like facebook


views : 22071 | replycount : 3
النتائج 1 الى 4 من 4
  1. #1
    ام نبيل
    ام نبيل غير متواجد حاليا مراقبة سابقه
    تاريخ التسجيل
    Aug 2009
    الردود
    9,438
    طرق و وصفات لتخسيس الصدر


    الصدرالكبير والمترهل
    اما بحالة نتيجة خلل هرمونات و علاجها مع الدكتور المتخصص اما بالهرمونات androgens او بال lipid suction اي شفط الدهون بعملية و ده شيئ مش محبذ..و انا شخصيا انصح بالتعايش معاها..هي عايزة شوية ثقة بالنفس و ممكن حلول النوع التاني تنفع في الوصول الي اصغر حجم ممكن للصدر في هذه الحالة_بس برضه مش هيبقي زي الطبيعي_لانه باختصار الحالة دي هي ان الجسم بيعتبر الصدر مكان لتخزين الدهون علي هيئة دهون هيكلية يصعب حرقه فممكن تلاقي الجسم رشيق بس الصدر_و غالبا تصحبه الارداف_متينة شوية.
    الحالة التانية هي الترهل..ودي بتخلي العضلة مش قادرة ترفع الصدر..و بالتالي اي دهون بتتخزن في الصدر ككل بتخلي الثقل يزيد علي العضلة فتترهل اكتر..و عشان كده لازم نشد العضلتين المسئولتين عن رفع الصدر(البنش الكبري و الصغري) و نحرق الدهون فوق الصدر في نفس الوقت..طب ازاي؟؟1- الرجيم العادي .. او لو قلنا النظام الغذائي ..طبيعي لما الجسم كله يخس ..الصدر كمان يخس..عادي يعني
    2- تمارين لشد العضلات .. و علي فكرة..حركة العضلة بتساعد علي تدفق الدم للمنطقة مما يودي الي زيادة معدل حرق الدهون في هذه المنطقة ..يعني نتايج هايلة.طب ايه هي التمارين؟؟انا هقول تمرينين ممتازين..و عن تجربة بس لازم قبلها نقول حاجة:التمارين لازم تبقي بالراحة و تدريجي..عشان العضلة لما تكون ضعيفة ممكن تبقي عرضة للتمزق و ده شيئ مش حلو لانه هيعطلنا لحد ما العضلة تخف..الموضوع بياخد وقت..يعني ما نستعجلش..لما شهر او اتنين نصبر و النتيجة تقعد معانا علي طول يبقي الموضوع يستاهل..طب التمارين دي كل يوم؟؟لا ..انا بنصح تلاتة ايام نتمرن و يومين راحة..و طبعا في خبراء في الموضوع
    التمرين الاول(هنفرد العضلة للجنب و نشدها بالعرض):1-النوم في وضع افقي(طبيعي يعني ما حد بينام في وضع راسي؟).2-نحمل ثقل في كل يد( حديد..بلاستيك..مخدات..او اثقال من محلات الرياضة).3-ناخذ وضع المصلوب..يعني الذراعين مفرودتين عمودي علي مستوي الجسم..ويا حبذا لو مستوي الظهر اعلي من مستوي الذراعين..ممكن مخدات تحت الظهر او ننام علي طاولة بحيث يكون الجسم عالي عن الارض و الذراعين حرين الحركة.4-يعني تفتكرو فاضل ايه؟..اكيد نبداالرفرفة..نطلع بالذراعين مع بعض في مستوي عمودي علي الصدر راسيا ثم ننزل بيهم تاني ليصبحو في نفس المستوي الافقي..و ممكن ننزل بالذراعين تحت مستوي الظهر .5-يكرر 25 مرة..لاربع مجموعات..الفرق بين كل مجموعة و التانية 1-2 دقيقة راحة.يعني 100 مرة نهائي.لا ننسي..بالراحة..و لو معرفت تجيب 100 مرة عادي ..40 حلو ..10 ماشي..بس نستمر و اكيد هنزود..
    التمرين التاني(نشد العضلات لفوق بقي)1- يا جماعة..هننام برضه..و المرة دي الذراعين ماسكين الثقل مع بعض في وضع افقي مع الجسم و مفرودتين فوق الراس.2-نطلع بالثقل عمودي علي الصدر و نرجع تاني.3-يكرر 10 مرات 5 مجموعات..و الراحة مهمة جدا 1-2 دقيقة.بس خلاصوانصح بدهان الصدر قبل البدا في التمارين بزيت لافندر(مش كولونيا لافندر)لان له تاثير حرارى ومعرق او ما يسميه البعض كريم تخسيس موضعي و دي غالبا فيها زيوت لها نفس الوظيفة..بس الحاجات دي من غير تمارين مالهاداعى..
    منفول لاهميته لكل من تعانى من الصدر الكبير والمترهل وان شاء الله يفيد الجميع





    التعديل الاخير تم بواسطة ام نبيل ; 08/11/2009 الساعة 12:26 AM

  2. #2
    غرراام
    غرراام غير متواجد حاليا مشرفة سابقة
    تاريخ التسجيل
    Jun 2009
    الردود
    3,304

  3. #3
    ام نبيل
    ام نبيل غير متواجد حاليا مراقبة سابقه
    تاريخ التسجيل
    Aug 2009
    الردود
    9,438

  4. #4
    الغواصه
    الغواصه غير متواجد حاليا عضو مجتهد
    تاريخ التسجيل
    Aug 2009
    الردود
    49


Content Relevant URLs by vBSEO ©2011, Crawlability, Inc.