like facebook


views : 15776 | replycount : 3
النتائج 1 إلى 4 من 4

طاقية الدوامه لفرد الشعر من الجذور وحتى الأطراف

السلام عليكم ورحمة الله وبركاته .. كيفكم يا حبايب ؟؟ فتحت هذا الموضوع ل عيون كل الفراشات وخصوصاَ >> ذكرياتك سبق واتحدثنا في موضوع فتحته عن ( وش نا ويين

  1. #1
    جميلة النساء غير متواجد حالياً صاحب امتياز
    تاريخ التسجيل
    Sep 2008
    الردود
    1,152
    معدل تقييم المستوى
    7

    طاقية الدوامه لفرد الشعر من الجذور وحتى الأطراف

    السلام عليكم ورحمة الله وبركاته ..
    كيفكم يا حبايب ؟؟
    فتحت هذا الموضوع ل عيون كل الفراشات وخصوصاَ >> ذكرياتك
    سبق واتحدثنا في موضوع فتحته عن ( وش نا ويين نسوي بشعورنا يوم العيد وعن المشاغل بشكل عام )
    المهم تكلمنا عن زحمة المشاغل ليلة العيد وان الوحده إذا ما حجزت بدري راحت عليها ..
    ف كل عضوة أدلت بدلوها وقالت وش اللي تسويه .. >> تبادل خبرات وأفكار وحلول ..
    قمت وقلت لهم عن طريقة طاقية الدوامه للشعَر >> تفرده من الجذور وحتى الأطراف اسألوا مجربه
    الكل يمدح فيه وشرحته لي أحد الأخوات المصريات أتشرف بذكر اسمها في موقع آخر
    وهي الأخت حبيبه جزاها ربي الجنه وفرج عنها وحقق لها كل ماتمناه يا رب
    ما تتخيلون قد ايش ارتحت واتغير شعري كثيير وما عاد أستخدم السيشوار إلا نادراً ( للغرّه فقط )
    إليكم طريقة طوق الدوامه ..

    اللي راح تستخدميه ( بنس بعدد كبير >> على حسب طول الشعر بس أفضل تكون كثيره عشان تمسك الشعر ويبقى ثابت )
    وزيت أو كريم على حسب نوع شعرك في حال كان دهني أو جاف بعد الترويش >> أنا لما بديت أسوية
    بصراحه سويته من دون أي كريمات أو زيوت أبداَ اكتفيت بلفه فقط ..
    بس من كثر النعومه اللي جته بعد الطاقيه فكيته وقام يتططااير ويتلصق على وجهي فحبيت أخفف من طيرانه بشزي زيت سمسم
    << ماما وصتني عليه تقول طبيعي وزين بس حذاري تدهنين جذور الشعر أو فروة الرأس به بس شوييي فقط على الشعر نفسه

    الطريقه ..
    1 // تتروشين وحاولي تقللي شامبو ( حلي أو خففي الشامبو بمويه قبل تحطيه على شعرك عشان ما يخرب الشعر )
    2// استخدمي حمام زيت فاتيكا للشعر ريحته حلوه ونتايجه ممتازه مره >> عن تجربه
    3// اغسليه بعد الحمام >> وخليه ع راحته لين ينشف شوي >> لما يصير شعرك رطب أو مندي يعني ما يجف مرره ..
    هنا راح نبدأ شغل ..
    4// سمّي بالله وامسكي المشط ، وافرقي شعرك بأحد الطرق التاليه اللي تناسبك سويها
    >> افرقيه من النص راح يصير عندك مجموعتين يمين ويسار ..
    >> افرقيه من الأذن للأذن راح يصير مجموعتين فوق وتحت ..
    >> بعضهم يفرقونه أربع مجموعات واستخدام الطريقتين السابقتين ..

    بس أنا أستخدم الطريقه الأولى بس الأربع راح تبهذلك شوي يعني ما راح تقدري تسويها أنتي بنفسك .. بس تناسب اللي
    شعورهم كثييره ..

    5// الحين فرقناه يمن ويسار .. ابدأي باليمين ( شويي فقط زيت أو كريم أكرر شوي عشان يطلع كأنه مستشور ) طبعاً هو رطب
    الآن وراح تسهل الرطوبه تمشيطه ..
    مشطيه باتجاه الأذن ثم ل أعلى مروراً بالغره >> والبنسات راح تكون في هذي الحاله لتحت لأنه الشعر اتجه لفوق >> فهمتوا ..
    لما توصلي للغره بشعرك راح تثبتيه زين بالبنس بحيث يبقى ثابت وما يختلط شئ من هذي الجهه بالجهه الثانيه ..
    الحين راح تلتقي بالجزء الثاني من الشعر ( طبعاً بداية الجزء الثاني راح تمشطينه لتحت وتثبتي بدايته فقط ببنس لحاله وتجمعي معه الآن
    الجزء الأول وتبدي تمشطيهم سوى ل لتحت دوران الشعر على الرأس >> فهمتوا كيف عشان كذا دوامه
    وبما أن الشعر اتجه الآن لين تحت راح تكون البنس على فوف ( تدخليها من تحت وتطلع على فوق )
    ثم راح تكملين اللفه ( لو كان شعرك طويل راح تلتقي بجزء رأسك اليمين اللي بديتي فيه كملي ولفي بحيث شعرك يدور على راسك وطبعاً
    أنتي راح تعرفي تثبتي البنس بالشكل اللر يمسكه صح >> أنا راح أحاول أرسم لكم الطريقه ولا تضحكون علي ترى مستواي بالرسم ممتاز بس هنا ما عرفت شلون ارسمه
    لكم ..
    هنا لما تخلصي راح تأخذي سيشوار وتحطيه ع المروحه من دون حراره << مهم من دون حراره بس هواء ..
    راح تمرريه على شعرك بعد ما لفيتيه لين تحسيه شوي تنعنشت فروة راسك وجفت الطبقة اللي فوق من شعرك
    وخليه تقريباً نصف ساعه أو ربع ساعه .. ثم فكيه وسوي العكس ابدي باليسار ( اليسار ارفعيه لفوق والبنس لتحت وراح تلتقي باليمين
    ولفيه معه والبنس لفوق وجففيه بالسيشوار بس مروحه وخليه نص أو ربع ساعه .. ثم فكيه وسوي زي المره الأولى ابدي باليمين وخليه ربع ساعه
    ثم فكيه وابدي باليسار وخليه ربع ساعه >> أنا أسويه كذا لأنه بعدها ينفرد شعري فرد مو طبيعي لو حابه تكرري كرري لين تشوفي شعرك انفرد )

    طاقية الدوامه لفرد الشعر من الجذور وحتى الأطراف 343334.jpg


    جربي وراح تدعي لي وتدعي ل أم حبيبه (تنصح فييها العرايس خصوصاً )
    جربي ويمكن تكفشي شوي من كثر الفك واللف بس لما تشوفي النتيجه ما راح تخليه أبد عودي شعرك كذا بعد الترويش وراح تلاحظي تغيره بعد مده


    ع العموم أتنمى تكون وضحت لكم

    شوفا الحين أبي كل وحده تقفل النت وتروح تغسل شعرها وتخليه ع راحته لين يرطب ( نصيحه عودي شعرك يشم هوا لا تخليه أبد ملموم وهو مبلول لأن الشعر
    راح يتعود اللم ولو تفكيه مره في مناسبه راح تلقيه يهيج لأنه تعود اللف فغريبه عليه ينفك وعشان كذا نشوف الشعر يتطاير ويتبهذل لو رحتي مناسبه وفكيتيه بعد الترويش والسيشوار





  2. #2
    تاريخ التسجيل
    Nov 2008
    الردود
    756
    معدل تقييم المستوى
    6

    رد: طاقية الدوامه لفرد الشعر من الجذور وحتى الأطراف


  3. #3
    أنثى الجبل غير متواجد حالياً عضو نشيط
    تاريخ التسجيل
    Dec 2008
    الردود
    47
    معدل تقييم المستوى
    0

    رد: طاقية الدوامه لفرد الشعر من الجذور وحتى الأطراف

    الطاقية مفعولها روعة بس تعور لي راسي ترى مالسبب؟

  4. #4
    باسنت غير متواجد حالياً عضو جديد
    تاريخ التسجيل
    Apr 2009
    الردود
    3
    معدل تقييم المستوى
    0

    رد: طاقية الدوامه لفرد الشعر من الجذور وحتى الأطراف

    اناشفت وحده تسويها روعه بس معي ماتضبط ما اعرف لما


Content Relevant URLs by vBSEO ©2011, Crawlability, Inc.