أحلا الصور عندي بقت يا هاجري = يتبعك قلب صاحبه من حبكم ما هو معه
    منهو يساعدني على حظ ردي عاثري = ما هقوتي الله يغير لي الي فؤادي ضيعه
    فيك السحر منك الغلا كله بدا في ناظري = عيت عيوني كلما زوله تبدا تشبعه
    أرعى البروق أشوفها ما ضي وطلعة حاظري = براق من صوبك بدا وانا ونوقي نتبعه



    2 - أبيك يا عمري
    كلمات : مخاوي الليل .
    الحان : خالد عبدالرحمن .

    عطني وعدك اليوم وخل المقابيل = أبيك يا عمري تشرّفني شويه
    أسهر معاك الليل يا نجمة الليل = وجيّتك تمطر سمايا عليّه
    تشوف منّي الرضا وتشوف تدليل = وإذا أقبلت الروح خذها هدية
    ما عاد أشوف الدرب كلّه تساهيل = دفاي في بردي وفي القيظ فيّه
    أحب فيك الحب وإن قيل ما قيل = سحابةٍ مرّت علينا سويّه
    فداك أهل الجيل الأول وهالجيل = تحيةٍ عظمى عن ألفٍ تحية



    3 -ليله
    كلمات : مخاوي الليل .
    الحان : خالد عبدالرحمن .

    ليلة ..
    غريبة كانت الليلة ..
    سهرتك ليل تعليلة ..
    حلمي حلم طفل سعيد ..
    حلم بعيد ..
    كانت ليلتي بخيلة ..
    خذني جسد مع روح ..
    أذوب فغرامك حيل ..
    ليلة ثمنها روح ..
    خذ قلبي المفتحوح ..
    عشتك حبيبي ليل ..
    عشتك حياتي ليل ..
    يا سري المفضوح ..
    يا أطهر من الماء ..
    وأنقى من الغيمة ..
    لحبك أضمى ..
    يا صبح لا تقبل ..
    عط الليل من وقتك ..
    وأمهل سهارى الليل ..
    عمرنا ليلة ..
    وحبنا ليلة ..
    وكلها ليلة ..




    4 - اخترتك لدربي
    كلمات : ناصر القحطاني .
    الحان : خالد عبدالرحمن .

    وين انت يا أغلى العرب ناوي = تو القمر ما سرى توّه
    ما شفت يا المترف الراوي = وشلون دنياي محلوة
    ليلي بدونك وش يساوي = جيت وحبيبك صفا جوّه
    وإن خفت من حاسدٍ غاوي = يحرسك مولاي من سوءه
    كانك على حسرتي قاوي = ما للزمن طيب ومروّه
    اخترتك لدربي مخاوي = وماني موصيك بالأخوّه
    تجرح يا مملوح وتداوي = فديتك اللي تبي سوّه
    وإن صرت بعدين ما تاوي = خلّك حبيبي على القوّه



    5 - الجمر والبرد
    كلمات : مخاوي الليل .
    الحان : خالد عبدالرحمن

    أيجود الزمن بلقياك = وألقاك تناصفني وجدي
    وعيوني بشوقٍ ترعاك = في أحلام اليقظة من سهد
    فهيام العقل هيام = وهيام القلب سقم
    فغيابك زاد من زهدي

    فأحمر من وردٍ بشفاك = برحيقٍ يقطر من وردي
    ورياض الحسن محيّاك = به اجتمع الجمر مع البرد
    ويحلو لي منك كلام = وأقبل من عدلك ظلماً
    في رضاً قد بلغك من رشدي

    وبعيد أنت وأهواك = وعشقي قد خلّد للخلد
    وأسير الحب لعيناك = وأسعد بجوارك للأبد
    وقعت بي منك سهام = فأغثني برحيقك يوماً
    فأملٌ بلا وعدٍ لا يجدي



    6 - صبر أيوب
    كلمات : مخاوي الليل .
    الحان : خالد عبدالرحمن .


    تحمّلت أكون غلطان ..
    وأنا اللي معاي الحق ..
    تحمّلت أكون اللي ظلم
    نفسه وهو ساكت ..

    تجمّل خفوقي حيل ..
    تسلّح صبر أيوب ..
    على كل ما قد جاك ..
    جميل الصبر عذروب ..

    أنا العمر وانت الوقت ..
    على هالأمر مغلوب ..
    يفنى العمر وإلا انت ..
    عذابٍ علي مقسوم ..


    7 - لا تخليني
    كلمات : بندر الرشود .
    الحان : خالد عبدالرحمن

    حبيبي يا عسى ربي يجيبك = تشوف الحال بعد اللي جرى لي
    حياتي كلها وأنا انتخي بك = دخيلك لا تخليني لحالي
    أحبك كثر ظلمك كثر طيبك = كثر ما مرّ طيفك في خيالي
    أبي قربك أبي يوم اهتني بك = وأبيك تصير كل لحظة قبالي
    أنا لا قلت أحبك أعتني بك = ولا يمكن أخون اللي وفا لي
    حبيبي ويش أسوي كيف أجيبك = وكيف أبدّل الهجر بوصالي
    حبيبي ليه ما تذكر حبيبك = وليه الحب تمحاه الليالي




    البوم (( ابصم لك ))
    ويحتوي على ستة أعمال .

    1 - أبصم لك
    كلمات : مجازف .
    الحان : خالد عبدالرحمن .

    غيرك ما طرى يا شوق = لو لاح بسماي بروق
    ما للحب بعدك ذوق = أبصملك على العشرة
    زان الدهر وإلا شان = فيك المغرم الولهان
    دايم حيل لك شفقان = أبصملك على العشرة
    حبك مصدر إلهامي = لأجله دايمٍ سامي
    بلسم جرحي وآلامي = أبصملك على العشرة
    لو العشق أضناني = ووصلك فيك عزّاني
    حبك سر وجداني = أبصملك على العشرة


    2 - انزعه صمتي
    كلمات : مخاوي الليل .
    الحان : خالد عبدالرحمن .

    انزعه صمتي وعلمني الكلام = خلّني أقتل مفاهيم الخجل
    واكتشف من عندي أسرار الغرام = شوفة عيونك طموحي والأمل
    أظهرتها عيوني همي والهيام = متعب الحال قلبي وما حمل
    بقطعه وقتي وبوصلك سلام = يا حياة الوصل أو حل للأجل
    ليت أنا أبكي منك ليلي طول عام = واذكرك شخصٍ بعيني ما كمل
    بس مشكلتي قدرك يا وسام = منك ما شفت خطايا أو زلل



    3 - أسهرتني
    كلمات : خالد البذال .
    الحان : سليمان الملا .

    أسهرتني يا غلا والناس هجّاعِ = النوم عني جلا يا زين الأطباعِ
    الهمّ منك اعتلى والصد بك شاعِ = ما قلت لي وش بلا العهد بك ضاعِ
    من بدّ كل الملا عيني لك تراعي = يا كاملٍ بالحلى ما للجفا داعي
    ارجع ترى لك وله من بين الأضلاعِ = إن جيت لي يا هلا ماني بطماعِ




    4 - توادعنا
    كلمات : ابراهيم الجنوبي .
    الحان : خالد البراك .
    توادعنا أنا وياه ..
    لكن ما توادعنا ..
    رفض قلبي ورفض قلبه ..
    سوى هلّة مدامعنا ..
    رجع يبكي وبكاني ..
    أنا ما تحمل دموعه ..
    ونادتنا ليالينا ..
    مسك يدّي وتراجعنا ..
    أنا فضّلت أعيش بصمت ..
    سواءً كنت أو ما كنت ..
    ولكن الأكيد آمن ..
    ومحبتنا لها معنى ..
    حنين قلوبنا فينا ..
    غصب عنا ينادينا ..
    يبيني يا ملأ والله ..
    عسى الله لا يفرّقنا ..



    5 - ذبحنا الشوق
    كلمات : خالد البذال .
    الحان : سليمان الملا .

    ذبحنا الشوق بغيابك = وكل طاري لنا جابك
    متى تسأل عن أحبابك = علينا بس من قسّاك
    نبيك وما نبي غيرك = وعالي دوم تقديرك
    رضينا بشرك وخيرك = حبيبي وينها دنياك
    تصدق من حكوا فينا = وتبعد عن ليالينا
    غريبة صرت ناسينا = وغيرك ما قدر ينساك


    6 - تروي
    كلمات : مخاوي الليل .
    الحن : خالد عبدالرحمن .


    تروّي يا حسن منظور .. تروّي يا ملاك الزين = تروّي كود عيني .. تلتمس منك حنيّه
    شوصفك لو بغيت اذكر .. محاسنك انعدم بك شين = وأخاف انّك تصر في وصفي .. لو قلت حوريّه
    نقضتي حال المقدول .. على عارض المتنين = وشفشف هوى روحي .. على فركة إيديّه
    كتبت القصيدة ناوي .. أعنّيك أنا بسطرين = سجى الفكر بالمعنى .. ولك تمّت النيّه
    أنا وين جابتني المقادير .. وانتي وين = تولّعتي الله لا تزيد الولع فيّه
    وداعك عمر حي .. خذيتيه بطرف العين = معك حي .. وإلا غبتي يموت بعرب حيّه




    البوم (( مثل العسل ))
    والذي يحتوي على عملين .

    1 - مثل العسل
    كلمات : علي بن سالم الكعبي .
    الحان : علي كانو .

    مثل العسل وسط الضماير غلاكم = وأنتوا عسل كل الليالي والأيام
    جر القلم بالشوق خطه جدام = حبره محبه وصورتك فكر وألهام
    نوفي ولكن ما نوصل وفاكم = الكم وفى ومنك الوفايا خذ أحكام
    مزن بروقه لاضيات بهواكم = نجم فريد بلمعته وسط الأجرام
    نقشت أنا ودي بصفحة سماكم = وبدم قلبي صارت تخط الأقلام
    فكري سرى بلهفه غيومه تباكم = تمطر عليكم أطيب حروف وأنغام
    لا عاش شعر في حروفه جفاكم = ولاعاش عمر ما قضى بحبك أعوام
    مثل العسل وسط الضماير غلاكم = وأنتوا عسل كل الليالي والأيام



    2 - أنتي شروق
    كلمات : علي بن سالم الكعبي .
    الحان : علي كانوا .

    انتي شروق اول ضحى طلعة الشمس = والشمس بنت مرحلين الاماسي
    عفي وانا رحبت من خاطر انحمس = موجة فرح طافت حدود القياسي
    بين امس متعب كلما مر بالامس = واليوم ناسي حالة الامس ناسي
    قلبي بغيابك بالنزى دوله الحمس = جيتي وقند ريحة الهيل راسي
    وبين الثرى والغيم عن خطوتك رمس = اعرف وجودك يوم تندي الرواسي
    القى الندى بالنخل لو تهمسي همس = بالروض دارك يرسله قلبي ماسي
    شريان قلبي في بحرك انغمس غمس = سباح لكن ضيعته المراسي
    يانور ماحد في الهوى يلمسك لمس = روحي لمسته واشتعل بي حماسي





    لبوم (( وجه المرايا ))
    ويحتوي على ثمانية أعمال .

    1 - لا تعتذر
    كلمات : حميد النيادي .
    الحان : موسى محمد .

    تصبح وتمسي وترقد دون تسمعني = عوَدت قلبك على هجري ونسياني
    انته تعمَدت بغيابك تقاطعني = وانته تسببت في همَي وأحزاني
    صبرت بس الصبر ما كان ينفعني = ومليت من الانتظار وبعدك اشقاني
    يا ماتمنيت شوفك وانت تمنعني = وانته تجاهلت احاسيسي ووجداني
    لا تعتذر فالعذر ماعاد يقنعني = من عقب ما ذقت من صد وحرماني
    أنا اتحداك اذا تقدر ترجعني = أو انت تقدر على بعدني وهجراني
    ماعاك لك أي دافع شوق يدفعني = من عقب ما انته تبيع بأرخص اثماني
    بالحيل عانيت من بعدك ولوعني = جرَب عذاب الفراق ويمكن تعاني
    لا لا تحاول وابعد روح طاوعني = ولا تفكر انك تعود لدنيتي ثاني
    ماعاد حبك ولا شوفك يولعني = أنا نسيتك وأطلب منك تنساني


    2 - وجه المرايا
    كلمات : مطلع الشمس .
    الحان : موسى محمد .

    غاب القمر وانكسر وجه المرايا فيك = والحزن نثر على وجهي شظاياها
    والليل أصبح عذاب وحسره وتشكيك = يرسم همومه واحاول اتحاشاها
    حتى المدينة حزينه عينها تبكيك = ويبكيك قلبي وعيني نثرت ماها
    يا غايب عن عيوني خاطري يطريك = في كل لحظه عيونك كيف بنساها
    لو غيب ماغاب طيفك عني وطاريك = كنك معي في خفايا الروح واقصاها
    الله يصونك ويهنا بشوفتك وغاليك = وتقر عينه بشوفك يا هنيَاها
    يامن سلب مهجتي هذا العنا يرضيك = غبتك عنَا صعيبه وما قويناها
    ودَي أجبر كسر وجه المرايا فيك = واحضن همومي وابروزها بمراياها


    3 -السؤال
    كلمات : عبدالله الهاشمي .
    الحان : موسى محمد .

    ما سألت بيوم نفسك هالسؤال = يا حبيبي ما خطر مره عليك
    ليه أنا أشتاق لك يا إبن الحلال = ليه أحبك ليه ميت بس فيك
    آه لو تعرف معاناة الليال = والعنا والشوق في قلبٍ يبيك
    ما تركته يحلم بلحظة وصال = كنت جيته قبل ما يفكر يجيك
    منهو مثلي دللك هذا الدلال = وأعتبرك لقلبه وروحه شريك
    ماترك للحزن في عمرك مجال = والفرح حطه على راحة يديك
    بس يكفي من تعاليلك وتعال = ملت الساعات من شوقي إليك
    والا إسأل خافقك نفس السؤال = ليه أحبك و أعشقك و أموت فيك


    4 - الصوره المكسوره
    كلمات : علي الخوار .
    الحان : موسى محمد .

    بجانب كحلك و مشطك وبعض اشياء منثوره = وعطر غامض مثلك يخبي في الزجاج اسرار
    أنا عشت الهوى قربك مجرد صوره مكسوره = على تسريحتك عاشت جبيسة كذبة وغبار
    أشوفك تنظرين لها بضحكه عين مسروره = وافكر نظرتك شوق ومعاها جمليتين اعذار
    واثاري نظريتك نظرتك مرت عليها بس مجبوره = قصدتي خلفها وجه تشتت في مرايا الدار
    نسيتي واصبحت صوره مع الأيام مهجوره = نسيتي وابتدت ترحل من البرواز والأسوار


    5 - الغلا
    كلمات : حمد سهيل .
    الحان : موسى محمد .

    الله يهنك بي والله يهنيني = والله يديم الغلا مابيني وبينك
    ساعة أشوفك يزين الكون في عيني = وأشوف كل المحبه تنطق بعينك
    ما أظن شي حبيبي عنك يغنيني = كل يوم يكبر بعيني حسنك وزينك
    مزيون وصفك وسيد في المزاييني = وأحب طبعك وطيبة قلبك ولينك
    إن غبت عنك دقايق تشتكي بيني = وإن غبت عني يصيح الشوق بي وينك
    ما أقوى فراقك دخيلك لا تخليني = مادام قلبي أمانه بس في يدينك
    إنته بحبك تراك محلي سنيني = يابعد عمري عسى الله يحلي سنينك


    6 - دنيا جديده
    كلمات : عبدالله الهاشمي .
    الحان : موسى محمد .

    يا بخت كل المرايا لو تناظر فيك = تسعد بشوفك وتتبسم زواياها
    واذا في بعدك تكسر وجهها يبكيك = ساعة تشوفك تجمع لك شظاهايا
    ليل المدينة توسَل ليلتك يرجيك = تشرق بشمسك على دنيا تمناها
    دنيا جديده ببسمه ثغرها تطريك = بالخيروانته ضيا وجهك محياها
    ان غبت عنها تمنَت بالغرام تجيك = من كثر ما هي تعبها الشوق واضناها
    وان جيت فزت تردد من الفرح طاريك = وتقول يالله عساك مديم بحماها
    يا بعد عمر الغرام ويا بعد غاليك = حرام عينك يذوب حزنها ماها



    7 - طمني عليك
    كلمات : حمد سهيل .
    الحان : موسى محمد .

    ليش إنت مبعد عن عيوني ومجفنّي = يا نور عين بشوفك كنت أحليها
    حتى إتصالك وصوتك منقطع عني = وأعد الأيام لي بتعود في فيها
    إن كنت زعلان يا كل الغلا مني = مجبور أراضيك وعيونك أراضيها
    و إن كان قصدك بهالفرقى تعذبني = يا كيف تتعب حياتي وإنت غاليها
    أرجوك طمَن شقا نفسي وطمني = أشغلت روح غيابك عنها يشقيها
    تعبت أحاتيك وأسأل عنك لكني = ما ألقى جواب لجل نفسي أهديها



    8 - لون باهت
    كلمات : مطلع الشمس .
    الحان : موسى محمد .

    الشمس غابت والمدينة إظلمّت = والورد لونه صار ما هو لونه
    باهت يحير كل عين همّت = فيه وعبيره بنته مسجونه
    و أنا حزين والهموم التمّت = الحزن جند لي كبار شجونه
    إن جيت بفرح فرحتي ما تمّت = وإن جيت بنسى ذكرتني طعونه
    هذا زماني صار بي يتشمّت = يلعب و أنا راضي بكل جنونه
    صفحات حبّي في الغرام إقدمّت = فوق الرفوف وبالعنا مشحونه
    فيها المحبّه والوفا قد ضمّت = للغالي اللي أعشقه وآصونه







    - دمعه
    كلمات : مخاوي الليل .
    الحان : خالد عبدالرحمن

    دمعه اللي بقت دمعه = ماهي دمعه حزن ولكن
    دمعة فرح
    تنتظر ميعادها = تفرح بمن عادها
    وجيتيني وزارة وجيتني دمعه = منها تمنيت لمحه
    ياللي معاك العمر له قيمه = واكبر دليل هذي مراسيمه
    شيدت لك بالقلب تمثال الغرام = ومنك وليك القلب يا أصل الغرام
    محتاج لك يا مني وفيني = أنور حياتي يا نظر عيني
    تدري وجودك لي = يعني لي الوجود
    ومن غيرك انتي وش لي = بدنيا الوجود



    2 -خواطر العشاق
    كلمات : مناور الدوسري .
    الحان : خالد عبدالرحمن .

    ياليتني داري وأعرف الغيب = باحساس نفسك وإيش طاريها
    كلمة أحبك قلتها بالطيب = لا قلتها بالطيب وإيش فيها
    ترى الخجل يا صاحبي تعذيب = يحرم قلوب الحب غاليها
    يثر على سير الغلا ويصيب = خواطر العشاق ينسيها
    مافي الي من قلتها لي عيب = العيب والله لا تغبيها
    حياة مخلوق بلا ترتيب = ما تستوي فيها معانيها


    3 - على بابه
    كلمات : مخاوي الليل .
    الحان : خالد عبدالرحمن .

    على بابه فتحت القلب = ووقفتي علي بابه
    وقلدته حرف اسمك = على بابه على بابه على بابه
    على بابه عبارة حب = مكتوبه على بابه
    بأصدق شاعرية حب = تقرا به على بابه على بابه
    على بابه آجر الصوت = بأجمل ما تغنى به
    وكل الورد يفرش لك = على بابه على بابه
    على بابه هلا والله = من شرف على بابه
    وعود لي عقب طول غيابه



    4 -الهواوي
    كلمات : مخاوي الليل .
    الحان : فلكلور .

    ما يهز الهواوي أي ريح = من بغى المعتلا ذب ورقاه
    لو تبي ما يجيك اللي الصحيح = أنت من ولع القلب وخذاه
    والوصل يسحق القلب الجريح = والهجر آه منه ألفين آه
    سيدي وأنت الأول يا مليح = سيدي نال قلبي مبتغاه
    سيدي ما يزيد بك المديح = أنت فوق المديح ومستواه



    5 - من عذابك
    كلمات : مخاوي الليل .
    الحان : خالد عبدالرحمن

    من عذابك إنخلق فيني عذابي = ما بقالي واستوى غير العذاب
    دون بابك حظي المقتفي غدا بي = يا عذابي لو يطول بك الغياب
    وإن لجا بك ياحبيبي ما لجا بي = العذاب ارحم ولا ترك الصواب
    من شبابك عطني أجزانك شرا بي = وخذ من ايامي فرح عمر الشباب
    إهتنا بك من عرف جرحي وصوابي = وان سألت اسأل من الله الجواب
    رد بابك واستره بابك وبابي = الحياة أطعم لها رجوا الثواب



    6 - جروح الوقت
    كلمات : مخاوي الليل .
    الحان : خالد عبدالرحمن .

    من جروح الوقت يكفينا جروح = عظم الله جرح قلبي والسلام
    قلت لك باروح لكن وين أروح = والطريق اللي بيبعدني حطام
    من سرى بالليل أبرك له سروح = للنهار عيون وبالليل الغمام
    جيت وكل حب مفعم بالوضوح = والفعل أصدق من شروح الكلام
    هنتي في حبك اللي به أبوح = تهنئة بالعشق واحساس الغرام
    للجروح أرواح يا روح الجروح = مال جرحك غير تعظيم السلام



    7 - حنيت
    كلمات :مخاوي الليل .
    الحان : خالد عبدالرحمن .

    حنيت حنيت لاهل الدار والديرة = لو غبت ما بطيت بعض الشوق عناني
    الدرب لو طال ما أقبل معاذيره = شوق للاحباب تالي الليل سراني
    ترى المحبة شعور صعب تفسيره = يكفيني مولع بالزين يا اخواني
    الحب ياهل الهوا هذي مقاديره = مغلوب راعي الهوا في كل ميداني
    عودت القلب في سحبه وتخديره = رديت رديت يم أهلي وخلاني



    8 - كنتي جميله
    كلمات : مخاوي الليل .
    الحان :خالد عبدالرحمن .


    كنتي جميلة وصرتي اليوم أجمل = كنتي صغيرة وصرتي اليوم أكمل
    تغيرتي تكبرتي حتى بطبعك ونظراتك = كل شي فيك لاحظته تغير
    لا يكون الوقت غير فيك ذاتك = ثم نضج حسنك وبدلتي عباتك
    الصغير صغير حتى لو كبر = يكبر غلاة ويكبر دلاله
    كنتي ولازلتي صغيرة .. وصرتي اليوم أكمل
    ما تغير بي علي خبرك شعوري = وشوفتك أحبه باعماقي سروري
    بالعمر يكفيك أهديلك عمره = معه هواه واجمل خصاله




    9 - ما عرفتك
    كلمات : مخاوي الليل .
    الحان : خالد عبدالرحمن .

    أنا اللي ما عرفتك لو عرفتك = ولا حتى أعرفك لو تبين
    وانا اللي ما سهرتك وانتظرتك = ولا حتى أعرفك لو تجين
    أعرفك انك بداية مع نهاية = وضايع وقت ليلك تحلمين
    وترى الأسوأ نهاية مع بداية = خذي من المسك ريح الياسمين
    خدعك إحساس ظنك ما انتهيتي = ولا لك شي يثبت لك وجود
    مثل ما انتي رفضتي أو رضيتي = وجودك شي هامش بالوجود



    10 - على نيتي
    كلمات : بندر الرشود .
    الحان : خالد عبدالرحمن .

    يا كثر كذبك علي ويا كثر صبري = طولت بالي ولكن ثارت أعصابي
    ما عاد ينفع أخلي الضيق في صدري = واجاملك وانت ما تسوى على حسابي
    أثر الخيانة في دمك تكبر وتجري = وانا علي نيتي ما أشك في أحبابي
    خصوصا إنت الوحيد اللي مثل عمري = إن غبت عني أضمك بين الأهدابي
    صحيح أحبك احسب أنك على خبري = تموت لو مرت أيام على غيابي
    يومك تجيني ولا تسري الين أسري = طرفك إذا شافني أقبلت هلاً بي
    راحت سنين من عمري وانا ماأدري = إثرك تسلى على حبي وتلها بي
    والله محد سبقك اليوم في غدري = لكني أستاهل اللي صار باسبابي
    وشلون أقدرك وإنت مرخص قدري = وشلون أميزك في عيني وفي كتابي
    اللي كتب قصتك يمحاك من فكري = والله ما تفرح بقلبي وتهنا بي



    - جمعت الشوق
    كلمات : الأمير / محمد بن عبدالعزيز آل سعود .
    الحان : خالد عبدالرحمن .

    جمعت الشوق .. وأهديته عيونك = وكل الحب .. فى دربك نثرته
    وعطرت المشاعر من جنونك = وزفيت العمر لك .. لو خسرته
    زماني .. ماتخيلته بدونك = وليلي بدون همسك .. ماسهرته
    أحبك مثل ماحظك يخونك = ومثل ماجابك الحظ .. وشكرته
    ملكت القلب لاتكثر ظنونك = ولوقلبي يبي غيرك نهرته
    يمر البال ناس يشبهونك = كثر مامر غيرك ماذكرته
    رياح الشوق تستأذن سكونك = بها من الوجد فوق اللي انتظرته
    يكفيك العمر فدوه اعيونك = وكل الحب في دربك نثرته



    12 - حالي الذوق
    كلمات : مطلع الشمس .
    الحان : خالد عبدالرحمن .

    عطني غلا واعطيك عمري وحالي = حبٍ مخلّد ما حلم فيه مخلوق
    يا شاغل احساسي وعمري وخيالي = يا من لقلبي بلسم الجرح والعوق
    مِنْك الوفا يكفي وهذا منالي = في دنيتي يا حالي الطبع والذوق
    أرقب وِفَاكْ وحايره في سؤالي = واحس اني دون شوفتك مخنوق
    بعدك يعذبني .. يزيد انشغالي = الله يعين ويفرج الهم بشفوق
    في وحدتي أجلس أعد الليالي = واسهر معاها لين طلعات لشروق
    صوتك يصبِّرني ويرثي لحالي = أسْتَر به ويخفف الهم والشوق
    وان شفت طيفك أبتهج باحتفالي = واسرح لحد الصبح ينساب وأفوق
    عجّل بوصلك وِافْتِهم ما جرالي = وان مِتْ انا أفداك يا حالي الذوق






  2. #2
    الصورة الرمزية االجووري
    االجووري غير متواجد حالياً مشرفة سابقة - نجمة 2012
    تاريخ التسجيل
    Mar 2009
    الردود
    25,584
    معدل تقييم المستوى
    476

    رد: قصائد خالد عبدالرحمن(مخاوي الليل)

    ركود
    سلمت أناملك على هالذووووق
    لكي ودي ووردي
    ريم

  3. #3
    مغنا غير متواجد حالياً ملك المنتدى
    تاريخ التسجيل
    Mar 2009
    الدولة
    وطن الشموس السعوديه
    الردود
    14,450
    معدل تقييم المستوى
    99

    رد: قصائد خالد عبدالرحمن(مخاوي الليل)



    ذووووق رفيع المستوى
    بس ما شفت اغنية (مقبله)
    ربي يسلمك على النقل الحلو
    تقديري لك
    ~~مغنااااوي~~

    سبحانك اللهم وبحمدك اشهد ان لا اله الا انت استغفرك واتوب اليك

  4. #4
    تاريخ التسجيل
    Mar 2009
    الدولة
    الرياض
    الردود
    14,231
    معدل تقييم المستوى
    0

    رد: قصائد خالد عبدالرحمن(مخاوي الليل)

    .ياهلا والله فيكم
    منورين يالغالين

  5. #5
    دم الشو وق ع غير متواجد حالياً مشرفة سابقة
    تاريخ التسجيل
    Dec 2009
    الردود
    6,187
    معدل تقييم المستوى
    11

    رد: قصائد خالد عبدالرحمن(مخاوي الليل)

    روووعه الله يعطيك العافيه
    لكن كم قعدت تكتب فيهن؟؟؟
    اتوقع يومين ههههه
    تقبل مروري

صفحة 1 من 3 123 الأخيرةالأخيرة

Content Relevant URLs by vBSEO ©2011, Crawlability, Inc.