like facebook


views : 85862 | replycount : 16
صفحة 1 من 2 12 الاخيرةالاخيرة
النتائج 1 الى 10 من 17
  1. #1
    برواز الشوق
    برواز الشوق غير متواجد حاليا عضو روعه
    تاريخ التسجيل
    Aug 2009
    الردود
    570
    الكل يعرف برنامج perfect house wife ، هالبرنامج فادني من جملة وحدة بس.


    " خصصي لكل شيء مكان خاص به".


    وفعلا اتبعت النصيحه ، صرت اجمع الاشياء المتشابهه مع بعض، واي شيء ماله مكان افكر واطلع له


    مرجع ومكان خاص فيه....زمان لا جيت ارتب اوصل لاشياء مدري وين احطهم.... ومن الياس والكسل


    كانت اغراضي مالها الا 4 اماكن تحضنهم:


    الكرسي – السرير – التسريحه – الارض


    - غالبا ملابسي اصفهم عل الكرسي اذا كنت مستعجله لين تصير جبل بعدين اشيلهم.


    - سريري المسكين ياما تحمل الضربات الي تجيه، ارمي كتبي، اكياس، عباتي، ملابسي، كل شيء بحكم


    ان مساحته كبيره وتغريني اني ارمي عليها الاغراض ونا مستعجله بطلع.


    - التسريحه وياعذاب هالتسريحه اللي الشباصات والبكل وعدة الاستشوار والماكياج كله مرمي على ظهرها.


    - حتى ارضية غرفتي غارت من البقيه، ومابغيت اقهرها واحسسها ان مالها دور، فكنت ارمي جزمي هنا وهناك


    مع شوية اكياس مرميه ، عشان يتوازن منظر الاكوام في كل جهه والا انقلبت غرفتي راسا على عقب.



    ومع الوقت، لما ارتب دولابي (طبعا في السنه حسنه) لاحظت بلايز ماعمري لبستها لاني اصلا ماعمري شفتها من كثر

    ديكورات جبس بورد اقواس
    ديكورات جبس بورد للتلفزيون
    ديكورات جبس بورد للبلازما
    ديكورات جبس بورد للاسقف
    ديكورات جبس بورد للحائط
    ديكور جبس غرف نوم للعرسان
    ديكور جبس غرف نوم رومانسية
    ديكور جبس غرف نوم اولاد
    ديكور جبس غرف نوم بنات
    ديكور جبس غرف نوم كلاسيك
    ديكور جبس غرف نوم كويتيه

    فراشة حواء
    مجلة فراشة حواء


    الكركبه الي في الدولاب.... ولما ابي ورقه معينه او فاتورة ، اقعد ساعه عشان احصلها....... فقلت يابنت لازم ترتبين


    غرفتك عشان يسهل عليك البحث عن كل شيء تبينه.......... والي حمسني اكثر برنامج بيرفيكت هاوس وايف وجملتها الشهيره


    اعلاه.......... فقررت ان اشن حملة هوجاء على الكسل الذي تملكني وعلى خرابة غرفتي. فقريت شوي عن التنظيم وبديت


    حملتي والان وصلت لمستوى متقدم افضل من قبل بكثير........ لكن مازلت احتاج طرق افضل واسهل للتنظيم والترتيب.



    الرجاء عدم الرد حتى اكتمال الموضوع





  2. #2
    برواز الشوق
    برواز الشوق غير متواجد حاليا عضو روعه
    تاريخ التسجيل
    Aug 2009
    الردود
    570
    نبدا جولتنا على بركة الله

    مكتب الدراسه او العمل:



    اولا: السيديات :

    في السابق سيدياتي كانت بالدرج متكومه على بعض واتعب اذا بغيت سيدي معين. اما الان اشتريت

    حافظ للسيديات من ايكيا وكمان موجود بدايسو. وهالشيء سهل علي البحث عن اي سي دي.



    ثانيا: مايتعلق بالقرطاسيه وادوات مكتب العمل:

    1- تحتاجين الى علبه لحفظ الاقلام والمقص والمسطره والصمغ الاصفر والهايلاتير، وتوجد في كل مكتيه

    وتوجد في ستي بلازا اشكال اخاذه. طبعا هالعلبه لكل ماسبق ذكرة وتبينه يكون قريب منك ويسهل الوصول اليه









    2- تحتاجين الى علبه كرتونيه لوضع مايلي: اللصق الشفاف ، النوتات الصغار الي تلصق، دبابيس

    الدباسه،الدباسه، الشطرطون الكبير،اقلام السبورة، يعني هالعلبه انا مخليتها كنها مخزن صغير

    لاغراض القرطاسيه.




    وممكن تستعيني باحد الطرق التاليه لترتيب ادوات القرطاسيه:

    هنا البنت مقسمه بكرتونه، لكن شفت بدايسو قسامات جاهزة للادراج





    وهنا للاوراق والفواتير واوراق لمواعيد الي ممكن تحتاجيها خلال الاسبوع





    وهالصندوق الصغير خليه تحت المكتب، وكل ماشفتي نفسك بعثرتي وطلعت اغراض ومايمديك

    ترتبين ،حطي كل شيء بهالصندوق واحرصي ان سطح المكتب نظيف وماعليه اكوام ورق....

    .... ومتى مافضيتي ،اجلسي وطلعي كل شيء من الصندوق حته حته ورجعيه مكانه المخصص....

    .... وبكذا مايضيع شيء لكل انك عارفه ان اي شيء بترمينه بالسله لحد مايجي وقت تفضين وترتبين.





    ممكن تستفيدي من العلب المقسمه :




    او هالشكل، وموجوده بايكيا



    الرجاء عدم الرد حتى يتكمل الموضوع

  3. #3
    برواز الشوق
    برواز الشوق غير متواجد حاليا عضو روعه
    تاريخ التسجيل
    Aug 2009
    الردود
    570
    ممكن ايضا نستفيد من لوحة الاعلانات، بحيث تشيل عنا بعض الاوراق الي نحتاجها يوميا+ تعطي

    منظر جمالي حسب لمساتك المبدعه.








    ثالثا: البطاقات:

    بطاقات المحلات او العمل ، افضل طريقه لحفظها هي بوضعها داخل ملف صغير مخصص لها

    وبداخله بلاستيك مخصص مكان لكل بطاقه. بس انتبهي من مقاس مكان البطاقه خوذي اكبر مقاس

    لان بعضهم صغار وماتستفيدين.



    رابعا: اوراق الفواتير والاشياء الرسميه:

    1- ممكن ترتبيها في الملف المقسم وتضعي ستكر على كل قسم وتكتبي عباره توضيحيه لما

    بداخل هذا القسم.




    خامسا: رف الكتب:



    انا عندي رف الكتب من ايكيا يشبه الي بالصوره اعلاه ، صح انه حلو لكن عيبه، ان الكتب لازم

    امسحها بين فتره وفتره من الغبار وهالشيء مرهقني....لان كتبي واجد..... فكنت افضل لو شريت

    الارفف بزجاج عشان ابعد الغبار عن الكتب مثل الصور بالاسفل








    وزي مانتو شايفين بالصور نقد نستغل هالارفف، بتززين شكل الغرفه، واستغلال الارفف للتخزين وبالتالي

    مساحه اوسع للغرفه وفوضى اقل........

    ممكن نستخدم هالعلب الكرتونيه لحفظ المجلات والاوراق




    ونرتبها بشكل متناسق في الارفف، ولا ننسى ان نجمع الاشياء المتشابهه مع بعضها حتى يسهل علينا

    البحث.




    الرجاء عدم الرد حتى اكتمال الموضوع

  4. #4
    برواز الشوق
    برواز الشوق غير متواجد حاليا عضو روعه
    تاريخ التسجيل
    Aug 2009
    الردود
    570
    سادسا: الصور التذكاريه:

    اتوقع الصور معروف للجميع كيف توضع ولكن يجب الاخذ بعين الاعتبار ترتيب الصور حسب

    الاشخاص او حسب المناسبات كي يسهل الوصول اليها... وكل وحدة وراحتها.




    سابعا: جهاز التحكم

    اتوقع هالشيء برضو واضح للكل ، ايكيا ماقصرت وعطتنا الحل........ و دايسو برضو مليان اشكال

    من الحل التالي





    ثامنا: جميع الاجهزة الالكترونيه الصغيره وتوابعها:

    الاي بود، الشواحن لكل الاجهزة، اجهزة جوالات قديمة، مسجلات قديمة صعيره، بطاريات، اسلاك

    توصيلات . كلها اضعها في مكان واحد مخصص لهم وبس. ممكن تخصصين رف واحد من ادراجك.

    اذا مايكفي ممكن تشتري من ايكيا صندوق صغير من القماش لكن اطرافه كرتونيه ويفتح من اعلى

    بسحاب . بكذا اضمن سلامتها من العطب ومن الغبار. طبعا الي عندي يشبه فكرة الصورة بالاسفل لكن

    تبع ايكيا مستطيل وارتب شكل





    او اذا عندك درج اضافي كبير تشتري قسامات الادراج وتوزعي اجهزتك عليها وكذاسهل تحصل

    الشيء الي تبينه، والقسامات شفتها في دايسو......





    الرجاء عدم الرد حتى اكتمال الموضوع

  5. #5
    برواز الشوق
    برواز الشوق غير متواجد حاليا عضو روعه
    تاريخ التسجيل
    Aug 2009
    الردود
    570
    ثانيا: خزانة الملابس:



    كل يوم اطالع خزانة ملابسي تنسد نفسيتي وارجع اسكرها ، لاني مااعرف ارتبها....... لكن في صدد

    بحث عن حلول لمشاكل تواجهني، ومنها ترتيب الجزم+ ترتيب الشنط+ ترتيب البناطيل وغيره....
    ..
    احيانا توصل الحاله الى هالمنظر





    1ولا: البناطيل:

    الي عندها مساحه كبيره في دولابها تمام، اما الي ماكو مساحه فشنو تعمل اليكم بعض الافكار:










    ثانيا: الشنط:

    وماادراك مالشنط؟؟؟؟؟ هي الي تعبتني موت... حطيتها بدرج كبير من التسريحه ماستفدت ،


    صارو فوق بعض وماهو سهل علي ابحث عن شنطة معينه+ الغبار يتجمع عليهم....... فرحت دايسو


    ولقيت علاقه للشنط والحمدلله ارتحت وفضيت الدرج واستفدت منه.







    ثالثا: الاحزمة والاسكارفات:

    في البدايه استخدمت المربعات المقسمه للدرج، ومع الوقت زاد عدد احزمتي وصارت هالطريقه

    ماتناسبني فبروح ايكيا اشري المعلاق تبع الوشاحات والاحزمة.






    الرجاء عدم الرد حتى اكتمال الموضوع

  6. #6
    برواز الشوق
    برواز الشوق غير متواجد حاليا عضو روعه
    تاريخ التسجيل
    Aug 2009
    الردود
    570
    رابعا: الاحذيه:



    سابقا كنا نحط الاحذيه على الارض ونصفها ومع التطور وانفتاح المخ صرنا نحطها في دولاب ارفف

    مكشوف لكن الغبار مايرحم........



    بعدين فكرت قلت اخليهم بكراتينهم واصفهم فوق بعض...... هالنتيجه ماضبطت لانها

    تاخذ وقت في البحث عن حذاء معين + تاخذ حيز كبير........ فالحل الاخير الي وصلت له

    اني استفيد من المساحه العموديه وليست الافقيه فشريت خزانة الاحذية من ايكيا وارتحت.



    طبعا هذا مايمنع يكون قريب من الباب ارفف مكشوفة صغيره للاحذيه اليوميه.


    خامسا: المساحه الخاليه فوق خزنة الملابس:

    تقدري تستفيدي من هالمساحه بوضع صناديق كرتونيه وتكون كلها متشابهه الشكل ، بالنسبه لي

    استخدمها لملابس الشتاء. وكل وحدة تحط الاشياء الي تبي تخزنها. وهالكراتين موجودة بايكيا قاعدتها

    بلاكاش سخيف ولها غطاء محكم عان مايدخل الغبار ونوعها ماهو كرتوني ...... مدري وشو بس

    اقوى من الكرتون وسعرها كان بال 60 ، بس يستاهل لانها ماتتكسر ولا تخرب باقيه معاك طول العمر ان شالله.





    الي عندي نفس الصورة اعلاه، بس صاحبة الصورة مخليته للجزم.


    سادسا: الملابس الداخليه:

    اول كنت حاطتهم بصناديق ايكيا الكرتون، لكنها اتعبتني لان الملابس فوق بعض. وذا جيت

    بطلع الي تحت انعفس الي فوق . احلى شيء هالطريقه..





    الرجاء عدم الرد حتى اكتمال الموضوع

  7. #7
    برواز الشوق
    برواز الشوق غير متواجد حاليا عضو روعه
    تاريخ التسجيل
    Aug 2009
    الردود
    570
    ثالثا: التسريحه:

    تسريحيتي تتضمن الماكياج+ الاكسسوارات+ + اكسسوارات الشعر+ ومايتعلق باجهزة تسريح



    الشعر.+ الشرابات



    1- الاكسسوارات:

    طبعا الاكسسوارات تحتاج ترتيب دقيقه بحيث يسهل الوصول اليها عند الازمات . طبعا كنت ناوية


    اشري العلاقه الي يعلقون عليها السلاسل والخ. لكن لما فكرت لقيت ن الفكرة غير عمليه لان ممكن


    الصغار يخربون الاكسسوارات...... وممكن تسببين لنفسك احراج اذا قريباتك ادخلو وشافو


    اكسسواراتك معلقه، وانشبو بحلقك سلفيني هالسلسال وانتي ماودك ، غير الغبار الي بيتجمع عليه، الخ


    الخ.فالحل موجود عند ايكيا ودايسو......

    عند دايسو علب بلاستيك مقسمة مربعات، شريت لي 8 علب، وكل علبه فيها 10 اقسام....... جمعت


    الحلقان الي لونها وردي بدرجاته وموف وازرق مع بعض. وجمعت البرتقالي والاصفر مع بعض..


    . والذهبي والفضي مع بعض الخ الخ..... وحطيت الورق الي زمن كنا نلصقه على اشرطة الفيديو ،


    برضو تلاقونه بدايسو ولصقت على كل علبه وكتبت الالوان الي موجودة فيها. وبكذا يسهل علي


    البحث... طبعا اذا شريتم العلب الشفافه اتوقع ماتحتاجون لصق وكتابه... بس الي انا شريتهم من دايسو


    بني غامق وللاسف لما رجعت ماعاد لقيتهم لان كل فتره يجيبون تشكيله جديده.






    الصورة اعلاه من دايسو ، بس الي عندي اكثر تقسيمات. الصورة في الاسفل نفس حقتي بالضبط

    وسعرهن الوحدة ب 7 ريال.



    ركزوا في العلبه البنيه زين ، تلاقوه مقسمة 5 اقسام فو و5 تحت..... ومقاسها مضبوط للحلقان..


    خسارة ماعاد يجيون هالشكل.


    2- الماكياج:

    بالنسبة لي اشتريت من ايكيا علبه بلاستيك كبيره مع قسامات تقدري تفكيها ولها غطاء.. شريت 2


    وكفت ماكياجي.



    صحيح هالعلبه سهلت علي ايجاد مكان خاص فقط بالماكياج........ ولكنها لا تسهل البحث عن روج


    معين او بلاشر معين او ظل معين........ خصوصا للي ماكياجها كثير.



    فيبيعون علبة بلاستيك خاصه للارواج





    بالنسبه للفرش تبع الماكياج، كثير يحبون يحطوها بعلب مكشوفه عالتسريحه، وانا كنت كذا...... لكن

    بسبب حساسية بشرتي والغبار........ ريحت نفسي وشريت شنطة الفرش وبكذا ضمنت نظافتها.





    الرجاء عدم الرد حتى اكتمال الموضوع

  8. #8
    برواز الشوق
    برواز الشوق غير متواجد حاليا عضو روعه
    تاريخ التسجيل
    Aug 2009
    الردود
    570
    الامشاط

    جمعت كل الامشاط وحطيتها بعلبه على التسريحه تكون الامشاط عموديه....... الى الان مالقيت حل

    افضل من تركها عالتسريحه والغبار


    الاستشوارات:

    انا شريت من ايكيا خزانة صغيره بارفف، خصصت رف للاجهزة......... ورف للمستحضرات من

    جل وغيرو ،ممكن بنات يستعينوا بسلال السعف الي بغطا...... ويحطوا الاجهزة بشكل عمودي..

    ...... انا عاجبتني هالحركة بس مالقيت سلة سعف بغطاء حلوة.








    ابي زي بالصورة اعلاه بس تكون واقفه وشكل احلى،،




    .



    الشرابات:

    افضل شيء ريحني للشرابات هو لفها بشكل ووضعها بشكل عمودي...... ويفضل استخدام قسامات

    الادراج



    اكسسوارات الشعر

    اكسسوارت الشعر نفس الشيء احطها بعلبة ايكيا البلاستيك ، نفس الي استخدمها للماكياج،،، لكنها


    ماتساعدني في سرعة الوصول لربطة معينه....... وماقدر اشوف كل شيء. يمكن لازم اشري علبة


    ثانيه لان اغراضي وايد






    العطور

    صراحه كنت مخصصه درج صغير لها بس ماعجبني الترتيب، واخذت لي علبه بلاستيك مستطيله


    مالها غطاء وحطيت العطور في ركن من الغرفه ونفس الشيء الغبار تجمع عل العطور........ فاخر


    حل وصلت له التالي





    الكريمات

    وصلت الى قناعة انو ماعاد اشري اي كريم لين اخلص الي عندي. كريماتي حطيتهم بالثلاجه. ماعدا


    الفازلين وكريم 21 وكريم يدين وكريم قدم ومقشر قدم بسس.

    وتقدرين تشتري من ايكيا 3 علب بلاستيك تنباع مع بعض. خصصت واحد لاغراض اليد ، وواحد


    للقدم عشان استغل ارتفاع الدرج. وممكن بنات يستغلون تقسيم الادراج برضو.




    طبعا اخر شيء لازم يكون عندك سله صغيره ترمي فيها كل شيء


    مايمديك ترتبينه بسرعه ، يعني لاترمي اي شيءعالسرير او التسريحه.






    تقريبا الى هنا وصلت في ترتيب غرفتي . انا اشوف اني ارتحت من ناحية تخصيص اماكن لكل شيء

    . لكن بعض الاشياء تحتاج الى ترتيب التريب......ز يعني طرق اكثر فائدة تسهل علي البحث........

    زي مثلا علبة الارواج جدا رائعه وتسهل عليك البحث عن الروج وماتوقع انها تحتاج اكثر من كذا ترتيب.

    ان شالله نقرا ونبحث لين نلقى افكار اكثر تطورا......... وماراخ باخل بها عليكن........


    بالنسبه للي لسا تبي ترتب غرفتها كل ماعليك سوى ورقة وقلم



    واكتبي اغراضك الي دايم تسبب لك حوسة ويالله تلقينها وابدي بفرز الاشياء المتشابهه واستعيني


    بدايسو وايكيا وان شالله تترتب غرفكم


    دمتم بود.

  9. #9
    وفاء للجزائر
    وفاء للجزائر غير متواجد حاليا ملك المنتدى
    تاريخ التسجيل
    Jul 2009
    الردود
    2,178
    برواز حبيبتي و الله تميز
    تسلمي يا غلا
    اللع يعطيك الف عافية

  10. #10
    المحبوووبه غير متواجد حاليا عضو روعه
    تاريخ التسجيل
    Sep 2009
    الردود
    684
    مشكوره يا قلبي موضوعك قمه في الروعه . تقبلي عزيزتي مروري وانتضر جديدك ...سبحان الله والحمدلله والله اكبر

صفحة 1 من 2 12 الاخيرةالاخيرة

Content Relevant URLs by vBSEO ©2011, Crawlability, Inc.