like facebook


views : 75763 | replycount : 1
النتائج 1 إلى 2 من 2
  1. #1
    تاريخ التسجيل
    Aug 2009
    الردود
    33
    هلاا والله اليووم جايبتلكم قصاائد حزن منووعه ان شاء الله تعجبكم ياارب



    لاتشتري من حاولو يخسرونك * ولاتخسر الي فكر بيوم يشريك
    مافيه اجمل من صديق يصونك * ولا فيه اقسى من قريب يعاديك
    انا ورب البيت لو يخذلونك * مهما حصل لايمكن اني اخليك


    لاتحسب اني اذا ابطيت ناسيك * ماينسى عشرة صاحبه غير الانذال
    حدتني ظروفي على البعد لاجيك** هم بوسط القلب والدمع همال
    ولا انت ياكل الغلا افتخر فيك** وحبك سكن داخل فؤادي ولا زال



    خزنت لك بالقلب عشرة ملايين * ماهو رصيد فلوس لكن مودة
    زكاة فطرك تغني جميع المساكين * من الساحل الشرقي الى حد جده
    وامشي معك والله على العسر واللين * والموت والمقسوم محد يرده



    يارفيق الدرب ماصدق نسيت * خابرك مهما تعذبني حنون
    لاذكرت ايامك الحلوة بكيت * ماتهون ايام ودك ماتهون
    راحتي وياك لامنك صغيت * في ثواني كلها بوح وشجون
    ولاقريت ابيات الرساله وانتهيت** ودي اعرف في حياتك من اكوووون ؟؟



    ياغايب عني لك الحب ماغاب * مته تجي تشوف همي بعينك
    ماطاب لي جرح ولا خاطري طاب * مته يديني تحتضنها يدينك
    ياصاحبي لو قالو الوقت كذاب * يكفي كلامك ودافي حنينك
    لو ان قصدي في الزمن كثر الاحباب * ماقلت ياساكن الروح وينك


    فدوة عيونك لو غدت روح مغليك * وش عاد لو راحت لعينك عشاير
    ابيع مايغلى على الكون واشريك * واسوق لي جتني اعلومك بشاير
    وازعل جميع الناس بالحيل وارضيك * واصبر ولو دارت على الدواير



    مايصير انساك لا مايصير * في خفوقي لك محبه واحترام
    قبلك الدنيا مثل حلم صغير * وعقبك الدنيا غرام في غرام
    انت مثل النور في عين الضرير** لالمحتك مابقى حولي ظلام
    فيك عمري فيك روحي والمصير **فيك كل ايام عمري والسلام


    كتبت انا في تالي الليل بيتين * لعيون من يسوى جميع الخلايق
    الي معاهدني على الزين والشين * والي بشوفة يصبح الفكر رايق
    الصاحب الي منزله داخل العين * هو الخوي وقت السعه والضوايق


    يفداك عمري يابعد عمر مغليك * وتفداك روحي والعيون وسهرها
    ابيع كل الناس يازبن واشريك * والناس لاجلك مستعد اخسرها
    امر وحنا ياهوى البال نرضيك * يابسمة ايام العمر ياقمرها


    حب يغيب وصاحبه مابعد غاب * وحب يدوم وصاحبه في غيابه
    وحب يذوب خافق مابعد ذاب * وحب يداوي صاحبه من عذابه
    وحب حياته كلها لوم وعتاب * وحب حقيقي مايضرك عتابه
    وحب بلا معنى وحب بلا اسباب * يبدا غريب وينتهي في غرابه


    سلام مني ياصلك فوق بطه * بطه كبيرة من كبار البطاطي
    ياراكب ديك سريع محطه * ان طار طاح ولا تشيله مواطي
    بعض العرب ودك لسانه تربطه * واذا انفلت زود عليه الرباطي
    والحبل في دنياك لازم تنطه * والشوي مايصلح بليا طماطي


    لاتحسب اني اذا ابطيت ناسيك * ماينسى عشرة صاحبه غير الانذال
    حدتني ظروفي على البعد لاجيك * هم بوسط القلب والدمع همال
    ولا انت ياكل الغلا افتخر فيك * وحبك سكن داخل فؤادي ولا زال

    سلام ياحر على بيض الاوكار * حر مواقيعه بروس الجبال
    حر ليا وقع وحر ليا طار** وحر يهابونه قروم الرجالي
    حلياه تذهل كل عاشق وصقار** عند العرب يضرب بطيبه مثالي

    خاص لك انت ه
    الخواطر سايحه والشك زال ومن عرف مثلك عرف قيمة خويه
    والذهب وان حاولوا ماله بدال والمشاعر بالغلا ماهي خفيه
    والنوايا الصافيه اصدق دلال ويشهد الله شوفتك مثل الهديه


    بعض المواقف تجي وتروح ماتبقى وبعض المواقف صداها بالعمر باقي
    ياصاحبي لامعي تتعب ولاتشقى يتبدل الوقت واخلاقي هي اخلاقي
    ان جيت ارحب واذا ماجيتني تبقى مال الردي والطيب عهد وميثاقي



    تفضل ترى بالقلب دارك ومنزالك على ماتبي نفسي تجي وانت راعيها
    ترفق بقلب صرت تلعب به لحالك يقول القصايد وانت بعده تغنيها
    احبك واحب اسمك ورقمك وجوالك واحب الديار اللي رجولك مشت فيها


    ماكل عين تذرف الدمع باحزان وماكل من يضحك يعيش بسعاده
    كم واحد دمعه على الخد هتان من زود همه يذرف الدمع عاده
    يحاول انه يبتسم قدر الامكان ويضحك ونار الحزن تحرق فؤاده


    عزاه ياقلب ظروفه تحداه مامر به يوم من الهم سالي
    وعزاه ياقلب فقد كل قواه وشدة عليه الحمل سود الليالي
    على حبيب مابقى غير ذكراه اللي بنومي شفت زوله قبالي
    وفزيت من نومي ابي القرب وياه وجدت نفسي في فراشي لحالي


    ماكل من يضحك بوجهك يودك ولا كل من يبكي بكى صدق واحساس
    احد بكى في غيبتك يوم صدك واحد ضحك يومك عليل ومحتاس
    عش في حقيقه واعرف اللي يحبك واعرف قدر من هو يعزك من الناس


    سلام لك من صادق القلب مشروح ياللي غلاك بداخل القلب ماراح
    ناس تجي وتروح ماهزت الروح وناس غلاها ثابت وسط الارواح
    ياللي بنيت من الوفا قصر وصروح قصر مشيد مع هل الجود ماطاح


    ياصاحبي كلن يولم جوازه ترى رفيقك خاطره حيل تعبان
    اسرع تراني متجه يم كازه ودي ترافقني على خط تطوان
    ناس كرمهم في بنات وقزازه وحنا نحسب ان الكرم ذبح خرفان


    ماني من اللي يرخص النفس لاضاق ولاني من اللي يرخص اليوم غالي
    سبحان ربي كرم النفس باخلاق الطيب عمي ومصدر الجود خالي
    واللي يبيني يمه الروح تنساق واللي سلاني عنه القلب سالي


    وهذي مسجاااات حزن وعتااااب
    اخذت من الزمن حكمة

    وتبقي للابد نبراس

    متي ماطال بي العمر

    تبقي دوم بلساني

    عرفت ان الخيانة طبع في عمر الزمن والناس

    اذا ماخان بك واحد اكيد بيخون بك ثاني

    محتاجك بدنيا قست فيها قلوب البشر

    محتاجك في وقت تعب مني الصبر

    ياخوفي تغيب والوقت علي يمر

    اااه وياخوفي ماالقاك والدنيا بعدك ماتسر

    حبيبي تعال تعال تعال تعال لاتنسي قلب صانك ولا عمره غدر.



    ماني الوحيد اللي من الحب مجروح

    كم واحد بهدنيا من الحب قد صاح

    بعض الالم ياخذ ايام ويروح

    وبعض الالم تمضي له شهور وسنين ماراح

    اذا الهوي عندك سواليف وضحك ومزوح

    انا بقلبي اهات وحزن والام وتناهيد وجراح



    التفت صوبي وعاهدني عهد
    قبل تنساني تنسيني غلاك عفت انا حبك
    ومليت من دربك
    وصار فراقنا ارحم
    من التعذيب في نارك
    انا مليت ذاك الحب
    ولاعندي امل رجعه
    لغيري وفر اعذارك
    نويت ابعد
    نويت انساك
    واذا عيني لمحت عينك
    نسيت كل ماقلته
    " وحبيتك "



    :: انشالله تعجبكم::-




  2. #2
    تاريخ التسجيل
    Aug 2009
    الردود
    162



من قرأ الموضوع: 0

قائمة الاعضاء تم تعطيلها بواسطة الادارة.

كلمات الموضوع الدليلية

عرض صفحة الكلمات الدليلية

بنات السعودية
Content Relevant URLs by vBSEO ©2011, Crawlability, Inc.