like facebook


views : 74134 | replycount : 1
النتائج 1 إلى 2 من 2

قصائد حزن و عتاب وحب

هلاا والله اليووم جايبتلكم قصاائد حزن منوووعه ان شاء الله تعجبكم يااارب:019: لاتشتري من حاولو يخسرونك *** ولاتخسر الي فكر بيوم يشريك مافيه اجمل من صديق يصونك *** ولا

  1. #1
    الصورة الرمزية الان سحر وثه
    الان سحر وثه غير متواجد حالياً عضو مجتهد
    تاريخ التسجيل
    Aug 2009
    الردود
    33
    معدل تقييم المستوى
    0

    Post قصائد حزن و عتاب وحب

    هلاا والله اليووم جايبتلكم قصاائد حزن منوووعه ان شاء الله تعجبكم ياااربقصائد حزن و عتاب وحب 019.gif

    لاتشتري من حاولو يخسرونك *** ولاتخسر الي فكر بيوم يشريك
    مافيه اجمل من صديق يصونك *** ولا فيه اقسى من قريب يعاديك
    انا ورب البيت لو يخذلونك *** مهما حصل لايمكن اني اخليك


    لاتحسب اني إذا ابطيت ناسيك *** ماينسى عشرة صاحبه غير الانذال
    حدتني ظروفي على البعد لاجيك*** هم بوسط القلب والدمع همال
    ولا انت ياكل الغلا افتخر فيك*** وحبك سكن داخل فؤادي ولا زال



    خزنت لك بالقلب عشرة ملايين *** ماهو رصيد فلوس لكن مودة
    زكاة فطرك تغني جميع المساكين *** من الساحل الشرقي الى حد جده
    وامشي معك والله على العسر واللين *** والموت والمقسوم محدٍ يرده



    يارفيق الدرب ماصدق نسيت *** خابرك مهما تعذبني حنون
    لاذكرت ايامك الحلوة بكيت *** ماتهون ايام ودك ماتهون
    راحتي وياك لامنك صغيت *** في ثواني كلها بوح وشجون
    ولاقريت ابيات الرساله وانتهيت*** ودي اعرف في حياتك من اكووووون ؟؟؟



    ياغايب عني لك الحب ماغاب *** مته تجي تشوف همي بعينك
    ماطاب لي جرح ولا خاطري طاب *** مته يديني تحتضنها يدينك
    ياصاحبي لو قالو الوقت كذاب *** يكفي كلامك ودافي حنينك
    لو ان قصدي في الزمن كثر الاحباب *** ماقلت ياساكن الروح وينك


    فدوة عيونك لو غدت روح مغليك *** وش عاد لو راحت لعينك عشاير
    ابيع مايغلى على الكون واشريك *** واسوق لي جتني اعلومك بشاير
    وازعل جميع الناس بالحيل وارضيك *** واصبر ولو دارت على الدواير

    قصائد حزن و عتاب وحب 019.gif

    مايصير انساك لا مايصير *** في خفوقي لك محبه واحترام
    قبلك الدنيا مثل حلم صغير *** وعقبك الدنيا غرام في غرام
    انت مثل النور في عين الضرير*** لالمحتك مابقى حولي ظلام
    فيك عمري فيك روحي والمصير ***فيك كل ايام عمري والسلام


    كتبت انا في تالي الليل بيتين *** لعيون من يسوى جميع الخلايق
    إلي معاهدني على الزين والشين *** وإلي بشوفة يصبح الفكر رايق
    الصاحب إلي منزله داخل العين *** هو الخوي وقت السعه والضوايق


    يفداك عمري يابعد عمر مغليك *** وتفداك روحي والعيون وسهرها
    ابيع كل الناس يازبن واشريك *** والناس لأجلك مستعد اخسرها
    امر وحنا ياهوى البال نرضيك *** يابسمة ايام العمر ياقمرها

    قصائد حزن و عتاب وحب 019.gif
    حبٍ يغيب وصاحبه مابعد غاب *** وحبٍ يدوم وصاحبه في غيابه
    وحبٍ يذوب خافقٍ مابعد ذاب *** وحبٍ يداوي صاحبه من عذابه
    وحبٍ حياته كلها لوم وعتاب *** وحبٍ حقيقي مايضرك عتابه
    وحبٍ بلا معنى وحبٍ بلا اسباب *** يبدأ غريب وينتهي في غرابه


    سلام مني ياصلك فوق بطه *** بطه كبيرة من كبار البطاطي
    ياراكبٍ ديك سريع محطه *** ان طار طاح ولا تشيله مواطي
    بعض العرب ودك لسانه تربطه *** وإذا انفلت زودٍ عليه الرباطي
    والحبل في دنياك لازم تنطه *** والشوي مايصلح بليا طماطي

    قصائد حزن و عتاب وحب 019.gif
    لاتحسب اني إذا ابطيت ناسيك *** ماينسى عشرة صاحبه غير الانذال
    حدتني ظروفي على البعد لاجيك *** همٍ بوسط القلب والدمع همال
    ولا أنت ياكل الغلا افتخر فيك *** وحبك سكن داخل فؤادي ولا زال

    سلام ياحرٍ على بيض الاوكار *** حرٍ مواقيعه بروس الجبال
    حرٍ ليا وقع وحرٍ ليا طار*** وحرٍ يهابونه قروم الرجالي
    حلياه تذهل كل عاشق وصقار*** عند العرب يضرب بطيبه مثالي
    قصائد حزن و عتاب وحب 019.gif
    خاص لك انت ه
    الخواطر سايحه والشك زال ** ومن عرف مثلك عرف قيمة خويه
    والذهب وان حاولوا ماله بدال ** والمشاعر بالغلا ماهي خفيه
    والنوايا الصافيه اصدق دلال ** ويشهد الله شوفتك مثل الهديه


    بعض المواقف تجي وتروح ماتبقى ** وبعض المواقف صداها بالعمر باقي
    ياصاحبي لامعي تتعب ولاتشقى ** يتبدل الوقت واخلاقي هي اخلاقي
    إن جيت ارحب واذا ماجيتني تبقى ** مال الردي والطيب عهد وميثاقي

    قصائد حزن و عتاب وحب 019.gif

    تفضل ترى بالقلب دارك ومنزالك ** على ماتبي نفسي تجي وانت راعيها
    ترفق بقلب صرت تلعب به لحالك ** يقول القصايد وانت بعده تغنيها
    أحبك وأحب اسمك ورقمك وجوالك ** وأحب الديار اللي رجولك مشت فيها

    قصائد حزن و عتاب وحب 019.gif
    ماكل عين تذرف الدمع بأحزان ** وماكل من يضحك يعيش بسعاده
    كم واحد دمعه على الخد هتان ** من زود همه يذرف الدمع عاده
    يحاول انه يبتسم قدر الامكان ** ويضحك ونار الحزن تحرق فؤاده

    قصائد حزن و عتاب وحب 019.gif
    عزاه ياقلب ظروفه تحداه ** مامر به يوم من الهم سالي
    وعزاه ياقلب فقد كل قواه ** وشدة عليه الحمل سود الليالي
    على حبيب مابقى غير ذكراه ** اللي بنومي شفت زوله قبالي
    وفزيت من نومي ابي القرب وياه ** وجدت نفسي في فراشي لحالي

    قصائد حزن و عتاب وحب 019.gif
    ماكل من يضحك بوجهك يودك ** ولا كل من يبكي بكى صدق واحساس
    أحدٍ بكى في غيبتك يوم صدك ** وأحدٍ ضحك يومك عليل ومحتاس
    عش في حقيقه واعرف اللي يحبك ** واعرف قدر من هو يعزك من الناس

    قصائد حزن و عتاب وحب 019.gif
    سلام لك من صادق القلب مشروح ** ياللي غلاك بداخل القلب ماراح
    ناس تجي وتروح ماهزت الروح ** وناس غلاها ثابت وسط الارواح
    ياللي بنيت من الوفا قصر وصروح ** قصر مشيّد مع هل الجود ماطاح
    قصائد حزن و عتاب وحب 019.gif

    ياصاحبي كلن يولم جوازه ** ترى رفيقك خاطره حيل تعبان
    اسرع تراني متجه يم كازه ** ودي ترافقني على خط تطوان
    ناس كرمهم في بنات وقزازه ** وحنا نحسب ان الكرم ذبح خرفان
    قصائد حزن و عتاب وحب 019.gif

    ماني من اللي يرخص النفس لاضاق ** ولاني من اللي يرخص اليوم غالي
    سبحان ربي كرم النفس بأخلاق ** الطيب عمي ومصدر الجود خالي
    واللي يبيني يمه الروح تنساق ** واللي سلاني عنه القلب سالي

    قصائد حزن و عتاب وحب 019.gif
    وهذي مسجااااات حزن وعتااااااب قصائد حزن و عتاب وحب 027.gif
    أخذت من الزمن حكمة

    وتبقي للأبد نبراس

    متي ماطال بي العمر

    تبقي دوم بلساني

    عرفت إن الخيانة طبع في عمر الزمن والناس

    إذا ماخان بك واحد أكيد بيخون بك ثاني

    محتاجك بدنيا قست فيها قلوب البشر

    محتاجك في وقت تعب مني الصبر

    ياخوفي تغيب والوقت علي يمر

    آآآه وياخوفي ماألقاك والدنيا بعدك ماتسر

    حبيبي تعال تعال تعال تعال لاتنسي قلب صانك ولا عمره غدر.



    ماني الوحيد إللي من الحب مجروح

    كم واحد بهدنيا من الحب قد صاح

    بعض الألم ياخذ أيام ويروح

    وبعض الألم تمضي له شهور وسنين ماراح

    إذا الهوي عندك سواليف وضحك ومزوح

    أنا بقلبي آهات وحزن والآم وتناهيد وجراح


    قصائد حزن و عتاب وحب 023.gif
    إلتفت صوبي وعاهدني عهد
    قبل تنساني تنسيني غلاك عفت أنا حبك
    ومليت من دربك
    وصار فراقنا أرحم
    من التعذيب في نارك
    انا مليت ذاك الحب
    ولاعندي امل رجعه
    لغيري وفر أعذارك
    نويت أبعد
    نويت أنساك
    وإذا عيني لمحت عينك
    نسيت كل ماقلته
    " وحبيتك "



    ::: انشالله تعجبكم::-

  2. #2
    الصورة الرمزية بن دلوعه وته
    بن دلوعه وته غير متواجد حالياً عضو ممتاز
    تاريخ التسجيل
    Aug 2009
    الردود
    162
    معدل تقييم المستوى
    5

    رد: قصائد حزن و عتاب وحب




المواضيع المتشابهه

  1. قصائد عتاب جنان
    بواسطة ألين الشمري في المنتدى منتديات شعرية قصيدة و قصائد و ابيات
    المشاركات: 25
    آخر رد: 09/12/2012, 03:21 PM
  2. . قصائد ( عتاب .. محبه .. شوق ) .
    بواسطة miss-.-s0os0o في المنتدى منتديات شعرية قصيدة و قصائد و ابيات
    المشاركات: 1
    آخر رد: 03/12/2010, 04:01 AM
  3. قصائد عتاب - قصائد عتاب
    بواسطة المفائلة في المنتدى منتديات شعرية قصيدة و قصائد و ابيات
    المشاركات: 2
    آخر رد: 13/09/2010, 12:58 AM
  4. هذي من اقوى قصائد عتاب قريتها اتمنى انها تعجبكم
    بواسطة مجامل زمانه في المنتدى منتديات شعرية قصيدة و قصائد و ابيات
    المشاركات: 4
    آخر رد: 01/09/2010, 05:29 AM

كلمات الموضوع الدليلية

صلاحيات المواضيع والردود

  • لا يمكن إضافة مواضيع جديدة
  • لا يمكن الرد على المواضيع
  • لا يمكن إرفاق ملفات
  • لا يمكن تعديل مشاركاتك
  •  

Content Relevant URLs by vBSEO ©2011, Crawlability, Inc.