like facebook


views : 26754 | replycount : 2
النتائج 1 إلى 3 من 3
  1. #1
    جميلة النساء غير متواجد حالياً صاحب امتياز
    تاريخ التسجيل
    Sep 2008
    الردود
    1,152
    المرحلة الاولى



    مرحلة ما قبل الصبغة



    وفي المرحلة دي لازم تهتمي بشعرك جدا لمدة شهر على الاقل قبل ما تصبغيه

    خاصة لو كان شعرك من النوع الضعيف او اللي اطرافه مقصفة

    لان في الحالة دي هتبقي محتاجة تعملي حمامات زيت او كريم لشعرك مرة كل اسبوع قبل ما تفكري في صبغ شعرك...

    ولازم تستخدمي الشامبو والبلسم المناسبين لنوع شعرك

    وياريت تكثري من استخدام البلسم على اطراف شعرك خاصة لو كانت الاطراف دي مقصفة.

    وخدي بالك انك تسيبي شعرك بدون غسيل او استخدام اي نوع من انواع الكريمات او الزيوت لمدة يوم قبل الصبغ.




    المرحلة التانية

    اختيار اللون المناسب




    عايزة اقول لك خدي بالك انك مش لازم تعتمدي على الالوان الموضة في اختيار لون شعرك

    لانها ممكن تكون مش مناسبة لك

    واعتمدي في اختيارك على الالوان المناسبة للون بشرتك ولون عينيك..


    • لو كانت بشرتك بيضاء ولون عينيك اخضر او ازرق
    يبقى هتلاقي ان اللون الاشقر الرمادي والاشقر البني هما المناسبين لك وابعدي نهائيا عن الاشقر الذهبي المائل للاصفر.

    • اما اذا كان لون بشرتك ابيض ولون عينيك عسليا
    يبقى هتلاقي ان اللون المناسب لك هو الكستنائي الفاتح او البني المائل للاشقر او النحاسي.

    • اما اذا كان لون بشرتك خمريا ولون عينيك عسليا
    يبقى اللون المناسب هو درجة فاتحة من درجات النحاسي وكمان الاسود مناسب لك جدا.

    • واذا كانت بشرتك بيضاء ولون عينيك اسود
    يبقى اللون المناسب هو البني بدرجاته.

    • واذا كانت بشرتك سمراء او خمرية ولون عينيك بني غامق
    يبقى اللون المناسب لك هو الاحمر الداكن او الخوخي.


    كمان خدي بالك

    ان لو شعرك قصير يبقى لونيه كله بلون واحد اما اذا كان شعرك طويلا يبقى بلاش تلونيه كله بلون واحد
    وكفاية قوي تفتحي بعض الخصلات المحيطة بالوجه لان دي هتنور وشك وهتزيد جماله.



    المرحلة الثالثة

    اختبار الصبغة



    ساعات بتختاري لون معين من الكتالوج بتاع الصبغة

    ولما تيجي تعملي اللون ده تلاقيه مش مناسب او تلاقي ان الدرجة دي مش هي نفس الدرجة اللي انت عايزها...

    وعلشان تتفادي المشكلة دي

    ياريت تجربي تصبغي خصلة واحدة من شعرك وبعد كده شوفي اذا كان اللون ده هو اللون المطلوب ولا لا.



    المرحلة الرابعة

    تجهيز ادوات الصبغة



    بعد ما اخترت اللون المناسب هتبدئي تجهزي ادوات الصبغة وكل اللي هتحتاجيه:

    1 علبة الصبغة باللون المناسب.
    2 جوانتي بلاستيك علشان تحمي ايدك واظافرك من التلون بلون الصبغة.
    3-علبة فازلين ودي علشان تدهني بها حدود وشك وتدهني رقبتك كمان وده لحمايتهما من لون الصبغة.
    4-ملابس قديمة علشان تلبسيها وانت بتصبغي شعرك واوعي تنسي الفوطة الكبيرة علشان تحطيها على كتفك.
    5-مشط باسنان رفيعة.
    6 مساكات للشعر.
    7-فرشاة الصبغ.



    المرحلة الخامسة

    ازاي تستخدمي الصبغة على شعرك



    دلوقت بقى يا قمر اهم مرحلة وهي انك تبتدي تصبغي شعرك .

    تعالي نشوف ازاي...

    1 حضري الصبغة زي ما بيكون مكتوب على العلبة بتاعتها من بره او في النشرة الداخلية ليها.
    2 قسمي شعرك الى اربع مناطق من الاسفل الى الاعلى وامسكي كل جزء بمساكات الشعر.
    3 هات فرشاة الصبغة وحطيها في الصبغة وبعد كده ابدئي في توزيع الصبغة على شعرك من بداية نمو الشعر وياريت تبدئي بخصلات شعرك الخلفية.
    4 بعد ما تدهني خصلة شعرك كويس بالصبغة هات المشط ومشطي الخصلة دي وبعد كده لميها بمساكات الشعر وكملي باقي شعرك بعد الانتهاء من الخلف اتجهي الى المناطق اللي على جنب وبعد كده اتجهي الى الامام.
    5 لو كان شعرك ابيض وعايزة تصبغيه باللون الاسود يبقى ابدئي من مكان وجود اللون الابيض وعادة ما يكون من الامام الى الخلف.
    6 خدي بالك وانت بتوزعي الصبغة على شعرك انك تحطي كمية كافية لكل شعرة وتصبغيه جزء بعد جزء ويكون التوزيع مساوي جدا
    والا شعرك هيطلع فيه اكثر من درجة من نفس اللون ومش هيكون كله لونه واحد.
    7 بعد انتهاء الوقت المطلوب اللي بيكون مكتوب على العلبة بتاعة الصبغة اغسلي شعرك بمياه فاترة كويس اكثر من مرة
    لغاية ما تزول الصبغة من على شعرك وبعد كده اغسلي شعرك بالبلسم المخصوص للعناية بالشعر المصبوغ اللي عادة بيكون موجود في علبة الصبغة نفسها سيبي البلسم على شعرك لمدة خمس دقائق وبعد كده اشطفي شعرك بالمياه الفاترة وبعد كده الباردة.
    8 خدي بالك انك مش هتقدري تحكمي على لون الصبغة الا بعد ما شعرك ينشف





  2. #2
    اشراقه طفله غير متواجد حالياً عضو جميل
    تاريخ التسجيل
    Apr 2009
    الردود
    125
    شكلالالالالالالالالالالال الالالالالالالالالالالالا لالالالالالالالالالالا

  3. #3
    غد مشرق غير متواجد حالياً عضو مجتهد
    تاريخ التسجيل
    Jul 2009
    الردود
    41
    يسلموووووووووووووو وو

بنات السعودية
Content Relevant URLs by vBSEO ©2011, Crawlability, Inc.