like facebook


views : 39266 | replycount : 27
صفحة 1 من 3 123 الأخيرةالأخيرة
النتائج 1 إلى 10 من 28
  1. #1
    عبق الشام
    عبق الشام غير متواجد حالياً صاحب امتياز
    تاريخ التسجيل
    Jul 2009
    الدولة
    في قلب حبيبي
    الردود
    1,029
    هي احلا زلاغيطنا المشهورة .



    و بالفصحى بتتسمى " زغاريدنا " المعمورة ..

    جعل ربي ايامنا بالصحة والفرح ..مغمورة ......





    · اوها ..... عاللعلعي عاللعلعي
    اوها ..... ويا صبايا تجمعي
    اوها ..... ويا ليل طول طول
    اوها ..... ويا شمس لا تطلعي
    وللللللييييييش





    · اوها ..... صلوا عالنبي
    اوها ..... وزيدوا صلاتو
    اوها ..... واللي مابيصلي عالنبي
    اوها ..... تطق مرارتو
    وللللللييييييش





    · اوها ..... طبخنا مجدرة
    اوها ..... وجللناهابالبصل
    اوها ..... واللي مابيحبنا
    اوها ..... على بيتومابيصل
    ولللللليييييييش





    · اوها ..... بديارنا رمانة
    اوها ..... حامضة ولفانة
    اوها ..... وحلفنا مانقطفا
    اوها ..... لتتجوز فلانة بالسلامة
    وللللللييييييش





    · اوها ..... وديارنا كبيرة
    اوها ..... ودرج الحمام فيا
    اوها ..... وام العريس فرحانة
    اوها ..... الله يهنيها
    وللللللييييييش




    · اوها ..... وبناتنامخباية
    اوها ..... ورجالنا مرباية
    اوها ..... واجهازنا عالموضة
    اوها ..... سجادة ومراية
    وللللللييييييش





    · اوها ..... وطبخنا مجدرة
    اوها ..... ومجللة بالكزبرة
    اوها ..... وعروستنا حلوة
    اوها ..... ومابدها غندرة
    وللللللييييييش





    · اوها ..... اسم العريس يا واحد
    اوها ..... اسم العروس ياتنين
    اوها ..... وخرزة زرقا
    اوها ..... ترد عنكون العين
    وللللللييييييش



    · اوها ..... وكسرنابيضة
    اوها ..... وطلعت بصفارين
    اوها ..... وكل الناس بفرحه
    اوها ..... ونحنابفرحتين
    ولللللللييييييييش






    · اوها ..... ويا صحنتين
    اوها ..... ومجلل بالياسمين
    اوها ..... وعروستنا صغيره
    اوها ..... وما طبقت العشرين
    ليليليييييييش





    · اوها ..... وامشي دئا دئا
    اوها ..... يا صنوبر منقى
    اوها ..... كل الفرحات بطالة
    اوها ..... الا فرحتنا من حقا
    وللللللييييييش



    · اوها ..... وياصحن مجدرة
    اوها ..... ومجلل بالكزبرة
    اوها ..... واللي مابحبك ياعروس
    اوها ..... ان شاء الله بيلزق بسفل الطنجرة
    ولللليييييييش







    · اوها ..... ياخوخ بغبارو
    اوها ..... ويا ورد بزرارو
    اوها ..... واللي مابيحبك ياعريس
    اوها ..... لتنخرب ديارو
    وللللييييييييييش





    · اوها ..... ام العروس الهي يعطيكي..
    اوها ..... والسعادة بتواتيكي..
    اوها ..... وعئبال فرحتك بالكمالة..
    اوها ..... وبنجي بنكافيكي..
    وللللللييييييش..



    · اوها ..... الدهب بقفاصو
    اوها ..... والالماس بجراصو
    اوها ..... واللي بياخد من بناتنا
    اوها ..... بيمشي وبيرفع راسو
    ولللللللييييييش






    اوها ..... ام العريس انا جوعانة..
    اوها ..... وبدنا صفيحةمامرة..
    اوها ..... وانشالله بتضلي سالمة..
    اوها ..... ودياركم معمرة..
    وللللللييييييش






    اوها ..... يا عريس لاتعبس..
    اوها ..... فريد البئجة والبس..
    اوها ..... شواربك عروءالريحان..
    اوها ..... وسوالفها عروء النرجس..
    وللللللييييييش






    اوها ..... يا جماعة كلكون
    اوها ..... وما نسينافضلكون
    اوها...... واليوم عنا
    اوها ..... وانشا الله بكرة عندكون
    ولللللليييييييش






    · اوها ..... تشي بشي
    اوها ..... وطبخنا محشي
    اوها ..... نحنابيت فلان
    اوها ..... وبيلبقلنا كل شي
    ولللللليييييييش





    · اوها ..... يا صحن رزبحليب
    اوها ..... كل مابرد بيطيب
    اوها ..... وكلنا اهليه
    اوها ..... ومافي حداغريب
    ولللللليييييييييش







    · اوها ..... وياما اعدو جنبي
    اوها ..... وياما حرقوا قلبي
    اوها ..... وقالوا فلان مابيتجوز
    اوها ..... تجوز ونصرني ربي
    وللللللييييييش





    اوها ..... يا عريس ريتو مبارك
    اوها ..... يا عريس السبع بركات
    اوها ..... انشالله لما يجيك الصبي
    اوها ..... بتكمل الفرحات
    وللللللييييييش




    اويها خطوة خطوة وع مهلك
    اويها يقبروني محلا هالعينين
    اويها قومي تنقلي ع الدرب
    اويها وطقت قلوب العدوين
    اويها تنقلي يا نور العين
    اويها خطوة خطوة وخطوتين


    لي لي لي لي ليش


    اويها وحصنتك بياسين
    اويها يا زهرة البساتين
    اويها يا مصحف صغير مطوي
    اويها يا عروسة السلاطين


    لي لي لي لي ليش







    اويها يا عروس قيمي هالغطا وارميه
    اويها يسعد يلي حبوك ويلي سعا فيه
    اويها هالوجه دورة قمر والعين تغزل فيه
    اويها والخصر شلة حرير والعريس ساح فيه


    لي لي لي لي ليش





    اويها لبست الابيض ومرقت بالوادي
    اويها اصطادها يا غزيل ان كنت صيادي
    اويها اصطادها يا غزيل من بين رفقاتها
    اويها مين يلي علمك صيد الغزلاني؟


    لي لي لي لي ليش







    اويها طلعت لعندك لاخد دوا للعين
    اويها نزلت من عندك اعمى من التنتين
    اويها لا انا قتيل واحد ولا انا قتيل تنتين
    اويها انا قتيل الحواجب فوق هدب العين


    لي لي لي لي ليش







    اويها يا عروس بيضا عم تقطف حب الرمان
    اويها والمسك بجيابها عم يفوح ريحان
    اويها ما قلتلك يا عريس عروستك ما لها تاني
    اويها انت ثريا بالسما وهي الكوكب التاني


    لي لي لي لي ليش





    اويها شو اكلت امك لجابتك حلوة
    اويها اكلت القلب والمعلاق والكلوة
    اويها يا عروستنا شو حطت ع راسها
    اويها حطت زهور وياسمين وفلة


    لي لي لي لي ليش




    اويها يا عروس ارفعي راسك
    اويها ولا تستقلي بناسك
    اويها والوردة حمرة خدودك
    اويها والياسمين هو فراشك


    لي لي لي لي ليش





    اويها عصفور عالدالية والبلبل عم يترغلو
    اويها ويلي بياخد بنت الاكابر الله يسهلو
    اويها لروح لابو العريس وقف وقلو
    اويها وعروستنا بتسوى عسكرك كلو


    لي لي لي لي ليش




    ولي تعبت نزلو لوزاتي


    اويها وخلصت زلاغيطنا
    اويها وانشالله تكون عجبتكن
    اويها وعقبال ما تقولوها باعراس ولادكن
    اويها وانشالله بتتزكرونا بالخير

    وليليليليليليلليليليليليل ليليشش





  2. #2
    ام مجدولين غير متواجد حالياً عضو روعه
    تاريخ التسجيل
    Aug 2009
    الدولة
    سوريا
    العمر
    26
    الردود
    358
    موضوعك ممتع ورائع مشكورة والله يعطيكي الف عافية

  3. #3
    مدينة الحب
    مدينة الحب غير متواجد حالياً مشرفة سابقة
    تاريخ التسجيل
    Mar 2009
    الدولة
    ؛¤ّ,¸¸,ّ¤؛°`°؛¤ ســــــــوريــّة *الكويــــت¤؛°`°؛¤ّ,¸¸,ّ¤؛
    الردود
    3,489
    لك الله يعطيكي العافية ويسلم تمك وتسلم زلاغيطك
    والله حسيت حالي بعرس حقيقي
    مشكورة عبوقة ولاتحرمينا جديدك

  4. #4
    الشـ ريـم ــام
    الشـ ريـم ــام غير متواجد حالياً مشرفة سابقة
    تاريخ التسجيل
    Sep 2009
    الدولة
    الشّــ(•'.'•)ــام دمّي وحبّي وعشقي
    الردود
    2,095
    لك من ايدين مانعدما ياحق.. ماتبلي وماتخي ع هالزلاغيط.. خخخخخخخ مبارح كنت بعرس النا وقالو بعض منن.. وفي منهن بيضحكوكي عصب من عنك.. تسلمي عبوقة عموضوعك الرائع...

  5. #5
    عبق الشام
    عبق الشام غير متواجد حالياً صاحب امتياز
    تاريخ التسجيل
    Jul 2009
    الدولة
    في قلب حبيبي
    الردود
    1,029
    مشكورة ام مجدولين على الرد الجميل



    لك الله يعافي قلبك يا لوف لوفة وتسلم دياتك
    مشكورة على مرورك






    لك اهلين ريم الحلوة وانشالله دائما بتكون ايامك فرح واعراس وعقبال ما تقوليهم بعراس حبايبك

  6. #6
    رغدالشهري
    رغدالشهري غير متواجد حالياً عضو ممتاز
    تاريخ التسجيل
    Jun 2009
    الردود
    261
    الله يعطيكي العافية وعلى فكرة اةنا بحب الزلاغيط كتير وبنبسط لمل بسمعها مشكور

  7. #7
    عبق الشام
    عبق الشام غير متواجد حالياً صاحب امتياز
    تاريخ التسجيل
    Jul 2009
    الدولة
    في قلب حبيبي
    الردود
    1,029
    الله يعافي قلبك يا رغودة تسلميلي اذا بتحبي الزلاغيط كل يوم بزلغطلك هههه غالي والطلب رخيص ولو
    مشكورة على مرورك الجميل

  8. #8
    عبق الشام
    عبق الشام غير متواجد حالياً صاحب امتياز
    تاريخ التسجيل
    Jul 2009
    الدولة
    في قلب حبيبي
    الردود
    1,029
    الله يعافي قلبك يا رغودة تسلميلي اذا بتحبي الزلاغيط كل يوم بزلغطلك هههه غالي والطلب رخيص ولو
    مشكورة على مرورك الجميل

  9. #9
    mr.rami غير متواجد حالياً موقوف
    تاريخ التسجيل
    Mar 2009
    الدولة
    mSaaaafr
    الردود
    3,033
    هههههه
    الله يعطيكي العافيه يا عبيق الشام
    بدي منك خدمه لو سمختي فيكي تعطيني كم زلغوطه بعرسي ههع
    ما شاء الله عليكي انا ببصملك بالعشره انك شاميه اصلي هه

  10. #10
    عبق الشام
    عبق الشام غير متواجد حالياً صاحب امتياز
    تاريخ التسجيل
    Jul 2009
    الدولة
    في قلب حبيبي
    الردود
    1,029
    يا هلا روميو ....يا روميو امانة والله انا عبق ومو عبيق بلييييييييز ظبت
    ومشان الزلغيط اي مو تكرم عينك انت عزمني وانا بزلغطلك للصبح ههههه
    مشكور على مرورك لك كل الود ..
    التعديل الأخير تم بواسطة عبق الشام ; 08/10/2009 الساعة 11:46 PM

صفحة 1 من 3 123 الأخيرةالأخيرة

من قرأ الموضوع: 0

قائمة الاعضاء تم تعطيلها بواسطة الادارة.

كلمات الموضوع الدليلية

عرض صفحة الكلمات الدليلية

بنات السعودية
Content Relevant URLs by vBSEO ©2011, Crawlability, Inc.