سقى الله زمان فاتني مع غزير الزين
يا ليت البشر ما فات منهم يردونه


يعل كل ما فاتك من الوقت زين وشين
رجوعه عليك اصعب من السيل لمزونه

انا حد علمي بالغلا يوم طبعه زين
قبل لايطيع الي عن الحب ينهونه


سمع سالفتهم وش ورى الحب وش بعدين
ومن يومها يا قل ما القى تلفونه

اجي وافتح الMiss call يامال فرقى العين
ولا اشوف رقمه جعل الارقام يفدونه

اخيل الجهاز اقول بيتصل هالحين
واثره اقتنع في فكرة جته مجنونه

من العاذل الي شغلته تفرغة قلبين
انا اوحيت قبلي واجد الي يسبونه

عذول المحبه جعل شرواه يعطى الشين
حرمني من الي رغبتي فيه مرهونه

تغير علي واذا اتصل وما سمعت اهلين
اخذ ثقل جعل مغيره تثقل ديوووونه

مثل ما ثقل ديني من مقاصد التموين
هاك يا البنك الاقشرجعلكم ما تمرونه

ذبحني غلاه وحط وسط الحشى جرحين
الاول من الصده والاخر من ظنونه

وانا من هذاك اليوم ومعايد الثنتين
يا صعب الوصال وصدة عنه ملعونه

تمكن غلاه بوسط قلبي بعام الفين
ومن يومها والحب يكبر على هونه

ويقولون خله يا معود واقول انزين
ابي فكة منهم وانا اموت بعيونه

هذاك ان ضحكلي رحت كلي ولا ادري وين
|| حمد السعــيد .. [[ المس كول ]]~||

وكم واحد قد راح لعيون مظنونه

وهذاك ان طرالي كنه يقصني نصين
معاه نص وابقى نص ما اعيش من دونه

وهذاك ان طلع رقمه وانا مشغل الخطين
يروحون فدوة لنمرته وتلفونه

عسى يرده الي رد ركان ابن حثلين
من الترك لدياره وللي يتحرونه

هذاك الرجى عقب البطى ناذر نذرين
ابسامحه واني مع الوقت ما اخونه
××
|| حمد السعيد المس كول ||~
راقت لي .