like facebook


views : 5198 | replycount : 1
النتائج 1 الى 2 من 2
  1. #1
    تاريخ التسجيل
    Oct 2008
    الردود
    11
    [اكثر من 100 ابوذية انشالله تعجبكم 021.gifاكثر من 100 ابوذية انشالله تعجبكم 021.gifهنجل كلبي من شافك .......... ودرباك

    ديكورات جبس بورد اقواس
    ديكورات جبس بورد للتلفزيون
    ديكورات جبس بورد للبلازما
    ديكورات جبس بورد للاسقف
    ديكورات جبس بورد للحائط
    ديكور جبس غرف نوم للعرسان
    ديكور جبس غرف نوم رومانسية
    ديكور جبس غرف نوم اولاد
    ديكور جبس غرف نوم بنات
    ديكور جبس غرف نوم كلاسيك
    ديكور جبس غرف نوم كويتيه

    فراشة حواء
    مجلة فراشة حواء
    وحرت شلون اعلمنك ......... ودرباك
    كضيتة زحوف شارعكم .......... ودرباك
    زلغت الركب وعكوس ادية
    .............................

    العشك يهديب عمري ........... كلفاني
    وحبنة بغير حبكم .......... كلة فاني
    سهمك من رميتة .......... كل لفاني
    شك صدري وجزاني ورد علية

    .........................

    حبيبي انة منك ......... ونتة مني
    وحس كلمن يون لك ........ ونتة مني
    اجت احزان دهرك ........ وانتمن لي
    وصرت يفلان ماوى لكل رزية

    ......................
    شكثر انة احسب لجيتك ........ وعدلك
    وسهرت الليل اتاني ........ وعدلك
    اريدن بيدي اعوجنك ........ وعدلك
    وعدلك لو متت مابين ادية
    ........................

    ابد ما اصطبيلك .............. وانتبهلك
    واحذر حيل مني ............. وانتبه لك
    انة باهلي ازامط ............. وانتة بهلك
    واذا اهلك زلم هدهم علية
    ........................

    الاحبة روحي بروحة .......... مذابة
    زعل وياي لو ادري .......... مذابه
    ذبني بلا سبب وانة .......... مذابه
    هجرني وصاح حبك بس اذية
    .......................

    عليكم من سلام الله .......... ورحمة
    وحن عالكلب مرة .......... ورحمة
    اذا رايد اجر انت ......... ورحمة
    تعال انطيني بوسة وحن علية

    ......................

    اجيك بلهفة اتعنة ............. وهملك
    ولتضن يوم املنك ............. وهملك
    اذا ضنيت متاكد ............. وهم لك
    لان ميصح متوهم صافي نية
    .........................

    كلمن كال سوف اعمل ........ وسبني
    جنة بحجية شتمني ........ وسبني
    اكلة من الوطن اطلع ........ وسبني
    انة ابني الوطن بثنين ادية

    ........................

    الفكر من عقلي طار .......... شتمني
    وعليك الما يشتمن .......... شتمني
    بعد هالذل يروحي ......... شتمني
    تمنيت روحي تاخذها المنية

    .......................

    طبع اليحفر بصحراء ........ يعراك
    ومن طبع الشجر بالطين ........ يعراك
    ومن طبع العراقي يصيح ......... يعراك
    الك يغدي العمر فدوة وهدية
    .........................

    عطشان علة جرفك ليش ........ يماي
    كل خصلة منكظهة تصيح ........ يماي
    بعيد ابعد بعد لا تلفي ........ يماي
    اذا تلفي اشك ثوب العلية
    ..........................

    بحجيك ليش بس وياي ........ شطيت
    نطيتك دمع عيني تكول ....... شطيت
    انة بدمع العيون اشطوط ....... شطيت
    وصب دجلة وفرات بين ادية
    ..........................

    الجميلة عليك لو مرت ....... قف لهة
    قصيدة عشك من تمشي ....... قفلهة
    احلفك كون من توصل ....... قفلهة
    تقفلهة بالف سركي علية
    ........................

    بت كلبي انكطع بلتك ....... وبتكم
    ردت اندلة شارعكم ....... وبتكم
    واجي خطاب لبتكم ....... وبتكم
    غصبن عالعشيرة اخذهة الية
    .........................

    الحب بحجر سجيل ...... رجماي
    ودمع لجفن فوك الوجن ...... رجماي
    حبيبي لو طلب فد يوم ...... رجماي ( رقماي )
    نطيتة الرقم والهاتف سوية
    .......................

    زوج طيور حبنة صفن ......... بس تك
    وصرنة للشماتة علج ......... بستك
    ما ادري شجاني وكمت ........ بستك
    اعذرني عالجرالك مو بدية

    ........................

    يحلوة عيوني انتي ......... ونتي رمشي
    لتزعليني منج .......... ونه ترة امشي
    راح انطيج رقمي ......... ونتي رمشي
    بس يرمش اتصل مية بالمية

    ............................

    احبج حب جنون ......... موطبيعي
    وبطلي ابييع ثكلج ........ موطة بيعي
    طبع الشهم طبعي ....... موطبيعي
    اغدر وانثني بسابع ثنية

    ...........................

    صرت للدهر صكلة ....... ونتة لاكة
    وفرح مالاك الية ...... ونتة لاكة
    يريت الوكت يفتر ........ ونتلاكة
    احضنك والحضن موساد الية

    ...........................

    العشك كاروكة يامة ............. لولة بية
    وفرني شلون فرة ............. لولبية
    احبهة وحبها خلة ............. لولة بية
    ارجف لون طاري الحب مر علية

    .........................
    الك طوبة الليالي ........... ناولني
    وعلى هجرك ااكد .......... ناوي لني
    اذا يس ترضة ذلي ......... ناو لني
    وما ارضة اذا حبك اذية

    ........................

    ورد قداح اهديلك ......... وجوري
    وريدن ضيمي احجيلك ......... وجوري
    موجر والعشك كمل ......... وجوري
    وشبه بركان حبك صار بية

    ...........................


    طار وما كلت للناس عالطار

    وشسولف عالجرح بالكلب عالطار
    جنت وياك شايل خلك عطار
    طفل ما تشتري وتلعب عليه
    *** **** **** ****
    التعب والضيم جنبي الراحه جنبك
    اشتضن من نار كلبي راح اجنبك
    عشك العقل خلص راح اجن بك
    واموت بعشرتك وابليك بيه

    ........................................

    يالبهمك ملابس ..... لابستني
    وثوب الحزن بيدك ..... لابستني
    زعلت لا صالحتني .... لا بستني
    ولا كتلي بالجذب حقك علية

    .......................

    اريد الزم خديدك ..... وشتمنة
    واريد انعل ابيك ..... وشتمنة
    تدري شراد كلبي .... وشتمنة
    على صدرك اموت وهاي هية

    ......................................

    ذهب صافي طبعنه ماصدينه
    وابد للي نودهم ماصدينه
    تصيد الناس وحنه ماصدينه
    رغم نفس المجان انذب سويه

    ......................................

    الفرح مايوم بروحي مر بيها
    ومره اكره الدنيا ومره ابيها
    حياتي اصبحت حنظل مر بيها
    اشد من المنازع بالمنيه


    ......................................

    بدمع عيني اكتبتلك خاطر اني
    والك مايوم كاسر خاطراني
    غير انت تجيني خاطري اني
    اجيك واعتني غصبن عليه


    ......................................

    رحل وحنا عرفنا النزل شطره
    وعلى بالك شنو اللي خطر شطره
    شطر عندك يريد القلب شطره
    واظن شطر الليعندك راد اخيه


    ......................................

    عسر غيري النوايب فاتحتمن
    وسهم هجرك بقلبي فات حتمن
    اكتلتني وجاي تنشد فاتحتمن
    ولا جنك رحت جناز بيه [/color][/color]




  2. #2
    شايب رومانسي
    شايب رومانسي غير متواجد حاليا ملك المنتدى
    تاريخ التسجيل
    Jan 2009
    الدولة
    في قلبي من احبني
    الردود
    17,728
    يعطيك الف عافية طرح اكثر من رائع

    ان حكوا فيني بوجهي او حكوا بي من وراي
    مالقوا غير البياض اللي قهر سود الظنون
    هيبتي حتى في غيابي تحشم النفس بقفاي
    والله اني مرعب هم يزعلون ويقعدووون

  3. كك
  4. بوس امتحانك قبل لا تكتب اللام
  5. سبحان من يرزق بتوع الملايين
  6. ياصغير لاتفلسف منت قد الارتجال
  7. ليه الحروف تغار من يوم مولدك



Content Relevant URLs by vBSEO ©2011, Crawlability, Inc.